جيتي دلع

كل الحلا يسعدلي الله طلتك ياحيّها
يحقلك وش عاد لو جيتي دلع متباهيه
بنتٍ حلاها غير ماشافت عيوني زيّها
انا اشهد إنك غير عن البنات وزاهيه
كل الحلا ياشمس عمري يادفاي وضيّها
ام الحلا ام الدلع أم العيون الساهيه
يافتنةٍ ماعاد يغني بعضها وشويّها
انتي زعيمه للعذارى بالحلا يالداهيه
امّا تجين بكبرك بطيش الحياة وغيّها
وإلا بلاش من الغلا واعذارك اللي واهيه
الشوق يحرق مهجة العاشق ويلعن حيّها
وأنا انتظر منك نعم بدون لام الناهيه
مليت طعنات الحياة وغدرها مع كيّها
يموت حلمي والخلايق كل ابوها لاهيه
وانتي ربيع العمر وغصون الغرام وفيّها
وانا احبك والمحبة لأجل عينك راهيه
معاك ياحلو الليالي والسنين وطيّها
لو يزعلون أهل الوجيه الحاقده والفاهيه
ويسعدلي الله طلتك كل الحلا ياحيّها
يحقلك وش عاد لو جيتي دلع متباهيه

فلاح العماش

اعادة ارسال

ناصر

صح الله لسان قايله وناقله

الله يعطيك العااافيه

ع القصيدة الجميلة

صلاح


الله يعافيك




وصح بدنك



وتسلم على المرور الكريم

أخوي ناصر


صح اللسانك


وتسلم على النقل الجميل

الساريه





صح بدنك




تسلمي على المرور العطر

مــــــــــــــــــشكور أخوي ناصر السيف

صـــح لســانـــك ولســـان شـــاعــرهـــا

على القصيدة الرائع

والله يوفقك ويسعدك ويسخرلك ان شاءالله

وتسلم يمينك

ولا تحرمنا من جديد ابداعك

فارس الظلام




ياهلابك ياالغالي




منور الموضوع



تسلم على المرور العطر