ماهو شعور الفتاة عندما يراها الخاطب ثم يقول انها لاتعجبني...!!!

[سلامه العايد]

موضوع للحوار والنقاش

ادعوا فيه الجميع ولكن اخصص شيء بسيط من اهتمامي على ردود الفتيات

التي اتمنى ان تشاركين بكل صراحه وبكل وضوح .

(( ماهو شعور الفتاة عندما يراها الخاطب ثم يقول انها لاتعجبني...!!! ))

إن من حكمة الله جل في علاه أن شرع النظرة الشرعية بين الرجل والمرأة

عند الخطبة وتكون برؤية الرجل للفتاة وهي مظهرة لما يظهر منها غالبًا

كالشعر واليدين والوجه والقدمين ولبعض العلماء أقوال أخرى ( والله أعلم )

المهم : ما شعور الفتاة التي يتقدم عريس لخطبتها

ثم يراها ، وبعد يومين تتصل أم العريس لتخبر أم الفتاة بأن

ابنها لم يوافق على الزواج من ابنتها وكل شيء قسمة ونصيب..!!

أريد آراء صريحة ومواقف واقعية ونقاش رائع كما هو المعتاد .؟

مع تمنياتي لكم بالتوفيق والسداد

[عبدالله السويلم]

اخوي سلامه

موضوع شائك وواقعي

الموقف هذا من اصعب المواقف على البنت
يعني يحطم نفسيتها
خاصه عند اهلها واخواتها واخوانها
وعند الناس اللي يدرون

حتى لو هي زينه بس العريس استخار وش بيقولون الناس عنها

اكيد شينه او شاف شئ او عرف عنها شئ موزين اوووو
والناس اذا درو انها مخطوبه وشافها الخاطب وتركها اكيد ماحد جاى يخطبها بعدين

لكن :
الوقع ان الناس مايسمحون بالرؤيه الشرعيه الا اذا خلصو من كل شئ
وصار الزواج شبه منتهي
لان الزوج اكيد اخذ معلومه كامله عن الزوجه من اهله واخذ اوصافها من جمال وطول وقصر وجسم واخلاق
يعني كأنه شايفها قبل
وبعض الناس يستخدمون الصور اذا كانو معزمين

----------------
وفيه نقطه يسوونها اكثر الناس

اذا تمة الخطبه وصار الرجال يبي يشوفها
ولي امرها يحاول ان الخاطب يشوفها بدون انها تدري

حتى اذا ماصار نصيب ماتتأثر البنت وكأن شئ ماحصل


تحياتي

[سلامه العايد]

ابــوجهــاااد



بس ابصراحه البنت اللي يرفضهااا الخااطب


تكسر خاااطري عشاان كذا اناا اعاارض النظره


الشرعيه لأني أحس والاحساس نعمه



هو يشوفهااا قبل الملكه



أشكرك على المشاركه ولابداء برأي



كمااا أشكرك على المرور الطيب لاهنت ..

[حاتميه]

عادي ما تكسر الخاطر ولا شي شفيكم مكبرين المسأله !!

هذاك اول .. يوم الناس تظرتهم مختلفه .. الحين تفهمو وعرفو ان الاعجاب مو بس بالجمال

اشياء كثيره تعتمد ..

حتى لو هي زينه بس العريس استخار وش بيقولون الناس عنها

والناس وش بيدريهم يبوجهاد زي ماقلت في موضوع سابق لو كان هو نشرة اخبار

فخيره انها ماعجبته وراح في حال سبيله .. وحتى لو هي جمالها متوسط ورفضها .. الجمال مو مقياس

يعني الناس لو درو المفروض ما يقولون ماعجبته مهيب جميله .. المفروض يفكرون في النواحي الثانيه

والراحه النفسيه والتودد والاطمئنان .. حنا في زمن الحين نظرته غير وبعدين الاحظ الشباب مايهتمون للجمال اصلن ولا يعرفونه

عن تجارب ناس اعرفهم .. الام تخطب له ملكة جمال يشوفها ما يبيها .. وتخطب له ثانيه عاديه يرتاح لها !!

سبحان الله .. الله اللي يسخر لعباده ..

