الـجـيــب والـقـرنـاس وخــوة هــل الـطـيـب

الـســلام عليكم ورحـمــة الله وبــركــاتــة

مـــســــاكم خـــيـــر ونــور وســرور وشـعــــر






الجيب والقرناس وخوة هل الطيب
تسوى مجالست الـعـرب فالمدينـه

ماسبّهم واعرف انا مابهـم عيـب
بس الهوى ياهل الهوى حـد لينـه

عزبه وخيمه والصحاري مضاريب
والتيس من قبل الضحى صالخينـه


ومعلقينه من كراعه على الجيـب
والبـن الاشقـر تونـا حامسينـه

شبّت حطب ماهي بشبة عياسيـب
ارطـا وعرفـج يمنّـا حاطبينـه


واليا سنت شب الجروم اللواهيـب
قــام المقهوي قّـرب المـاء بدينـه

ركّـب دلال مجلـدات المقاظيـب
رســلان من سـوق الحفـر جالبينـه


صــفر(ن)تـلالا يطعمـن المشاريـب
تبعد عن انفـوس العبـاد الغبينـه


واليا احتمى ماهن يشيل المراكيب
يحـط كيفـن بالنجـر طاحنيـنـه

فنجال ونص وردهن يمـه قريـب
وجاب البريـق وسكره فـي بطينـه

وحطه على صفة هذيك المهاذيـب
والبن فـاح وركـده فـي سكينـه


وجاب الدلال الي يعرف المواجيب
ثنتين غيـر الـي بهـن عاملينـه

مجنون كيف ورتب الامر ترتيـب
حـط البهار وريـح هيلـه يازينـه

ثم زلهن لين استوى باخر السيـب
وحطـه بنـاره ربنـا لاتهيـنـه


وقال اقدعو تمر حلو توّه امجيـب
اخلاص من دار الحسا محظرينـه


ثم صب فنجاله ومابـه عذاريـب
والله على الفنجـال تسلـم يمينـه

مجربن ماهوب يحتـاج تجريـب
اي والله انـا كلـنـا مجربيـنـه

مافيه ضيـف وكل ابونـا معازيـب
والشاي خدر والـورق حاكرينـه

وعقب السوالف والقهاوي مطاليب
وكـل(ن) يناظـر للمـواتـر بعيـنـه


نبي نهيّف فـوق روس المراقيـب
وانفّرع القرناس لاجـل السمينـه

اليا خطفهـا خطفتـن بالمخاليـب
تبري النفوس الضيقـات الحزينـه


واليا انتهى المقناص جبنا مكاسيب
والحر الاشقـر عقبهـا مبرقعينـه

ونمشي ونلقا يمّنـا فطـر شيـب
ومفرود يطرد من ورى امه تنينـه


وسط النفود ولانمـر الشخانيـب
نخاف من ظرب الحصى فالمكينه

ووساع صدر ونطقنا بالتراحيـب
واعقولنا هـي العقـول الرزينـه

ياليت لي دورن بغـوج الاطانيـب
وانسى حضارات الخراب وسنينه

اخير من طرد البنـات الرعابيـب
واحدن تسمّع مـن عذابـه ونينـه

ممشاي صح وخوتـي للأشــانـيـب
ورجل(ن) يصد اعن المراجل ياشينـه




وتـقــبــلو تحياتي ودمــتــم بخير

وعليكم السلام

مسيت بالرضا أخوي عزوز

صح لسان الشاعر وتسلم على النقل الرائع

أحترامي وتقديري المترف لـكَ ولـ متصفحك المميز

دُمتَ الأفضل

وعليكم السلام . تحيا وتقدم الطيب ابن العم سيف الفضول ارحبو عبد العزيز اختيار رائع اكيد كاتبها من قاعده الشعيب حريملاء اجازه وجو بارد وشبة ضو عودا حميد ا .

أنشهد إنه كلام صحيح

قصيدة جزلة ورائعة

صح لسانك أخوي سيف ولسان شاعرها

تسلم يمناك على النقل

أه ياسيف الفضول والله ان القصيده

تجي علي الجرح وندور القرناس والمقناص

عشان كذا ولم فراشك يوم الاثنين

ركّـب دلال مجلـدات المقاظيـب
رســلان من سـوق الحفـر جالبينـه


هاااااااه من ويييين قال الدلال من سوق الحفر اي حفر الباطن

يعني المكشات مفروض صوبنا ههههههههه

صح لسان الشاعر وسلمت يمنا اخي عزوز

قصيده جزله ومن يقراها يزهب العزبه بس المشكله مامن صقر ههههه

تحياتي

الله يعطيك العافية سيف

إختيار رآآآئع ،،،، لكــ عاااطر التحايااا وأطيبها

أبــنــاخــي حــمــد الله يحيك وأشــكــرك على حــضــورك الــدائــم والمــســتـــمـــر ,,,,,,


وتقبل تحياتي ودمـــت بخير

أبــوصــالح الله حيه كــيــف حالك القصيده هاذي يوم سمعتها دقيت سلف الجيب وجهت لـم الشعيب
وشــاكــر مـــرورك وحضورك يبوصــالح ....


وتقبل تحياتي ودمـــت بخير

أبــو لــزام خالد الكثيري الله يحيك والعزبــه والفراش جاهز مابقى الا الـمــسرى يوم الأثنين انشاء الله


وتقبل تحياتي ودمـــت بخير

صح لسانك ولسان قايلها
وتسلم ايدك على النقل

المشاركة الأصلية كتبت بواسطة عمر المسعر

ركّـب دلال مجلـدات المقاظيـب
رســلان من سـوق الحفـر جالبينـه


هاااااااه من ويييين قال الدلال من سوق الحفر اي حفر الباطن

يعني المكشات مفروض صوبنا ههههههههه

صح لسان الشاعر وسلمت يمنا اخي عزوز

قصيده جزله ومن يقراها يزهب العزبه بس المشكله مامن صقر ههههه

تحياتي

ابـوعبدالله حــنــا نتبع الحيا والربيــع وين مكـــان والله يسهل هالربيع حايل
والجاي الحفر أنــشــاء الله ,,,,,,,


الـطــير يبوعبدالله يبيـلــه واحد يداريــه ويتابعه وهـاذي شغله لها أهلها


وتقبل تحياتي ودمــت بخير

الله يعافيك أخــتــي ايمــان وأسـعــدنــي مــرورك وحضــورك العذب والجمــيـــل


وتقبلي تحياتي ودمتي بخير

ارحبو لابتي . ما احد يلومك الله يسقيه ونجتمع ونسمع قصيد ابو عبد الله وسالفه الطير لان كل واحد له طير ه طير ابو عبدالله عاصمي وسلامه طيره كفخ مالقينا له احلول وابولام مداري طيره

قصيده اكثر من رائعه ...

تسلم أخوي سيف الفضول ...

تقديري ...