إعلان هام من عبودي

[مستر فضلي]

بعد الهجوم الفضلي الكاسح على برامج المسابقات الشعريه

على قناة فواصل الأخ الشاعر : ناصر المتيح ( قصيدة التحدي )
على قناة أبو ظبي الأخ الشاعر : نواف التركي ( شاعر المليون )

عسى الله يوفقهم ويفوزون

قرر أخوكم ـ الغير متواضع ـ والمعروف إنترنتيّاً على مستوى منتديات القبيلة بالإسم الحركي اللاّمع : عبدالله الفضلي ( مهل ابن عدوان الكثيري )

خوض غمار ( حلوه خوض غمار ) مسابقة ( شاعر العرب ) :9_f: على قناة رواسي ( جائزتها خمس ملايين ريال ) :34_f:

العن أبو الفقر :smile:


إدعولي بالتوفيق

وإن خسرت يكفيني أقول :

أنا ما يهمّن لــــو يطولـــــون الأقــــــزام
........................... يعـــرف القــــــزم قصره ليا منه لاقاني

ولا همّني من لمّعــوبه هــــل الإعـــــلام
........................... أعــــرف الحقــــايق واتعوّذ من لساني

لي بنــدقٍ خلقه بها ســــاحب الأقســــام
.......................... عسى الله يستـــر من تلاعيب شيــطاني

ولانا متنبّي بالشّعـــــر ولاّ أبــــو تمّـــام
.......................... أنا شـــــاعرٍ صـــــايع ولاني بعقـــلاني

ولكنّها لاصارت إفــزع وشـــد حــــــزام
.......................... آبخلّي أريحهم وأنا مـــــريح يشقــــاني

ولامن خسرت أخسر ولكن مثل صــدّام
......................... أبي من القهر عقبي يموتون عـــدواني

( هذا مطلع من قصيدة هياط ما حطيتها بالمنتدى )




توقيع صاحب البيان :
عبوووووووووووودي

وشكرن:61_f:
















منقـــــــــــــــــــــــــــــول











ــــــــــــــــــــــــــــــــــــ

[عبدالله السالم]

صح الله اللسانك يابن عدوان

والخبر والله فرحنــــــــي ويبشر بعزه ابن عمنا ماطلبت شي يامستر

وكل عيال عمك ان شاء الله مو مقصرين معه

وان شاء الله نرفع له الرايه العلانيه بالمنتدى ووهو رايتة ماتحتاج بعد دوم مرفوعه

الله يوفقه ان شاء الله

والموضوع مثبت حتى يكون الجميع عنده علم ومستعدين

[بوثنيان]

مستر فضلي


بارك الله فيك .............كان من الاول ياراجل ...........إنت فين ياعم .......:biggrin:


( بالتوفيق ..يا بوعابد ...)


دمت بخير,,,

[رياض الفضيلي]

.


هااااا هاه ... اخيرا ياخوي بوعدوان ستدخل الميدان يا حميدان


ولامن خسرت اخسر ولكن مثل صدام # ابي من القهر يموتون عدواني

اشهد انك ذيب يابن عدوان

انه لخبر ســــار , وفخـــر لنا , نتمنا لك التوفيق



بومشعل

[مستر فضلي]

مشكورين أخواني

لكن أنا ناقل للموضوع

والله يوفق ابن عمنا مهل ابن عدوان الكثيري

[شماليه]

حنا معاكــ

يا

(( مهل ابن عدوان ))

قلبا وقالبا ..

وتسلم

يا

(( مستر فضلي ))

على النقل ..

[ReeM]

الله يوفقهم

[عبير الورد | ~]

بالتــوفيق لـــــولــد العـم

~*¤ô§ô¤*~ مهل ابن عدوان الكثيري ~*¤ô§ô¤*~


ومشكـــــــــــــور على النقــــــــــــل الراااائع

اخـوي

مستــــــــر فضــلي


تقبل مـــــــروري

[مستر فضلي]

الله يوفقكم جميعا

ويوفق أخونا مهل الكثيري

[سلامه العايد]

مستر فضلي


تسلم على الخبررررر ....

[حاتميه]

الله يبشرك بالخير مستر فضلي

يستاهل الملاااين ولد عمي شاعرنا المبدع وفاله التوفيق يارب

[راعي العليا]

الله يوفق عبودي يارب

وانشهدله شاعر وباذن الله بان يوفقه ويجعله المركز الاول يارب

والله يوفق جميع ابناء العم

[عطـــــر الخزامـــــى]

كنا نتمنى انك انت اللي نازل

تورينا شويه من شعرك

اللي انا عن نفسي ماشفته

وكلهم فيهم الخير

وغاله الفووووووز

[طــربـــان]

الله يوفــــــــــقـــــــــهـ

وفالهـ الخمســــــــهـ ان شاء الله

ومشكوووور يابن العم على الخبـر

طــربـ نجد العذيه ـان

[مستر فضلي]

منقول بتصرف من عبدالله الفضلي ( مهل ابن عدوان الكثيري ) :

يا الربع أنا أبي أسوي اللي علي والباقي على الله

وإن شاء الله أكون مع الــ ( 52 ) اللي راح يصعدون على المسرح لأن اللي رايح يتقدمون مئات الشعراء وراح يختارون منهم ( 52 ) من غير تصويت .