وفيه نقطه يسوونها اكثر الناس

اذا تمة الخطبه وصار الرجال يبي يشوفها
ولي امرها يحاول ان الخاطب يشوفها بدون انها تدري

هذا بلى ابوك ياعقاب

والبنت مالها ذوق يعني ما تشوف ماتعرف الزين ولا تفرق ماتعرف الشخص اللايق وغيره و و و

انا اشوف هذا ظلم للبنت واجحاف في حقها .. ايضا عن تجارب كثير بنات انظلمو بسبب هالموقف من اهلهم

حتى اذا ماصار نصيب ماتتأثر البنت وكأن شئ ماحصل

اعيد واكرر ترى البنات الحين ماعاد يهتمون من هالمساله.. اذا راح بداله غيره

اهم شي انها تتزوج واحد عن قناعه تامه ...

ودي بمية واحد يقولون مهيب زينه ويروحون .. ولا واحد يحطني ملكه واعيش معه متنكده

سلامه انت في بالك النظره الشرعيه ولا انت مايدها ابدااا

وفتحت الموضوع من جهه ثانيه ونفس الشي ما راح تغير نظرتنا ابداا ( :

شكرا سلامه لمواضيعك الجميله والشيقه

الف شكر وتحياتي للجميع

[نواف الفارس]

طرح هذا الموضوع جيد لكنه حساس
من ناحية رؤية الخاطب للمراة أمر حببه المصطفى وللرجل
حرية الاختيار ولا يجبر على شيء بضغط من الأهل

لكن حبذذذذذذذذذذا .. للرجل عند رفضه للمرآة ألا يتكلم
عن مواصفاتها وشخصيتها للآخرين

أما بالنسبة للفتاة فلا حرج في عدم قبول الرجل لها
لأن الله كتب وقسم أرزاق لايمكن لشخص يأخذ رزق أحد
ولتعلم إن من ترك شيئاً لله عوضها الله خيراْ منه

وللأسف إن بعض وليس الكل من الشباب يريد زوجة عصرية
بكل مواصفات الموضة وهذا أمر حاصل كان سبب في طلاق
فتيات لم تتلوث عقولهم بالانفتاح

اسأل الله أن يوفق الجميع لما يحبه ويرضاه
شكرا على الموضوع

[سلامه العايد]

الحــاتميــه



في بالك النظره الشرعيه ولا انت مايدها ابدااا



لا ماهي في بالي ولاني مأيدهاا


هذا أبصراحه قلتهاااا لأن حنااا تعودناااا


وهذي عيشتناااا



على الاقل أهون من اللي مايشوف زوجته في ليلة


الزواج الخمدالله الاهل مو متشددين كثير ..

....


لاكن انت جااوبتي االلي في عقلك لاكن


ماجاوبتي اللي في قلبك لاني عاارف البنت تكون


حساااسه جداً
شكرا سلامه لمواضيعك الجميله والشيقه


شكراً على واجب وأشكرك على المشاركه


والحضور الابدااء بارأي الطيب



يسلموو على المرور ...

[سلامه العايد]

نــوااف الفـااارس



يااهلاابك بين الصفحاات



أنت عاارف مافي حد كامل الا الله


ووأنااا أعترف رح اتزوج وحده



مو نفس المواصفااات اللي اريدهااا


هذا قسمه من الله ...


لاكن تخيل لو البنت اللي تخطب وتختار


من شافتك هي ورفضتك ووش شعورك ...؟


أشكرك على المشاااركه الاكثر من الرئعه



والاروع هو حضورك في الصفحه



أشكرك جزيل الشكر دمت بود ...

[فضول..على طول]

مشكور يا سلامة العايد على طرح الموضوع.




انا اقول طبعا في رائيي الشخصي ان الرجال يشوف البنت ولا تعجبه ويروح كل واحد في حال سبيله احسن من الواحد ما يشوفها واذا شافها ما اعجبته او ما كانت كما توقعها فهذا يزيد المشكلة يعني ما راح يرتاح معها.




وانا اوافق حاتميه في بعض ما قالته يعني اذا راح يجي واحد غيره لا كن من ناحية البنت ما تتأثر شي طبيعي انها تتأثر ويضيق صدرهاوهنا يكون واجب اللي حولها انهم يرفعون معنوياتها لاكن ما فيه شخص ما يتأصثر يعني لازم يجي شي في النفس.








