عذر وسموحه

[خليفه]

يالربع تراني بحج وماودي احج وفيه واحد منكم شايل بقلبه علي

فلذلك اذا فيه احد شايل بقلبه علي يقولي هو على العموم انا اطلب منكم العذر

والسموحه

[ابو وجدان]

اسال الله العلي القدير
ان تذهب وتاتي بالسلامه
وان يتقبل حجك وعمرتك
وانت سالم والسلام ومعذووووورررر.

[إيمان الجراي]

ماشاء الله تبارك الله

تمشي وتجي بالسلامه ان شاء الله

وحج مبرور وذنب مغفور

اللهم اكتب لنا حج بيتك

ربي يوفقك ويسهلك الأمور

[خليفه]

منا ومنك يا ابو وجدان جزاك الله خير وما قصرت

[خليفه]

منا ومنك يا ايمان وعسى الله يكتبلك الحج السنة الجاية آمين يارب العالمين

[بوثنيان]

خليفه




حج مبرور وذنب مغفور وسعي مشكور ..إن شاء الله ..ودمت برعاية لله وحفظه ..


والله يوفقك ...( دعواتك لنا ..)



دمت بحفظ الله ,,,

[حاتميه]

الله يسمح امرك اخوي

تروح وترجع ساالم غاانم ان شاءالله

[راعي العليا]

ايه خليفه

نبي قصيدة قبل لا تروح كذا على الطاير

وتروح وتجي بالسلامة

============>واحد فاضي الرجال بيحج وهذا قصيدة

[خليفه]

منا ومنك يابو ثنيان مشكور وماقصرت وعسى الله يتقبل منا ومنك ومن جميع اعضاء المنتدى صالح الاعمال يارب

[خليفه]

وامرك ياحاتميه وعسى الله يسلمك من جميع الشرور مشكورة وماقصرتي

[خليفه]

ابشر بعزك يارعي العليا ان بغيت اكتب لك ثنتين بدال الوحده ... بس ترى ماهوب من قصايدي لاني

مانيب شاعر شاعر يعني مبتدئ

هذا مقطع من قصيدة الشيخ عبد الرحمن العوده " رحمه الله " أمير بلدة المراح

الله الله بموالات الحلال

بالحلال اسعوا كونوا حافظين


الا ان شيٍ يروح في سداد

ارخصوبه في شروط اللازمين


اصلحوا مابينكم كونوا جميع

لاتطيعون الحريم الذاهبين


الجمع فيه معزه للاخوان

لاصفت نياتهم متخادمين


وان سالتم من الاصل فانتم فضول

الكم اخوان بملهم شايخين



وهذي قصيدة تغنى بها سعود بن يحيى بن عبد الرحمن العوده

أنا سعودي وعزِّي بالسعودية

ياسعد منهو سكنها والامن ثاني


ونجدٍ بلادي عساها سيول غزريه

هي من قديم الزمن لاهلي وجداني


ثمٍ حدرنا الى الاحساء بعصريه

لمطلب الرزق من واهب ومنَّاني


واخص بالذكر بلادٍ لي معزيه

مراحنا مراح اخوالي وعمَّاني


من نسل فضلٍ عداهم عذل عذليه

حماهم الله من حاسدٍ وشيطاني


جمع لهم فاللقاء محلاه فالهيه

نسور ماهي تهاب الموت ظفراني


يردون ربعي حياض الموت حربيه

شجعان ظفران هم للخير عنواني


ياسعد منهو نخاهم وقت عسريه

يثنون له بالطلب ويكون له شاني


هذي صفات المراجل عندهم حيه

مامثلهم عند فعل الخير كرماني


اقول قولي ولا فالقول ماريه

مبني على الصدق وقول الصدق برهاني


والختمة صلوا على طه ومثنيه

سيد البرية محمد نسل عدناني

وسلامتكم

وسامحنا عالقصور ياطير شلوى

[أديب الدعفس]

تروح وتجي سالم غانم ياخليفه
وبالتوفيق إن شاء الله

[خليفه]

الله يسلمك من الشر يا أديب ويوفقنا وياك ان شاء الله قل آمين

[عدنان النصيري]

يالربع تراني بحج وماودي احج وفيه واحد منكم شايل بقلبه علي

فلذلك اذا فيه احد شايل بقلبه علي يقولي هو على العموم انا اطلب منكم العذر

والسموحه
حج مبرور ان شاء الله يا خليفه.. http://www.aldinar.com/upload//uploads/images/domain-866da23c73.gif
http://www.aldinar.com/upload//uploads/images/domain-b9eec15218.gifيا طويل العمر لاتنسانا بدعائك تره احنا بضيج ياخوي
ومحتاجين بس رحمة رب العالمين
اللي مابعدها رحمه
وترجعنا سالم غانم باذن الله

[علوش الفضلي]

تروح وترجع بالسلامه

حج مبرور وذنب مغفور إن شاء الله

الله يبارك فيك ويوفقك

[خليفه]

منا ومنك اخوي عدنان وعسى الله يسلمك من جميع الشرور

والله سبحانه وتعالى يقول إني قريب أجيب دعوة الداعي إذا دعان . ماقال أجيب

دعوة الحاج إذا دعان

يعني الله سبحانه يستجيب للحاج وغير الحاج

وعالعموم اذا انت متضايق قل " اللهم إني أعوذ بك من الهم والحزن ومن العجز

والكسل ومن الجبن والبخل ومن غلبة الدين وقهر الرجال "

أو قل :

" اللهم لاإله إلا أنت سبحانك إني كنت من الظالمين "

أو قل :

" رضيت بالله رباً وبالإسلام ديناً وبمحمدٍ صلى الله عليه وسلم رسولا "

والادعيه اللي تشيل الهم والحزن كثير يالله من فضلك

[خليفه]

الله يسلمك اخوي علوش منا ومنك يارب صالح الأعمال