سيف الفضول
09-02-2010, 08:05
الـســلام عليكم ورحـمــة الله وبــركــاتــة
مـــســــاكم خـــيـــر ونــور وســرور وشـعــــر
الجيب والقرناس وخوة هل الطيب
تسوى مجالست الـعـرب فالمدينـه
ماسبّهم واعرف انا مابهـم عيـب
بس الهوى ياهل الهوى حـد لينـه
عزبه وخيمه والصحاري مضاريب
والتيس من قبل الضحى صالخينـه
ومعلقينه من كراعه على الجيـب
والبـن الاشقـر تونـا حامسينـه
شبّت حطب ماهي بشبة عياسيـب
ارطـا وعرفـج يمنّـا حاطبينـه
واليا سنت شب الجروم اللواهيـب
قــام المقهوي قّـرب المـاء بدينـه
ركّـب دلال مجلـدات المقاظيـب
رســلان من سـوق الحفـر جالبينـه
صــفر(ن)تـلالا يطعمـن المشاريـب
تبعد عن انفـوس العبـاد الغبينـه
واليا احتمى ماهن يشيل المراكيب
يحـط كيفـن بالنجـر طاحنيـنـه
فنجال ونص وردهن يمـه قريـب
وجاب البريـق وسكره فـي بطينـه
وحطه على صفة هذيك المهاذيـب
والبن فـاح وركـده فـي سكينـه
وجاب الدلال الي يعرف المواجيب
ثنتين غيـر الـي بهـن عاملينـه
مجنون كيف ورتب الامر ترتيـب
حـط البهار وريـح هيلـه يازينـه
ثم زلهن لين استوى باخر السيـب
وحطـه بنـاره ربنـا لاتهيـنـه
وقال اقدعو تمر حلو توّه امجيـب
اخلاص من دار الحسا محظرينـه
ثم صب فنجاله ومابـه عذاريـب
والله على الفنجـال تسلـم يمينـه
مجربن ماهوب يحتـاج تجريـب
اي والله انـا كلـنـا مجربيـنـه
مافيه ضيـف وكل ابونـا معازيـب
والشاي خدر والـورق حاكرينـه
وعقب السوالف والقهاوي مطاليب
وكـل(ن) يناظـر للمـواتـر بعيـنـه
نبي نهيّف فـوق روس المراقيـب
وانفّرع القرناس لاجـل السمينـه
اليا خطفهـا خطفتـن بالمخاليـب
تبري النفوس الضيقـات الحزينـه
واليا انتهى المقناص جبنا مكاسيب
والحر الاشقـر عقبهـا مبرقعينـه
ونمشي ونلقا يمّنـا فطـر شيـب
ومفرود يطرد من ورى امه تنينـه
وسط النفود ولانمـر الشخانيـب
نخاف من ظرب الحصى فالمكينه
ووساع صدر ونطقنا بالتراحيـب
واعقولنا هـي العقـول الرزينـه
ياليت لي دورن بغـوج الاطانيـب
وانسى حضارات الخراب وسنينه
اخير من طرد البنـات الرعابيـب
واحدن تسمّع مـن عذابـه ونينـه
ممشاي صح وخوتـي للأشــانـيـب
ورجل(ن) يصد اعن المراجل ياشينـه
وتـقــبــلو تحياتي ودمــتــم بخير
مـــســــاكم خـــيـــر ونــور وســرور وشـعــــر
الجيب والقرناس وخوة هل الطيب
تسوى مجالست الـعـرب فالمدينـه
ماسبّهم واعرف انا مابهـم عيـب
بس الهوى ياهل الهوى حـد لينـه
عزبه وخيمه والصحاري مضاريب
والتيس من قبل الضحى صالخينـه
ومعلقينه من كراعه على الجيـب
والبـن الاشقـر تونـا حامسينـه
شبّت حطب ماهي بشبة عياسيـب
ارطـا وعرفـج يمنّـا حاطبينـه
واليا سنت شب الجروم اللواهيـب
قــام المقهوي قّـرب المـاء بدينـه
ركّـب دلال مجلـدات المقاظيـب
رســلان من سـوق الحفـر جالبينـه
صــفر(ن)تـلالا يطعمـن المشاريـب
تبعد عن انفـوس العبـاد الغبينـه
واليا احتمى ماهن يشيل المراكيب
يحـط كيفـن بالنجـر طاحنيـنـه
فنجال ونص وردهن يمـه قريـب
وجاب البريـق وسكره فـي بطينـه
وحطه على صفة هذيك المهاذيـب
والبن فـاح وركـده فـي سكينـه
وجاب الدلال الي يعرف المواجيب
ثنتين غيـر الـي بهـن عاملينـه
مجنون كيف ورتب الامر ترتيـب
حـط البهار وريـح هيلـه يازينـه
ثم زلهن لين استوى باخر السيـب
وحطـه بنـاره ربنـا لاتهيـنـه
وقال اقدعو تمر حلو توّه امجيـب
اخلاص من دار الحسا محظرينـه
ثم صب فنجاله ومابـه عذاريـب
والله على الفنجـال تسلـم يمينـه
مجربن ماهوب يحتـاج تجريـب
اي والله انـا كلـنـا مجربيـنـه
مافيه ضيـف وكل ابونـا معازيـب
والشاي خدر والـورق حاكرينـه
وعقب السوالف والقهاوي مطاليب
وكـل(ن) يناظـر للمـواتـر بعيـنـه
نبي نهيّف فـوق روس المراقيـب
وانفّرع القرناس لاجـل السمينـه
اليا خطفهـا خطفتـن بالمخاليـب
تبري النفوس الضيقـات الحزينـه
واليا انتهى المقناص جبنا مكاسيب
والحر الاشقـر عقبهـا مبرقعينـه
ونمشي ونلقا يمّنـا فطـر شيـب
ومفرود يطرد من ورى امه تنينـه
وسط النفود ولانمـر الشخانيـب
نخاف من ظرب الحصى فالمكينه
ووساع صدر ونطقنا بالتراحيـب
واعقولنا هـي العقـول الرزينـه
ياليت لي دورن بغـوج الاطانيـب
وانسى حضارات الخراب وسنينه
اخير من طرد البنـات الرعابيـب
واحدن تسمّع مـن عذابـه ونينـه
ممشاي صح وخوتـي للأشــانـيـب
ورجل(ن) يصد اعن المراجل ياشينـه
وتـقــبــلو تحياتي ودمــتــم بخير