سلمت يمينك يا سلامة وتقبل مروري يا الغلا.

[فتى المراح]

أخوي سلامه مشكور على الموضوع
أنا أقول أهي اهي اهي أهي أهي أهي
على الفتاة التي يراها خاطبها ثم يرفضها
بس أشوف حاتمية شوي شكلها عصبت

مشكورررررررررررررررررررررررر

فتى المراح مشـــــ،،،،،،,

[سلامه العايد]

فضول على طول



هلا ومرحبااااا



من طول الغيباات جاب الغناايم صح


أحترم رايك لاتنسى الحب ماايجي الا بعد الزواج


لو شخص حب وحده قبل الزواج ناادر يتزوج


لأن ماهو بهواه وهذي الاقدار ماتدري عنهااا ...


أشكرك على المشاركه بس لا تكثر
القطااعه ...

[سلامه العايد]

فتــى المــرااح



الله يعين البنااات اللي حالهم سذا


حاتمية شوي شكلها عصبت



بالعكس لاعصبت ولا شي أبدت رايهااا


الطيب وهي كبيره بالتفكير مشاء الله عليها


أشكرك على المرور الطيب


لاهنت ...

[فتى المراح]

لا مو قصدي أنها عصبت
بس ابي اشوف ردها
مشكوررررر أخوي سلامه أختي حاتمية

فتى المراح مشـــــــــــــــــ،،،،،،،،،،،،،،،

[( مريامي )]

http://home.att.net/~scorh2/Wedding01a2.gif

::][ الخـاطــب][::

بقوله والله الواحد بأفعاله مب شكله والله اللي خلقني.. مب انته واذا مب عايبتنك بنات الحلال وااااايد..
وأنا احترم راااايك..

::][ مـريـامـي][::

انا عن نفسي بضايق بحزتها بس صدقوني ما تكمل دقايق وانا برد من هالحاله
وبكون طبيعيه وحتى عادي اضحك اذا حد سالني لاني اعرف بهالدنيا كل شي (قسمه ونصيب)...
وبعدين انا عن نفسي ماراح افقد ثقتي لاني اعرف عمري ومقتنعه بشكلي ولله الحمد والاذواق
متفاوته بين شخص وشخص اذا ماعجبته هذا راح اعجب بغيره... والحياه مستمره وحلوه..


::][ سلامه العايد ][::

وعسى ان تكرهوا شيئا وهو خير لكم
يمكن تكون خيره للبنت انها ما خذت الرجال
والزواج (قسمه ونصيب)
كل الشكر على طرحك
وتقبل مداخلتي

http://home.att.net/~scorh2/Wedding01b1.gifhttp://home.att.net/~scorh2/Wedding01b1.gifhttp://home.att.net/~scorh2/Wedding01b1.gif

[فضول..على طول]

ان شاء الله ما فيه قطاعه يا ولد العم بس كانت ضروف وعدت الحمد لله.




ما فيه مشكلة الحب يكون بعد الزواج او يزيد بعد الزواج لاكن لو ما كان هناك توافق يعني يا سلامة العايد ناظرها في حياتك اليوميه احيانا تشوف شخص وترتاح له وانت مابينك وبينه اي شي وفيه ناس تشوفه وتحس ما فيه شي يجذبك له يعني الرؤية تعطي تصور قبل الزواج.





اشكرك على موضوعك مره اخرى يا الغلا.

[سلامه العايد]

مــريــامــي



الله الله الله على الثقه



بارك الله فيك وبيض الله وجهك


على المشاركه شرفتي الصفحه



أحترم رأيك يابنت الاجواااد


أشكرك على المشااركه الطيبه


وأشكرك على المرور لاهنتي


دمتي بود ...

[ابراهيم الغنماوي]

اخوي سلامة

اول شي يعطيك العافية على طرحك لمثل هذا الموضوع

وثانيا اشكر الشباب ماشاء الله ما قصرو

بس ودي اقولكم شنو ردة فعل الشاب اذا انرفض؟؟

ليش نحط عينا على البنت بس؟؟ شي شرعة الله وحلله ومع ذلك رافضينا..!؟ للحين ماني فاهم ليش :") واظن جوابي واضح :")

علعموم يعطيكم العافية

وعساكم علقوة

[سلامه العايد]

ان شاء الله ما فيه قطاعه يا ولد العم بس كانت ضروف وعدت الحمد لله.