وهذي القصيده اللي راح أشارك فيها ، وهي قديمه وأجريت عليها بعض التعديلات في المعاني


وضعــي علـى خبـــــرك ولا فيه تغيــــير
..................... أسهـــر مع طيـــــوفك لمطلـــــع نهـــــــــاره

وأعيش في واقــــــع نافــــقٍ وتــــزوير
..................... فيــــه الحقــــــاره ما تسمّـــــــى حقــــــــاره

كم واطــــيٍٍ يلقـــى حفـــــاوه وتقـــدير
..................... وكم خيّــــــــرٍ ضيّــــــــع زمــــانه وقـــــاره

النـاس غيـر النـاس وأخلاقهم غـــير
..................... وأهـــــل المبــــادي صــــار فيهم نـــــــداره

مانــــي منـــافق لأجــل حفنة دنـــانير
..................... لو عشت حـــــافي راس مالـــي زقــــــــاره

ليا نـويت... أفعل.. ولا قول شيصــير
..................... النّمــــر ماهــــــو نمـــــر لـــولا النّمـــــاره

لاصرت أنا شاعرك وانت الجماهير
..................... يكفي لــو أحيـــــى معك خلــف السّتـــــــاره

ويكفينــــي ألقــا لماكتبته تعـــــــابير
..................... ترسم علــى وجهك شـــــــديد إنبهــــــــاره

ماهمّني لو يكثـــرون الشـــــــواعير
..................... والهــــــرج واضح في صــــريح العبـــــاره

ليا جذب كل شاعر الـــدّلــــو من بير
..................... شرهتك خلّه فـــــوق راس المنــــــــــــاره

بتشوفنــــي قــــدّام في زحمة السّـــير
..................... وإعرف ترى المـــوتر مريّــــــح غيــــــاره :wink:

ماجيب حيلـــــي لين يظهر بـهــــا زير
..................... لين السّبـــاق يصير حلــــــــــو بمــــــراره

العذر لو ينفع نســـــوق المعـــــــاذير
..................... من يحيـــي الميّــــــت نهــار إحتضــــــاره

السالفه ما عـــــاد تحتـــاج تفكـــــير
..................... ( إمّـــا عمـــــار القلـــب ولاّ دمــــــــاره )

ماعاد هي لحية مجـــامل وتبــــرير
..................... حط الحطـــــب وإقــــــدح مقـــــابيس ناره

معاك بايعها على الشّر والخيــــر
..................... معك الخساره ربح مـــــاهي خســــــــاره

فدوه لعينك لو يقولــون دشّــــــير
..................... يا أجمـــل تخلّـــف في زمان الحضـــــاره

يا أوّل محــــطات المحبّه والأخــــير
..................... يا مهيّجٍ كـــــــــل القصـــيد بإشــــــــــاره

لا تلومني لا شفتنـــي تقل سكّـــــــير
.................... ما عــــاد أميّــــز من يميـنـــي يســـــــاره

منهار عقلي ممتلــــــي بالتّفــــــاكير
.................... وإنــت السّــــبب يا مشغله بإنهيـــــــــاره

كان الله أحياني تهــون المشــــاوير
.................... هذي حقايق مــــــــــاهي بإستعـــــــــاره

عزاي خــــدّك يا أمــيــر الغنـــــادير
.................... خـــدٍّ تفــــرعـن به بيـــــاض بحمـــــاره

وعين الذي ما برقعوه الصّقاقير
.................... والمبسم اللي كل الأفكــــار حـــــــــاره

لو جيت أبصوره بأقل تصـــــوير
.................... الــــــزّهر يهجره النّحل وإستخـــــــاره

لأجلك لذيذ النوم من عيني يطير
.................... وياخذبي الهـاجوس تــــــاره وتــــــاره

أحيـان تلقـــاني بحكمة شكسبير
.................... وأحيــان تلقــــابي صنوف الغجـــــاره

[حاتميه]

ليا نـويت... أفعل.. ولا قول شيصــير
..................... النّمــــر ماهــــــو نمـــــر لـــولا النّمـــــاره

صح لسانك يالنمر قصيده رائعه وجديده في المعاني وشامله

الله يوفقك شاعرنا المتالق

[سالم الصبارا]

صح لسانك يامستر فضلي ولا هنت

ومهل يستاهل كل خير ونعم الرجال والشاعر

عسى الله يوفقه .. وياريت توصله هالبيتين هديه مني له ... واقول ..


سلّم زمام الامر لرب التدابير = واعقد لجام الخيل وامسك رسنها
اطلق عنان الشعر صورة وتصاوير = مهلٍ نسل كثران اصلٍ رسمها
ابشر ترى بعزك كل التباشير = ممسك زمام الشعر بيدك عزمها

وسلامتك

ومشكور على الخبر الحلوو

لك مني كل احترام وتقدير

[مستر فضلي]

صح لسانك يا سالم الصبارا

وإعتبر الأبيات وصلت لمهل

[عبدالله السويلم]

مستر فضلي
مشكووووووووووووور على النقل الرائع
واسف على التأخير

وعبدالله الفضلي مافيه كلام
ون شاء الله يفوز بجداره

والله يوفقنا واياه
وعيال عمه مايقصرون معه


تحياتي

[فضول..على طول]

ولكنّها لاصارت إفــزع وشـــد حــــــزام
.......................... آبخلّي أريحهم وأنا مـــــريح يشقــــاني

ولامن خسرت أخسر ولكن مثل صــدّام
......................... أبي من القهر عقبي يموتون عـــدواني




ما تخسر يا ولد العم ان شاء الله.




روح وحنا وراك.





معاك بايعها على الشّر والخيــــر
..................... معك الخساره ربح مـــــاهي خســــــــاره




صح لسان مهل ابن عدوان والله يوفقه ان شاء الله.







سلمت يمينك يا مستر على النقل الاكثر من رائع.

[سيف الفضول]

بتوفيق لجميع شعراء قبيلة الفضول المشاركين وحنا وراهم يتصوت