شف عارضي ياطويق مما جرى شاب ***** وليتك تشيل الهم ياطويق عنا

هذه قصيده كتبت حروفها من دمي
°♡
(طويق) هو جبل معروف في وسط نجد


آقول.....

اشوف دمع العين من ناظري ذاب
وشوف قلبي والحنايا تحنا

كريم ربي والرجا فيه ماخاب
يارازقن بالكون انساً وجنا

يامن عطاياه العظيمه بلاحساب
ياواحداً مغيرك احداً عبدنا

ياطويق جيتك من عنا الهم مرتاب
جيتك وآنايطويق شاعر معنا

جاوب صدى صوتي جبالك ولاهضاب
يوم الهواجس بضمير ارقابنا

كم خيراً جالك من الهم منصاب
وكم عاشقن من فوق ضلعك تمنا

شف عارضي ياطويق من ماجرى شاب
وليتك تشيل الهم ياطويق عنا

عطني من خشومك سند ضلع من صاب
وضلوعي اللي بشقى كسرنا

يمشي بي الحاسدعلى كل مغتاب
يجمع علي الشين منا ومنا

كنه ابعرقوبي مثل لذغة الداب
إلي علي ابكل شينه تجنا

ياطويق حظي بالمسرات مطاب
وسود الليالي بالفرح ماصفنا



الشاعر➰
محمد بن عبدالرحمن الثاقب الكثيري

صح لسانك وجاد بنانك ابن العم

صح لسانك
عجيب طويق ذكرتنا باخوتا وابن العم كبير

كان معنا هنا واظنه لا زال
اخر العلم به شعط طويق
لا قدرنا نصعد له ولا نزل هو