انشاء الله الحمدالله على كل حااال ماتشوف شر



ما فيه مشكلة الحب يكون بعد الزواج او يزيد بعد الزواج لاكن لو ما كان هناك توافق يعني يا سلامة العايد ناظرها في حياتك اليوميه احيانا تشوف شخص وترتاح له وانت مابينك وبينه اي شي وفيه ناس تشوفه وتحس ما فيه شي يجذبك له يعني الرؤية تعطي تصور قبل الزواج.
.


في شخص تشوفه وترتااحله بس إذا عرفته


وعااشرته تنصدم فيه صح ولا لا ؟





اشكرك على موضوعك مره اخرى يا الغلا.[/QUOTE]

[سلامه العايد]

ابراهيم الغنماوي


اول شي يعطيك العافية على طرحك لمثل هذا الموضوع


الله يعاافيك



بس ودي اقولكم شنو ردة فعل الشاب اذا انرفض؟؟

نااادر الشاب ينرفض وإذا انرفض معروف


يكون في هذا الشخص فيه عيب ..


ليش نحط عينا على البنت بس؟؟


لأن البنت هي الضحيه



اشكرك على المشركه وعلى المرور....

[الشيهانه]

بالنسبة لي شخصيًا.. لن أُنصدم لأن ذلك قسمة ونصيب وإن كان ماعجبته فالناس أذواااق في هذه المسألة..

فكل شاب يريد مواصفات معينة قد لا يجدها في تلك التي رآها.. وقد يتزرج فتاة اقل منها جمالاً ولكن راحته كانت معها..

ما أراه أنا أن الراحة النفسية هي الأهم في كل ذلك.. والأهم من ذلك كله هو الاستخارة للشاب

أو الفتاة.. استخيروا أولاً ليحقق الله تعالى ما تريدون إن كان في ذلك خير.. أو يصرف الشر

إن كان فيه شر..


لا أدري لماذا ترى إن الفتاة يكون موقفها أصعب عندما يرفضها الشاب,,,

أيضآ الشاب سيحزن ويغضب من رفض الفتاة له,,,وربما يبقى فتره من الزمن دون زواج..

أو العكس ربما يبحث له عن عروس بأسرع وقت ممكن حتى يثبت للفتاة التي رفضته

إنها هي الخسرانه,,,و إن البنات كثير ,,,,

عمومآ لا أنكر إن هذا الأمر مؤلم بالنسبه للفتاة خصوصآ إذا تكرر معها أكثر من مره,,

والإنسان الذي يستعرض في بنات الناس مثل السلع,,,ربي ماراح يوفقه إن شاء الله,,

وإلي أعرفه إن هذا الزمان أصبح زمن النساء,,هم إلي يخطبون وياخذون رأي البنت

قبل ما يحضر الشاب مع والده,,,والمفروض إن النظره الشرعيه ما تتم إلا بعد أن يسأل

والد الفتاة عن الشاب ويتأكد إنه رجل يقدر المسئوليه,,,,,,,



أتمنى لجميع العزاب والعازبات أزواجًا وزوجات صالحين يتقون الله في بعضهم..

[عبدالله السويلم]

أيضآ الشاب سيحزن ويغضب من رفض الفتاة له,,,وربما يبقى فتره من الزمن دون زواج..

أو العكس ربما يبحث له عن عروس بأسرع وقت ممكن حتى يثبت للفتاة التي رفضته

إنها هي الخسرانه,,,و إن البنات كثير ,,,,

انا مو معك في النقطه هذي

غالباً يرفض الشاب لكونه مدخن او راعي سفريات او ليس لديه وظيف ....... وهذي الامور لاتؤثر على نفسيت الشاب عند نفسه
ولا عند الناس لكونها اسباب عاديه
ويستطيع التقدم لغيرها بالعشرات
اما البنت فيكون رفض الشاب لها في نظر الناس لقلة جمالها او عيب في خلقها او اخلاقها مما يؤثر على نفسيتها وخاصه اذا تكرر الرفض
ويسبب لها عقده وعزوف عن الزواج بتاتاً

تحياتي

[المــها]

