عذر وسموحه

يالربع تراني بحج وماودي احج وفيه واحد منكم شايل بقلبه علي

فلذلك اذا فيه احد شايل بقلبه علي يقولي هو على العموم انا اطلب منكم العذر

والسموحه

اسال الله العلي القدير
ان تذهب وتاتي بالسلامه
وان يتقبل حجك وعمرتك
وانت سالم والسلام ومعذووووورررر

.

ماشاء الله تبارك الله

تمشي وتجي بالسلامه ان شاء الله

وحج مبرور وذنب مغفور

اللهم اكتب لنا حج بيتك

ربي يوفقك ويسهلك الأمور

منا ومنك يا ابو وجدان جزاك الله خير وما قصرت

منا ومنك يا ايمان وعسى الله يكتبلك الحج السنة الجاية آمين يارب العالمين

خليفه




حج مبرور وذنب مغفور وسعي مشكور ..إن شاء الله ..ودمت برعاية لله وحفظه ..


والله يوفقك ...( دعواتك لنا ..)



دمت بحفظ الله ,,,

الله يسمح امرك اخوي

تروح وترجع ساالم غاانم ان شاءالله

ايه خليفه

نبي قصيدة قبل لا تروح كذا على الطاير

وتروح وتجي بالسلامة

============>واحد فاضي الرجال بيحج وهذا قصيدة

منا ومنك يابو ثنيان مشكور وماقصرت وعسى الله يتقبل منا ومنك ومن جميع اعضاء المنتدى صالح الاعمال يارب

وامرك ياحاتميه وعسى الله يسلمك من جميع الشرور مشكورة وماقصرتي

ابشر بعزك يارعي العليا ان بغيت اكتب لك ثنتين بدال الوحده ... بس ترى ماهوب من قصايدي لاني

مانيب شاعر شاعر يعني مبتدئ

هذا مقطع من قصيدة الشيخ عبد الرحمن العوده " رحمه الله " أمير بلدة المراح

الله الله بموالات الحلال

بالحلال اسعوا كونوا حافظين


الا ان شيٍ يروح في سداد

ارخصوبه في شروط اللازمين


اصلحوا مابينكم كونوا جميع

لاتطيعون الحريم الذاهبين


الجمع فيه معزه للاخوان

لاصفت نياتهم متخادمين


وان سالتم من الاصل فانتم فضول

الكم اخوان بملهم شايخين



وهذي قصيدة تغنى بها سعود بن يحيى بن عبد الرحمن العوده

أنا سعودي وعزِّي بالسعودية

ياسعد منهو سكنها والامن ثاني


ونجدٍ بلادي عساها سيول غزريه

هي من قديم الزمن لاهلي وجداني


ثمٍ حدرنا الى الاحساء بعصريه

لمطلب الرزق من واهب ومنَّاني


واخص بالذكر بلادٍ لي معزيه

مراحنا مراح اخوالي وعمَّاني


من نسل فضلٍ عداهم عذل عذليه

حماهم الله من حاسدٍ وشيطاني


جمع لهم فاللقاء محلاه فالهيه

نسور ماهي تهاب الموت ظفراني


يردون ربعي حياض الموت حربيه

شجعان ظفران هم للخير عنواني


ياسعد منهو نخاهم وقت عسريه

يثنون له بالطلب ويكون له شاني


هذي صفات المراجل عندهم حيه

مامثلهم عند فعل الخير كرماني


اقول قولي ولا فالقول ماريه

مبني على الصدق وقول الصدق برهاني


والختمة صلوا على طه ومثنيه

سيد البرية محمد نسل عدناني

وسلامتكم

وسامحنا عالقصور ياطير شلوى

تروح وتجي سالم غانم ياخليفه
وبالتوفيق إن شاء الله

الله يسلمك من الشر يا أديب ويوفقنا وياك ان شاء الله قل آمين

المشاركة الأصلية كتبت بواسطة خليفه

يالربع تراني بحج وماودي احج وفيه واحد منكم شايل بقلبه علي

فلذلك اذا فيه احد شايل بقلبه علي يقولي هو على العموم انا اطلب منكم العذر

والسموحه

حج مبرور ان شاء الله يا خليفه..
يا طويل العمر لاتنسانا بدعائك تره احنا بضيج ياخوي
ومحتاجين بس رحمة رب العالمين
اللي مابعدها رحمه
وترجعنا سالم غانم باذن الله

تروح وترجع بالسلامه

حج مبرور وذنب مغفور إن شاء الله

الله يبارك فيك ويوفقك