زواج الاقارب ..@@

شباب وشابات ,,

وش رايكم بزواج الاقارب ؟؟ ايجابياته وسلبياته ..

كل عضو يقول رايه بصراحة ..

مشكوره على طرح هذا الموضوع لأنه حساس بالنسبه لنا ( أبناء القبائل عموما ) أنا رايي المتواضع إنه له ايجابياته وسلبياته والايجابيات مثل انه تقل نسبة العنوسه داخل الاسره او القبيله وكذلك تقل المهور لأن عمك بيراعي ظروفك والتفاهم يكون اسهل لأن الاثنين نفس الخلفيه التربويه والثقافيه لكن السلبيات ممكن تلافيها مثل الامراض الوراثيه لها حل وهو الفحص قبل الزواج أما خطأ التطبيق هذا يحتاج شغل وايد واقصد بالتطبيق ان البنت ماتاخذ الا ولد عمها وساعات حتى لو متزوج او غير مناسب لها هذا باختصار لأن الموضوع كبير جدا ويحتاج جلسات ولا شرايكم
أخــــــــــــوكـــــــــــــم
ابــــــــومــــــــانـــــــع

بخصوص الامراض الوراثية ,, اخوي ابو مانع ,,

انا اعرف 1 سليم , تزوج بنت خالته وهي تحمل مرض فقر الدم المنجلي !!! فقط.. ( تحمل المرض : بمعنى انها غير مصابة بالمرض لكنها تورث المرض لعيالها )

عندها اولاد وبنات , فيهم 1 مصابة بمرض نقص الخميرة , وعندهم بنت تحمل مرض فقر الدم المنجلي وتحمل مرض نقص الخميرة ,,
المعنى : بعض الامراض تنتقل بالوراثة حتى لو ما كانت موجودة عن الاب او الام , يمكن تنتقل من الخالات والعمات وغيرهم ,,

ظل القمر

زواج الاقارب له ايجابيات وسلبيات وهذا نعترف فية:

اذا كانت العلاقات بين الاقارب متينة وقوية وعدم وجود امراض الوراثية اويد هذا الزواج لنة يزيد من التواصل بينهم .

اما اذا كان غير ذلك فانا لااويد هذا الزواج لنة يسبب قطع الرحم بين الاقارب والفضايح عند الناس وتفشي الاسرار
عند الغير.


فية مثل يقول : ( الأقارب عقارب )

بس موكلهم

يسلمووووووووووووو اختي / ظل القمر على الموضوع

الزواج من الأقارب سلاح ذو حدين

ويعتمد على نوع علاقة الزوجين ببعضهما

فإذا استمرت بصورة جيدة ازداد التقارب بين العائلتين

وأما إذا ابتدأت المشاكل وحصل الطلاق فتنتهي والعياذ بالله

في القطيعة والمحاكم

وهذا اسوأ ما في زواج الأقارب

مشكووووووووووره

إختي ظل القمر الكلام اللي قلتيه صحيح بس الطب الحديث وحسب مادرسنا وقرأنا وسمعنا يقدر يحدد الجينات الحامله للمرض اذا كانت موجوده او لأ وفي اشياء بالطب يسمونها الكروموسومات وهي اللي تحمل الجينات وفي المتعديه وهي اللي تطوف جيل مايصيبه شي وفي غيرالمتعديه وهي اللي ماتطوف كل جيل تصيبه عموما العلم هذا بحر وكأني شطيت عن الموضوع بس الموضوع اللي طرحتيه كثير متشعب وتدخل فيه اشياء كثيره
أخـــــــــــوكـــــــــــم
ابـــومــــــــانـــــــــع

تسلموووو على مروركم وعلى تعليقكم ,,

انا بصراحة من المعارضين لهذا الزواج ,, اللي مثل ما قال اخوي وضح النقا ,, ممكن تسبب فضايح ومشاكل , وعند اقل مشكلة بسيطة تدخل العائلة الكريمة كلها البيت :D

ولكن في حالات نادرة يكون فيه خير مثل ما قال بو خالد :)

بنت عمي وأنا أولابها

يالعكس بنت العم او القريية لك هي التي تعيش معك وتستر عليك وتوقفك معك
وعارف عادتك وش أنت تحب وتحترمك لأنك زوجة وثانياً لانك قريب لها

أما الزواج من الغير قريب تحس أنك ماخذ أجنبية ماتعرف كيف وضعك
يمكن أنت متسلف علشان العرس وكشخت لك يوميين وفكرت الرجال معة ملايين
وثاني حاجة راح تكون شرسة مفترسة أذا تعودت على شي معين يعني ما فية تقدير
للزوج أو احترام له الهم الأول لها كيف تلبس عند الناس وتتكشخ والهم الثاني كيف أقضي عليه .

وأذا بغيتوا تصدقون ارجعوا للورأ ايام الشيبان والعجيزات
تلقاء أعمارهم 1000 وتشوف حنية وأخلاص وحب واحترام
ليش لأنة جمعهم بألأول رابط القرابه

وهذه وجهة نظري ،،،

اضم صوتي لخوي تركي ال طالب

ومثل ماقالو يازين الثوب رقعته منه وفيه

تسلمين اوخيه على الموضوع

اشكركم على المناقشة الحلوة ,, انا توقعت يصير فيها ضرب ,, بس الحمدلله الله ستر .. :)

طيب حتى أنا مع زواج الأقارب بس لو ينزل المهر عن 120000 يعني على هالمهر غير العرس ويشمل الصوغه وخلافه غير البيت غير السياره غير غير غير؟؟؟؟؟؟؟!!!! والله الواحد يتعب وهو يفكر, حتى الأن أفضل أكون عزابي ألى أجل غير مسمى.

انا حيادي المسئله عندي قسمه ونصيب
رغم اني ماخذ بنت خالي بس من الصغر
وانعرف انه فلانه لفلان وصار بيننا ود
والحمد الله على اخر الصيف نلتقى ,,
وحاجه ثانيه الاقارب يسترون على بعض
ويتحملون مع بعض اكثر فوق رابط الزواج في دم
بينهم وهذا يخلي الزوجين يقدمون تنازلات اكثر
وانا اقول انه الدنيا صعبه وامتحان ..
تحياتيـ