موضوع شائك وواقعي
ليش شائك الوضع عاادي
يعني معليش ترى الناس الحين تفتحو بتفكيرهم وكل بنت تعرف مستوى جمالها
وتعرف ان الي جاي يخطب مثله مثل اخوها اخوها اذا فتحوله طاري العرس قام يجيب موصفات من الخيال
بلعكس انا ما شوفها ابدااا شائكه
حتى احنا الحين انا واختي وامي
ودنا نزوج اخوي اجلس اقولها وشريك في فلنه والله انها تهبل اختي تقول لا والله مهيب ذاك الزود
وهي تقولي عن بنت مره معجبتها انا ما اعجبتني
يعني اناس اذواق

الموقف هذا من اصعب المواقف على البنت
يعني يحطم نفسيتها
خاصه عند اهلها واخواتها واخوانها
وعند الناس اللي يدرون
ما ادري يا ابوجهاد
اما تتحط النفسيه شف يضيق صدرها خاصه اذا كان عجبها يمكن بس تتحطم ما اعتقد
بلعكس يا ابو جهاد يشوفها ويقول ما عجبتني وهي عند اهلها ولا اذا تزوج يقولها ما اعجبتيني هنا تتحطم حياتها كلها
حتى لو هي زينه بس العريس استخار وش بيقولون الناس عنها

اكيد شينه او شاف شئ او عرف عنها شئ موزين اوووو
والناس اذا درو انها مخطوبه وشافها الخاطب وتركها اكيد ماحد جاى يخطبها بعدين
يقلون الي يقلونه طيب ما اعجبته وهذا شي والرد هذي المسئله مسئلة الرويا الشرعيه فيها يا بيض يا اسود
يا تعجبه يا ما تعجبه

لكن :
الوقع ان الناس مايسمحون بالرؤيه الشرعيه الا اذا خلصو من كل شئ
وصار الزواج شبه منتهي
لان الزوج اكيد اخذ معلومه كامله عن الزوجه من اهله واخذ اوصافها من جمال وطول وقصر وجسم واخلاق
يعني كأنه شايفها قبل
وبعض الناس يستخدمون الصور اذا كانو معزمين
ههههههههههههه
مره با يخه الحركه وش صورته
يعني يوري الرجال صورة البنت
مدري منيب مستوعبه ابدااااا

----------------
وفيه نقطه يسوونها اكثر الناس

اذا تمة الخطبه وصار الرجال يبي يشوفها
ولي امرها يحاول ان الخاطب يشوفها بدون انها تدري
ايه هذي صااااارت لقريباتي
وحده منهم ولد عمتها يبي يخاطبها وعاد يبي يشوفها قبل علشان الحساسيات
ومسكينه كانت في صاله وتسولف وتضحك
وحده ثانيه كانت تتمشى بلحوش اهي واخته ورجال جالس يتفرج من اشباك
هذي الحركه شينه زينه
لزين فيها البنت بتكون على طبيعتها غير لما يشوفها في رؤيا الشرعيه بتكون مره مستحيه ورسها تحت
شينه لان فيه طبخه تنطبخ وهي ما تدري

الرجع واقول

المسئله طبيعيه جداااااااااااااااااااااااااااااااااااااااااااااا
بلعكس قسم بالله انها تخدم البنت اكثر من الرجال
تزعل يومين ولا تتحطم حياتها مره وحده
وما اعتقد ان فيه بنت ما تعرف مستوى جمالها
وانا اوفق اختي حاتميه بكثر كلامها

ويعطيك العافيه يا سلامه

[حاتميه]

تسلمين يالمها وكلامك كللللله عسل

الله يوفق اخوك ويزوجه اللي تعجبه ويرتاح من اختلاف اذواقكم ( :

ويوفق الجميع يارب

[حاتميه]

فتى المراح تراني ماعصبت مدري ليه فهمت كذا !

