ماهو شعور الفتاة عندما يراها الخاطب ثم يقول انها لاتعجبني...!!!

موضوع للحوار والنقاش

ادعوا فيه الجميع ولكن اخصص شيء بسيط من اهتمامي على ردود الفتيات

التي اتمنى ان تشاركين بكل صراحه وبكل وضوح .

(( ماهو شعور الفتاة عندما يراها الخاطب ثم يقول انها لاتعجبني...!!! ))

إن من حكمة الله جل في علاه أن شرع النظرة الشرعية بين الرجل والمرأة

عند الخطبة وتكون برؤية الرجل للفتاة وهي مظهرة لما يظهر منها غالبًا

كالشعر واليدين والوجه والقدمين ولبعض العلماء أقوال أخرى ( والله أعلم )

المهم : ما شعور الفتاة التي يتقدم عريس لخطبتها

ثم يراها ، وبعد يومين تتصل أم العريس لتخبر أم الفتاة بأن

ابنها لم يوافق على الزواج من ابنتها وكل شيء قسمة ونصيب..!!

أريد آراء صريحة ومواقف واقعية ونقاش رائع كما هو المعتاد .؟

مع تمنياتي لكم بالتوفيق والسداد

اخوي سلامه

موضوع شائك وواقعي

الموقف هذا من اصعب المواقف على البنت
يعني يحطم نفسيتها
خاصه عند اهلها واخواتها واخوانها
وعند الناس اللي يدرون

حتى لو هي زينه بس العريس استخار وش بيقولون الناس عنها

اكيد شينه او شاف شئ او عرف عنها شئ موزين اوووو
والناس اذا درو انها مخطوبه وشافها الخاطب وتركها اكيد ماحد جاى يخطبها بعدين

لكن :
الوقع ان الناس مايسمحون بالرؤيه الشرعيه الا اذا خلصو من كل شئ
وصار الزواج شبه منتهي
لان الزوج اكيد اخذ معلومه كامله عن الزوجه من اهله واخذ اوصافها من جمال وطول وقصر وجسم واخلاق
يعني كأنه شايفها قبل
وبعض الناس يستخدمون الصور اذا كانو معزمين

----------------
وفيه نقطه يسوونها اكثر الناس

اذا تمة الخطبه وصار الرجال يبي يشوفها
ولي امرها يحاول ان الخاطب يشوفها بدون انها تدري

حتى اذا ماصار نصيب ماتتأثر البنت وكأن شئ ماحصل


تحياتي

ابــوجهــاااد



بس ابصراحه البنت اللي يرفضهااا الخااطب


تكسر خاااطري عشاان كذا اناا اعاارض النظره


الشرعيه لأني أحس والاحساس نعمه



هو يشوفهااا قبل الملكه



أشكرك على المشاركه ولابداء برأي



كمااا أشكرك على المرور الطيب لاهنت ..

عادي ما تكسر الخاطر ولا شي شفيكم مكبرين المسأله !!

هذاك اول .. يوم الناس تظرتهم مختلفه .. الحين تفهمو وعرفو ان الاعجاب مو بس بالجمال

اشياء كثيره تعتمد ..

حتى لو هي زينه بس العريس استخار وش بيقولون الناس عنها

والناس وش بيدريهم يبوجهاد زي ماقلت في موضوع سابق لو كان هو نشرة اخبار

فخيره انها ماعجبته وراح في حال سبيله .. وحتى لو هي جمالها متوسط ورفضها .. الجمال مو مقياس

يعني الناس لو درو المفروض ما يقولون ماعجبته مهيب جميله .. المفروض يفكرون في النواحي الثانيه

والراحه النفسيه والتودد والاطمئنان .. حنا في زمن الحين نظرته غير وبعدين الاحظ الشباب مايهتمون للجمال اصلن ولا يعرفونه

عن تجارب ناس اعرفهم .. الام تخطب له ملكة جمال يشوفها ما يبيها .. وتخطب له ثانيه عاديه يرتاح لها !!

سبحان الله .. الله اللي يسخر لعباده ..

وفيه نقطه يسوونها اكثر الناس

اذا تمة الخطبه وصار الرجال يبي يشوفها
ولي امرها يحاول ان الخاطب يشوفها بدون انها تدري

هذا بلى ابوك ياعقاب

والبنت مالها ذوق يعني ما تشوف ماتعرف الزين ولا تفرق ماتعرف الشخص اللايق وغيره و و و

انا اشوف هذا ظلم للبنت واجحاف في حقها .. ايضا عن تجارب كثير بنات انظلمو بسبب هالموقف من اهلهم

حتى اذا ماصار نصيب ماتتأثر البنت وكأن شئ ماحصل

اعيد واكرر ترى البنات الحين ماعاد يهتمون من هالمساله.. اذا راح بداله غيره

اهم شي انها تتزوج واحد عن قناعه تامه ...

ودي بمية واحد يقولون مهيب زينه ويروحون .. ولا واحد يحطني ملكه واعيش معه متنكده

سلامه انت في بالك النظره الشرعيه ولا انت مايدها ابدااا

وفتحت الموضوع من جهه ثانيه ونفس الشي ما راح تغير نظرتنا ابداا ( :

شكرا سلامه لمواضيعك الجميله والشيقه

الف شكر وتحياتي للجميع

طرح هذا الموضوع جيد لكنه حساس
من ناحية رؤية الخاطب للمراة أمر حببه المصطفى وللرجل
حرية الاختيار ولا يجبر على شيء بضغط من الأهل

لكن حبذذذذذذذذذذا .. للرجل عند رفضه للمرآة ألا يتكلم
عن مواصفاتها وشخصيتها للآخرين

