زمــــــان الــــعـــجــايـــب...

اخواني الاعزاء..
اقدم لكم هذه القصيدة وامل ان تحوز على اعجابكم

جربت بالدنيا تجاريب شايب=وعرفت عدواني وميزت الأصحاب
وعرفت طبع الناس مخطي وصايب=ومانيب خبل تخدعه ضحكة الناب
جنبت ناس اوناس بعضه قرايب=البعض منهم قربته قربت الداب
لو كان تعطيهم عيونك وهايب=ماينفعونك جودهم عند الأجناب
ومن لا يسد اللازمة في النوايب= وقت الرخا تقول أبو زيد وذياب
واللي تكبر عنه شد الركايب= اترك طريقة واحقره كنه ذباب
وبعض البشر قلبه من الحقد عايب= لافيه طب وقلبه اسود من غراب
عنده نجاحك من كبار المصايب= وإذا سمع مدحك من الغيظ ينصاب
لولا الحيا سالت دموعه سكايب= مسكين من نار الحسد ماكل تراب
اللي يذمك كل ما صرت غايب= وان جيت قدم لك تراحيب وإعجاب
خله ترى مثله مع الناس خايب= وعادات أبو وجهين يكذب ويغتاب
لو تغرقه بالطيب ما هو بطايب= ولا تنخدع في مثل شرواه لو طاب
طيبه وخيره للمره والنسايب= ولا تنشده عن والدينه والاقتراب
لاهو برجال يفك النشايب= ولاهو بنت تنقش الكف بخضاب
وشلون نبي الغيث وايا السحايب= والناس صارت بين حاسد وكذاب
كثيرهم تفرغوا للطلايب= و ما بينهم قامت عداوات وأحزاب
وتبقى الحقيقة يا زمان العجايب= الروس روس ولو يغارون(...)

ابن عمي الفاضل الشاعر \

][][§¤°^°¤§][][الطرماح الطائي][][§¤°^°¤§][][

صح السانك يالغالي
وانا اشهد كل ما قلت صحيح ياخوي
ويازمان العجايب


ارق تحية يا ابن عمي

تسلم وتسلم يمينك يا الطائي

ويعطيك الف عافية علئ القصيدة الاكثر من رائعة

فاود ان اقول لك انك شاعر وان الشاعر هو انت

بكل ما تعنية كلمة شاعر فأنت شاعر

اود ان اشكرك كثيرا علئ القصيدة الطيبة وبكل ما فيها من معاني طيبة

صدقني اني فرحت كثيرا بوجودك معنا في هذا المنتدئ الكريم

وارجو منك ان لا تحرمنا من قصائدك الطيبة مرة اخرئ شكرا جزيلا لك

والئ الاخوان الكرام الذين بعد اللة ثم جهودهم لما يكن لنا الفرصة لنتعرف

على مثلك وشرواك من الرجال الطيبين

اخوك محمد العودة

ابناء العمومه راعي العليا ،وولد الامير
اشكركم على اطرائكم ومروركم الكريم وحسن ثنائكم على هذه الابيات المتواضعه
ولكم مني جزيل الشكر والعرفان

الطرماح

الطرماح الطائي

صح السانك على هذه القصيدة الرائعة

اخوك ابو عامر

صح صح صح لسانك يالغالي


وانا اشهد انها قصيده ونصحيه في زمن فيه العجايب



والله يدوم لك العافيه والصحه


ولا تحرمنا من قصايدك

وتحياتي لك

صح السانك يابن العم وماقصرت وصدقني ماقلت إلا الصحيح

لك مني احلى تحية

صح السانك

ما تكفي لانسان رائع

مثلك عسل كلامك سكر لسانك

ابيات جميله ورائعه ومفيدة


مشكوووووووووور

يالغالي

ولا تحرمنا من هيك مواضيع

الطرماح الطائي
صح لسانك قصيده جميله
لاهنت وشكراً لك

عـنــده نـجـاحـك مـــن كــبــار الـمـصـايـبوإذا سـمــع مـدحــك مـــن الـغـيـظ يـنـصــاب
لـــولا الـحـيـا سـالــت دمــوعــه سـكـايــبمسكـيـن مــن نـــار الـحـسـد مـاكــل تـــراب

ايه والله انك صادق يا اخوي الطرماح <<< على الجرح
صح لسانك ---- تقبل مروري اختك \ شاعره الفضول

صح لسانك
و
الله يرحمك ويغفر لك

من القصايد التي لا تمل القراءة لها !