الله لا يوريك اذا عصبت هههههههه

شكرا ع المراعاة

وشكرا سلامه ع الكلمه الحلوه من ذوقك ( :

[عبدالله السويلم]

ههههههههههههه
مره با يخه الحركه وش صورته
يعني يوري الرجال صورة البنت
مدري منيب مستوعبه ابدااااا

سبحان الله ! يالمها
انا من يحق له عدم الاستيعاب وليس انتي

يعني تبينه يوريه بنته بشحمها ولحمها ...... عادي
وبايخه انه يوريه صورتها ؟؟؟؟؟
شئ عجيب والله

يوريه صورتها بينه وبينه مو يعطيه الصوره له
يشوفها وهي مع ابوها
انا ما اشوف يفيها شئ
بالعكس احسن من انه يشوفها تدخل عليه .... قصدي بالنسبه للبنت ومشاعرها

[المــها]

الله يوفق اخوك ويزوجه اللي تعجبه ويرتاح من اختلاف اذواقكم ( :
عاد تصدقين اخوي ما يبي يتزوج الا بعد خمس سنوات وهو موعايش معنا
علشان ضروف شغله
وما يبي على قولته يسحب بنت ناس معاه في مناطق نائيه لان المكان الي هو فيه منطقه تجيب الهم
لو تدرين وش يبي قسم بالله يا حاتميه ما تخيلين
يقول ابي سمراء ما ابي بيضاء
وما بيها جميله ابي جمالها وسط وراعية دين واخلاق وانيقه

[حاتميه]

سبحان الله فعلا اختلاف الاذواق رحمه

بس خمس سنوات كثييير لحقو عليه بس لا يجيه وقت ويقول معد ابي العرس

الله يوفقه ويعيينكم يارب

[المــها]

سبحان الله ! يالمها
انا من يحق له عدم الاستيعاب وليس انتي

يعني تبينه يوريه بنته بشحمها ولحمها ...... عادي
وبايخه انه يوريه صورتها ؟؟؟؟؟
شئ عجيب والله

يوريه صورتها بينه وبينه مو يعطيه الصوره له
يشوفها وهي مع ابوها
انا ما اشوف يفيها شئ
بالعكس احسن من انه يشوفها تدخل عليه .... قصدي بالنسبه للبنت ومشاعرها
ههههههههههههههه
والله يا ابو جهاد اهون انها يشوفها مباشره ولا يشوف صورتها
امان قلي وش شكل الصوره
صورة جواز وهي محجبه
ولا يوريها صورها في استديو وهي لبسه وحاطه مكياج وغير العب في دجيتل
قلي نوع الصوره بضبط
تطلعله وهي على طبيعتها وبحيويتها
ولا صوره
انت فكر فيها

[المــها]

بس خمس سنوات كثييير لحقو عليه بس لا يجيه وقت ويقول معد ابي العرس

الله يوفقه ويعيينكم يارب
يا ويلي لو علي زوجته اليوم
قسم بالله احس منيب مرتاحه الا لما افرح في اخوي واشوف عياله
بس الله يسمح امره ويلقي نقل له

[سلامه العايد]

الشيهــااانـه



بالنسبة لي شخصيًا.. لن أُنصدم لأن ذلك قسمة ونصيب وإن كان ماعجبته فالناس أذواااق في هذه المسألة..


أحسنتي في هذا التصرف بارك الله فيك ..



فكل شاب يريد مواصفات معينة قد لا يجدها في تلك التي رآها.. وقد يتزرج فتاة اقل منها جمالاً ولكن راحته كانت معها..



لاكن المواصفااات المطلوبه نااد تتحقق


ما أراه أنا أن الراحة النفسية هي الأهم في كل ذلك..


صحيح الرحه النفسيه اهم




لا أدري لماذا ترى إن الفتاة يكون موقفها أصعب عندما يرفضها الشاب,,,..

لأنهاااا خايفه من النااس يقولون يمكن فيهاا عيب


بس اللي يسمع كلام النااس يتعب


أيضآ الشاب سيحزن ويغضب من رفض الفتاة له وربما يبقى فتره من الزمن دون زواج..,,,..

ليه ارفضته هي مارفضته الا اذا كان فيه عيب ولا مارفضته



أشكرك جزيل الشكر على المرور



وعلى المشااركه الطيب لاهنتي ...

[سلامه العايد]

ابــوجهــاااد



أشكرك على الحضور وعلى المشاااركه



ياالغااالي ...

