وش البيت الشعري اللي اذا ضاق صدرك تردده؟

الوصل ( جنه ) .. والغلا غيره وطاري البعد ( نـار )
و( الشـك ) شيطـان القلـوب .. اللـي يعكـر ودهـا

والجرح / ما هو يحس به / كـون الجريـح المستثـار
وضلوع صدري عانـت جروحـك .. وضاقـت حدهـا

مـا كـل جـرح ٍ /تقـدر تشافيـه .. كلمـة واعتـذار
بعـض الجـروح .. يفـت بنيـان الغـلا .. ويهدهـا

أستغفر الله كثر ما أذنبت وأخطيـت
واستغفر الله .. كل ما ضاق صدري ..××

وأستغفر الله كل ما أصبحت وأمسيت
عن ذنب ٍ أدري عنه أو عنه مـدري ..××

اغليك ايه .. واعشقك ايـه .. لكـن الجـرح عـار
معطيـك مـن قلبـي ثقـه .. وآثـرك منـت بقدهـا

1111111111111111111111111111111

هههههههههههاااي ذعلوق شكلك ملخبط بين قسم الشعر وقسم الالعاب = )

نِزعَل" نتكبر وحنآ مِن الطِينْ "
و الكل مِنآ يصَد لا أقبَل خويةٍ "
نِفخَر " نِقولْ إنا على الصّد قآويِنْ
وهِي عَلينآ فِالحَقيقَة قِويّة "
نِنسَى " نِهايتْنا و عَلى وينْ ماشِين
وِنِنسَى " الزّمآنْ اللِي جمِعنا سوِيّة
المُشكِلة ماهِي بِحاجَة " لتخمِينْ "
ولآهِي" يآ ناسْ " صَعبةْ القضِيةْ

ليل الشتاء برد وهروب وحكايــا
خوف ورجا رنة حجول .. ومواويل

ليل الشتاء خيل وحروب وسبايا
نار وشعر ورجال .. صفّة معاميل

ليل الشتاء ميعاد رد الهدايـــا
لا صار ما يصبر على العطر منديل

أشوف ذنبي في عيوني اليا أذنبت
ينـشـر ظـلامـه فــي مسـالـك دوربــي

يضيـق صــدري لاتفـكـرت واسهـبـت
وأنــدم عـلـى مـافـات واعــزم واتـوبـي

تكـبـر ذنـوبــي لاحـسـبـت وتحـسـبـت
وأصـغـر بعيـنـي يــوم أنـاظـر ذنـوبـي

عــابــر بـلاتـفـكـير..مليت الأفــكـار
ومـلـيت مـن طـول الـشقا والـكآبه


عابر بدون اسرار..هوباقي اسرار؟
حـتى الألـم صـارت دروبـه تشابه!


عـابر وزادي بـالسفر حب الأسفار
عـابـر طـريـقي بـيـن صـحراء وغـابة

يا رب إن عظمت ذنوبي كثرة
*** فلقد علمت أن عفوك أعظم

و إن كان لا يرجوك إلا محسن
***فبمن يلوذ و يستجير المجرم

الجمرصمتي واللهب بعض بوحي
والشاعرالمسكون بالوعي مصباح

ياسدرة في داخل القلب فوحي
هدّي جدارالصمت يكفيك ماراح

لوطال دربي مايقصّرطموحي
الله خلق في هقوتي عدة ارواح

يا صاح أنا ماعدت بهواك
...أبدا ولا لي قلب يغليك

يوم السعد هو يوم فرقاك
...يرتاح قلبي من بلاويك

وش أحكيّ لك وَش أفسر ؟
عن أحوالي و عن علوُمي
كثر شوُقي لك تصوّر :
[ أشوُفك حتىَ في نوُمي ]
أبيك تشوُف لي صِرفه !!

يا مسافر للجفا .. و الوصل يبكي عليك
وين عهدك بالوفا .. للخفوق اللي يــبــيــك
لي جناح و لك جناح .. و لا نطير الا سوا
اسقني عذب القراح .. من ينابـيـع الهوى
ليت لي قلب خلي .. ماعرف فرقا المواليف
لا عليه و لا علي .. لا ربيع و لا خريف
الهوى أمره عجيب .. مرّه يسابق حلاه
إن صفا ود الحبــيـــب .. الزمان أبعد مداه
ويل قلبي يالغرام .. كل يوم لي قصيد
اشتكى مني الكلام .. اجرح حروفه و أعيد

مازلت أنا الأول أبد ماتغيرت
ذاك القديم بطيبتي وبصفاتي

يجوز حدتني الظروف وتعثرت
بس المهم تبقي عزيز بحياتي