أما بالنسبة للفتاة فلا حرج في عدم قبول الرجل لها
لأن الله كتب وقسم أرزاق لايمكن لشخص يأخذ رزق أحد
ولتعلم إن من ترك شيئاً لله عوضها الله خيراْ منه

وللأسف إن بعض وليس الكل من الشباب يريد زوجة عصرية
بكل مواصفات الموضة وهذا أمر حاصل كان سبب في طلاق
فتيات لم تتلوث عقولهم بالانفتاح

اسأل الله أن يوفق الجميع لما يحبه ويرضاه
شكرا على الموضوع

الحــاتميــه

في بالك النظره الشرعيه ولا انت مايدها ابدااا

لا ماهي في بالي ولاني مأيدهاا


هذا أبصراحه قلتهاااا لأن حنااا تعودناااا


وهذي عيشتناااا



على الاقل أهون من اللي مايشوف زوجته في ليلة


الزواج الخمدالله الاهل مو متشددين كثير ..

....


لاكن انت جااوبتي االلي في عقلك لاكن


ماجاوبتي اللي في قلبك لاني عاارف البنت تكون


حساااسه جداً

شكرا سلامه لمواضيعك الجميله والشيقه

شكراً على واجب وأشكرك على المشاركه


والحضور الابدااء بارأي الطيب



يسلموو على المرور ...

نــوااف الفـااارس



يااهلاابك بين الصفحاات



أنت عاارف مافي حد كامل الا الله


ووأنااا أعترف رح اتزوج وحده



مو نفس المواصفااات اللي اريدهااا


هذا قسمه من الله ...


لاكن تخيل لو البنت اللي تخطب وتختار


من شافتك هي ورفضتك ووش شعورك ...؟


أشكرك على المشاااركه الاكثر من الرئعه



والاروع هو حضورك في الصفحه



أشكرك جزيل الشكر دمت بود ...

مشكور يا سلامة العايد على طرح الموضوع.




انا اقول طبعا في رائيي الشخصي ان الرجال يشوف البنت ولا تعجبه ويروح كل واحد في حال سبيله احسن من الواحد ما يشوفها واذا شافها ما اعجبته او ما كانت كما توقعها فهذا يزيد المشكلة يعني ما راح يرتاح معها.




وانا اوافق حاتميه في بعض ما قالته يعني اذا راح يجي واحد غيره لا كن من ناحية البنت ما تتأثر شي طبيعي انها تتأثر ويضيق صدرهاوهنا يكون واجب اللي حولها انهم يرفعون معنوياتها لاكن ما فيه شخص ما يتأصثر يعني لازم يجي شي في النفس.








سلمت يمينك يا سلامة وتقبل مروري يا الغلا.

أخوي سلامه مشكور على الموضوع
أنا أقول أهي اهي اهي أهي أهي أهي
على الفتاة التي يراها خاطبها ثم يرفضها
بس أشوف حاتمية شوي شكلها عصبت

مشكورررررررررررررررررررررررر

فتى المراح مشـــــ،،،،،،,

فضول على طول



هلا ومرحبااااا



من طول الغيباات جاب الغناايم صح


أحترم رايك لاتنسى الحب ماايجي الا بعد الزواج


لو شخص حب وحده قبل الزواج ناادر يتزوج


لأن ماهو بهواه وهذي الاقدار ماتدري عنهااا ...


أشكرك على المشاركه بس لا تكثر
القطااعه ...

فتــى المــرااح



الله يعين البنااات اللي حالهم سذا

حاتمية شوي شكلها عصبت

بالعكس لاعصبت ولا شي أبدت رايهااا


الطيب وهي كبيره بالتفكير مشاء الله عليها


أشكرك على المرور الطيب


لاهنت ...

لا مو قصدي أنها عصبت
بس ابي اشوف ردها
مشكوررررر أخوي سلامه أختي حاتمية

فتى المراح مشـــــــــــــــــ،،،،،،،،،،،،،،،

::][ الخـاطــب][::

بقوله والله الواحد بأفعاله مب شكله والله اللي خلقني.. مب انته واذا مب عايبتنك بنات الحلال وااااايد..
وأنا احترم راااايك..

::][ مـريـامـي][::

انا عن نفسي بضايق بحزتها بس صدقوني ما تكمل دقايق وانا برد من هالحاله
وبكون طبيعيه وحتى عادي اضحك اذا حد سالني لاني اعرف بهالدنيا كل شي (قسمه ونصيب)...
وبعدين انا عن نفسي ماراح افقد ثقتي لاني اعرف عمري ومقتنعه بشكلي ولله الحمد والاذواق
متفاوته بين شخص وشخص اذا ماعجبته هذا راح اعجب بغيره... والحياه مستمره وحلوه..


::][ سلامه العايد ][::

وعسى ان تكرهوا شيئا وهو خير لكم
يمكن تكون خيره للبنت انها ما خذت الرجال
والزواج (قسمه ونصيب)
كل الشكر على طرحك
وتقبل مداخلتي

ان شاء الله ما فيه قطاعه يا ولد العم بس كانت ضروف وعدت الحمد لله.




ما فيه مشكلة الحب يكون بعد الزواج او يزيد بعد الزواج لاكن لو ما كان هناك توافق يعني يا سلامة العايد ناظرها في حياتك اليوميه احيانا تشوف شخص وترتاح له وانت مابينك وبينه اي شي وفيه ناس تشوفه وتحس ما فيه شي يجذبك له يعني الرؤية تعطي تصور قبل الزواج.





اشكرك على موضوعك مره اخرى يا الغلا.

مــريــامــي



الله الله الله على الثقه



بارك الله فيك وبيض الله وجهك


على المشاركه شرفتي الصفحه



أحترم رأيك يابنت الاجواااد


أشكرك على المشااركه الطيبه


وأشكرك على المرور لاهنتي


دمتي بود ...