[سلامه العايد]

المهـاااا




عاد تصدقين اخوي ما يبي يتزوج الا بعد خمس سنوات وهو موعايش معنا
علشان ضروف شغله
وما يبي على قولته يسحب بنت ناس معاه في مناطق نائيه لان المكان الي هو فيه منطقه تجيب الهم
لو تدرين وش يبي قسم بالله يا حاتميه ما تخيلين
يقول ابي سمراء ما ابي بيضاء
وما بيها جميله ابي جمالها وسط وراعية دين واخلاق وانيقه







أشكرك على المشااركه بس يحقله



على طلبااته وفي اختلاااف الاذوااق



الله يوفقه ويوفق الجميع ...

[سلامه العايد]

[center]الله لا يوريك اذا عصبت



اي بالله الله لا يوريناااا الله يعين الجهااز


إذا عصبتي ...


وشكرا سلامه


شكراً على واجب وأشكرك على المرور



الكرين ياأبنت الكاارم ...

[أبو عبد الله]

يعطيك العافية أخوي سلامة على هالموضوع .
وكما هو معروف الشوفة الشرعية حبيبنا محمد صلى الله عليه وسلم وصى بذلك لانه هذه النظرة تقرب المرأة لقلب الرجل ويشعر بالراحة فيقدم على اتمام الزواج أو العكس .
والحديث بما معناه (اقرب ان يؤدم بينهما ).
ومن المفروض ان البنت ما تتأثر من هالشيء بالعكس تحس بالراحة لان النزول من اول الدرج احسن من اخره .

تحياتي
أبو عبد الله

[عبدالله السويلم]

?



كلامك صحيح ابوعبدالله

[شيهانةالفضول]

هههههههههههه ياليت تحذفون المشاركه اللى سببت علامة استفهام عند بو جهاد

انا اتفق مع بو عبدالله في كلامه

مشكور يسلامه على الموضوع

ومشكورين جميع الشباب والبنات على سلامة عقولهم بردودهم الطيبه

[سلامه العايد]

أبــو عبــدالله


يعطيك العافية أخوي سلامة على هالموضوع .
وكما هو معروف الشوفة الشرعية حبيبنا محمد صلى الله عليه وسلم وصى بذلك لانه هذه النظرة تقرب المرأة لقلب الرجل ويشعر بالراحة فيقدم على اتمام الزواج أو العكس .
والحديث بما معناه (اقرب ان يؤدم بينهما ).
ومن المفروض ان البنت ما تتأثر من هالشيء بالعكس تحس بالراحة لان النزول من اول الدرج احسن من اخره .

تحياتي
أبو عبد الله







أشكر على المشاااركه الطيبه



طيب أنت يمكن تشوف وتحس فيه



طمئنينه وراحه



بس انت عااشرته ترى كم شخص انخدع بالمضااهر



أشكرك على المرور لاهنت ....

[سلامه العايد]

مــزيـونة الفضول






أشكرك على المشاااركه



كمااا أشكرك على المرور الطيب



لاهنتي ...

[سلامه العايد]

شيهاانة الفضول




نااقلتي رايك وش لسمح الله



صارلك موقف وش تكون ردة فعلك



واشكرك على المرور ...

[N.o.O.n.a]

ماشوف فيها مشكله كبيره ؟

انا من المعارضين للشوفه الشرعيه ..
فـ اللي تنرفض بعد ماشافها هالشوفه .. ماقول الا تتحمل اللي يجيها

:

سلامه العايد

يعطيك ربي العافيه
لاهنت

.
.

[أبو عبد الله]

أبــو عبــدالله






أشكر على المشاااركه الطيبه



طيب أنت يمكن تشوف وتحس فيه



طمئنينه وراحه



بس انت عااشرته ترى كم شخص انخدع بالمضااهر



أشكرك على المرور لاهنت ....

حياك الله أخوي سلامة .

اعرف كثير من البنات والعيال سالفة الشوفه هذي عند بعضهم بالذات عند غالبيت البنات تكون كذا ابغى اشوف شكل هالرجال ، وقد الرجال من كثر الحاح والديه عن الزواج وبعد تحديد العروس ابغى اشوف وبس وبعد كذا اقول ما هي اللي ببالي ( من مبدأ وش انا خسران/ه) .
لكن سبحان الله تكون الامور على عكس ماهم متوقعين من نزول الراحة على انفسهم وتقبلهم للطرف الاخر .
وسالفة ان الانخداع بالمظاهر انا اعتقد ان هذا الشخص يخدع نفسه قبل اي شخص ثاني لان الجمال بحد ذاته ما يعتبر اهم شيء بالزوجة وبالعكس قد يكون الجمال يأثر سالبياً على العلاقة الزوجية .
والمثل يقول (الزين غسال يدين ) هذا المثل اللي يقول ماهو انا .
هههههههههه

بس ولله الحمد الجمال موجود سوء جمال الشكل أو الروح .

