|
مجلس وديد بن عروج الفضلي ـ لـ القصائد المسموعه والمرئيه يشمل منتدى [ عذب الكلام و القصص والالغاز و الخواطر والمدونات الخاصه ] |
|
أدوات الموضوع |
#1
|
|||||||
|
|||||||
قصة الفارس بداح العنقري و الفضول
(بـــــداح العنقري التميمي) القصه قديمه لكن اعجبتني و حبيت انقلها بداح العنقري كان من امراء ثرمداء ... وكان رجل تاجر ... وكانوا يجونه البدو كل سنه يشترون منه بالدين اغراضهم وحوائجهم وكان رجل آمين وخلوق وكريم وصاحب مروه وشهامه ... وكان يديّن اللي يشترون منه الي السنه اللي بعدها يجون يشترون منه ويعطونه فلوسه الاوله وحدى السنين جاه احد خوياه يشتري منه وكانت معه بنته مزيونه ... المهم ان بداح رحب بهم واكرمهم واشتروا منه ورجعوا لديارهم بالباديه ... فقرر بداح الا ان يتزوج بنت صاحبه وفعلن عقب مامشوا منه وبعد كم يوم من مشيهم ... ويوم هقا انهم وصلو ديارهم شد على فرسه ولحقهم ... ايام وليالي لاوالله الا هو واصلن عندهم .... فرح خويه بالحيل وهلا به واكرمه ... وثاني يوم قال بداح لخويه انا جايك طالب ايد بنتك هيا ... فقال ابرك الساعات وارخص لي اخذ راي البنت ... فراح الابو ونشد بنته وبداح يسمع حيث ان صوتهم كان مسموع ... وقالها يابنتي بداح العنقري جاي يطلبك حليلتن له وش تقولين ؟؟ قالت البنت: هذا حضري .. خيال تصفيح مايصلح لي ولا أصلح له ... سمع بداح كلام البنت ... فجاء الابو مستحي وماتكلم .. قاله بداح ماله داعي الحيا والزواج قسمه ونصيب .. مير انت بيض الله وجهك وارخص لي هالليله ابي انام والصبح ابي امشي لاهلي المهم جاء الليل وعجز لا ينام بداح من القهر من اللي سمعه ان البنت ماتشوفه شي وانه ماهو شجاع ولا به خير .. فتمنى بس لو يجي موقف يقدر يثبت به وجوده المهم يوم اصبح الصبح مع الفجر .. يوم صاح الصياح ... الغزو الغزو .... اثاري قبيلة ,,,,,,, غازين وماخذين حلالهم ... فتفازعت القوم والحقوا الفضول وبداح قاعد ايتقهوى ماتحرك ابد (لان الضيف مايلزمه شي) فجته البنت هيا اللي كان يبيها تناظر له باحتقار وتقول حضري خيال نظره ..... حضري خيال نظره .... تعني انه بس مظهر ومحتقرته لانه مافزع مع القوم المهم وهم يلحقون الفضول واتشابك السيوف ويعجزون اهل الحلال لا يفكون حلالهم وهم يرجعون حول الضحى منكسرين وخايبين ولا ردوا شي .... وبهكاللحظات والناس والحريم كله طالعه تناظر الحال فقام بداح يوم شاف ان معازيبه انكسروا وقدام الكل والبنت تشوفه وركب فرسه وخذا رمحه وطنب يم ,,,,, يبي يرد الحلال لحاله ..... الناس استغربت والبنت اندهشت ... وهو يلحق ,,,,,, وادخل بينهم واذبح واذبح والبخيت اللي نجا .. وهو يرجع بالحلال حروة العصر لحاله ... وكانت الناس تستقبله كله .... واول ما اقبل يم الديره ومعه الحلال اركضت عليه هيا وقامت تهلهل مثل انه تعتذر منه وقابله الزواج به ... فركز رمحه عندها وقال: الله أحد ياما غزينا وجينا وياما ركبنا حاميات المشاويح وياما على اكوارهن اعتلينا وياما ركبناهن عصيرن مراويح وياما تعاطت بالهنادي يدينا وياما كسبنا من حلال المصاليح وراك تزهد يريش العين فينا تقول خيال الحضر زين تصفيح ؟؟ الطيب ماهو بس للضاعنينا قسّم على كل الوجيه المفاليح البدو واللي بالحضر نازلينا كلن عطاه الله من هبت الريح يوم انجمر رمحي خذيت السنينا واودعت عنك الخيل صم(ن) مدابيح هيا عطينا الحق .. هيا عطينا وان ماعطيتيناه والله لا صيح لاصيح صيحت من غداله جنينا والا خلوجن ضيعوه السواريح ياعود ريحانن بعرض البطينا ومنين ماهب الهوا فاح له ريح يابو نهيد(ن) تقل فنجان صينا والا كما بيضن للمشقا ذوابيح لاخوخ لا رمان لاطلع تينا ولا مشمش البصرة ولا هن تفافيح وبعد ما سمعت الفتاه شعره وبعدما رأت فعله فما كان منها إلا أن طلبت منه الزواج ولكنه شام عنها فقد شاع المثل العروف (شومة عنقري ) بعد هذه القصه وقد حاولت الزواج منه الا انه رفض وماتت حسرة حسب الروايات خيالة تميم |