آسف اخوي سلامة طلعت عن الموضوع شوي .

بس ارجع واقول الحمد لله هالحين هالوقت العقليات يارب لك الحمد متفتحة وما تتأثر لان إذا كانت الثقة بالنفس موجودة فعدم القبول ما يدل على عدم جمال البنت بل قد تكون جميلة بس المحبة مانزلت بالقلب .

اسف طولت عليكم .

تحياتي
أبو عبد الله

[ماعاد بدري]

دفعه مردي والهوا شرقي
يذلف الله لايرده
مو مشكله نوبربلم عساه يعجبنا أول واذا عجبنا مراح ايفكر انو مانعجبه
وسواً ماعجبني او ماعجبته(ههههههه) كله نصيب

[سلامه العايد]

نــوونـاااا



الله يعطيك الف عاافيه على المشااركه


أشكرك على المرور



دمتي بود ...

[سلامه العايد]

معــاااد بــدري



أشكرك على المشااركه


وعلى المرور دمت بود ...

[ابراهيم الغنماوي]

اخوي سلامة

تعرف شنو بعض العيوب اللي ينرفض فيها الشباب هلايام..؟

انا اقولك... ما عنده فلوس.. المهر غالي.. عندنا بالكويت مثلا بدون..
وبعض المرات شيقول ابو البنت والله وظيفتة مو عاجبتني.. :")

فشرايك اانت بهالحالات

[سلامه العايد]

ابراهيم الغنمااوي



انا اقولك... ما عنده فلوس..

يعني كيف ماعنده فلوس فقير قصدك ..


المهر غالي..


المهر معروف بس كل مكاان قليل الله


يباارك بالزواج بس وين النااس اللي تفهم ..



عندنا بالكويت مثلا بدون..


هذي أبصراحه مقدر اقول فيهااا شي



والله وظيفتة مو عاجبتني.. :")


حشااا أبوهااا اللي يتزوج ولا بنته


بس الوضيفه او الشغل مافيهااا عيب


فشرايك اانت بهالحالات


أبصراحه هذا الحاااله يرثااا لهااا



مغير اقول الله يوفق الجميع



أشكرك على المشاااركه وعلى المرور


الكريم لاهنت ...

[زيد السالم]

شعورها اكيد بتتحطم

مشكور على الموضوع

[سلامه العايد]

زيـد الســااالـم



باارك الله فيك أكيد هي تتحطم



هذااا شي طبيعي



أشكرك على المشاااركه كمااااا



أشكرك على المرور ...

[شيهانةالفضول]

لا اضن انها ستكون مأساةً لها بحجم مأساتها بعد ان يتزوج بها ثم يطلقها لنفس السبب
برأيي الرؤيه الشرعيه ضروريه للطرفين حتى لو كانت بعدم علم احدهما اوكلاهما
كأن برى كلاهما الاخر دون علمه

[سلامه العايد]

شيهاانة الفضول



لا اضن انها ستكون مأساةً لها بحجم مأساتها بعد ان يتزوج بها ثم يطلقها لنفس السبب
برأيي الرؤيه الشرعيه ضروريه للطرفين حتى لو كانت بعدم علم احدهما اوكلاهما
كأن برى كلاهما الاخر دون علمه



أشكرك على المشاااركه الطيبه ...


يمكن يتزوجهااا ويسكت ويتحمل اشوي ومع مرور الاياام


يسكت وينسى ...


لاكن لوجاا وشاافه قال معجبته وجاا خااطب ثااني


وشاافهااا برضوا مااعجبته ...


هنااا البنت تنظر ورااح ترفض النظره الشرعيه ..


مااعليهااا الا الصبر ...


أشكرك على المرور الطيب لاهنتي ....


دمتي بود ...