16-01-2010, 01:02 | #2 |
|
رد : قصة الفارس بداح العنقري و الفضول
الله اكبرعلى القصة والقصيدة
أنا دايم أهنيك على المختارات الجميلة " خيالة تميم " في كل لحظة تأتي ومعها الروائع شكراً لكـِ ولذاقتكـ الجميلة |
|
16-01-2010, 01:42 | #3 |
ضيف
|
رد : قصة الفارس بداح العنقري و الفضول
أنتي ياخيالة ماتعرفين الا هذا القسم هههه
المكان المناسب لهذه القصه الرائعه (قسم القصص والألغاز) سلمت أناملك على هذه القصه الرائعه والقصيده الأروع ونعم والله في تميم تحياتي |
|
16-01-2010, 01:45 | #4 | |
ضيف
|
رد : قصة الفارس بداح العنقري و الفضول
اقتباس:
مرحبا بك ياعبدالإله تواجدك يعني لي الكثير لاهنت و بيض الله وجهك |
|
|
16-01-2010, 01:49 | #5 | |
ضيف
|
رد : قصة الفارس بداح العنقري و الفضول
اقتباس:
اررررررررحب ياعمر الشكوى لا الله وانا خالتك .. ياليت لو تعطيني كروكي للمنتدى ما ادل به الروائع لا تكتمل الابتواجدك جعلك تسلم النعم تستاهله يمناك ولا عليك زود شرفني تواجدك ... لاهنت ياعمر |
|
|
17-01-2010, 12:52 | #7 | |
ضيف
|
رد : قصة الفارس بداح العنقري و الفضول
اقتباس:
مرحبا بك ياخالد
لاهنت على هالتنويه ... لكن على حسب علمي و مدى انتشار القصه انها من الفضول ولا هي من مطير و الله اعلم شرفني تواجدك لاعدمتك |
|
|
17-01-2010, 03:23 | #8 |
ضيف
|
رد : قصة الفارس بداح العنقري و الفضول
أشكر الاخت / خيالة تميم على اختيارها المبدع . وعلى سردها للقصة كامله مع
المثل الذي يخفى على كثير من الناس معناه, وأعتقد يا أخي وعزيزي عمر ان وضهعا للقصة هنا لانها تضم ابيات وهي الشاهد على القصة.. |
|
17-01-2010, 06:31 | #9 |
ضيف
|
رد : قصة الفارس بداح العنقري و الفضول
الله اكبرعلى القصة والقصيدة
أنا دايم أهنيك على المختارات الجميلة " خيالة تميم " في كل لحظة تأتي ومعها الروائع شكراً لكـِ ولذاقتكـ الجميلة مع تحيات ابو عجلان |
|
17-01-2010, 06:49 | #10 | |
ضيف
|
رد : قصة الفارس بداح العنقري و الفضول
مرحبا اخوي عاشق نجد
اقتباس:
لا مانع من وضع قصه وتكون موثقه بقصيده في قسم القصص لأن القسم إسمه ( قسم التراث والقصص والألغاز ) ويمكنك زيارة القسم ومشاهدة بعض القصص القديمه الموثقه بالقصايد لكن المشكله ما عندك ناس تنضم اقصد اللي عندهم صلاحيات ليه ما ينقلونه تحياتي اخي عاشق |
|
|
17-01-2010, 06:56 | #11 | |
ضيف
|
رد : قصة الفارس بداح العنقري و الفضول
اقتباس:
مرحبا بك ياعاشق الابداع لايكتمل الابتواجدك لاعدمته اسعدني تواجدك ... لاهنت |
|
|
17-01-2010, 06:58 | #12 | |
ضيف
|
رد : قصة الفارس بداح العنقري و الفضول
اقتباس:
هلابك
نومسني مرورك بيض الله وجهك ... و دام وجودك لاعدمتك |
|
|
17-01-2010, 06:59 | #13 |
ضيف
|
رد : قصة الفارس بداح العنقري و الفضول
خيالة تميم
بارك الله فيك ,, وأشكرك على الموضوع الطيب والرائع ...! ملاحظه / تعتقدين أن بداح العنقري ...( لوحده ) ...رد قبيلة الفضول ؟؟؟؟ ولكن الصحيح هو قبيلة تميم مع مطير ..ضد قبيلة الفضول ! دمت بحفظ الله ,,, |
|
17-01-2010, 07:01 | #14 | |
ضيف
|
رد : قصة الفارس بداح العنقري و الفضول
اقتباس:
هلابك ياعمر
وانا خالتك خلوا موضوعي في محله اخاف تنقلونه ولا القاه خبرك ما اعرف بالمنتدى الا هالقسم و لكم حرية الاختيار بنقله لاعدمتكم جميع |
|
|
17-01-2010, 07:03 | #15 |
ضيف
|
رد : قصة الفارس بداح العنقري و الفضول
خيالة تميم
بارك الله فيك ,, وهل تعتقدين أن بداح العنقري ...( لوحده ) رد قبيلة الفضول ؟؟؟ والصحيح ...أن قبيلة تميم مع مطير ....ضد قبيلة الفضول ! دمت بحفظ الله ,,, |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|