وش البيت الشعري اللي اذا ضاق صدرك تردده؟

وش حيلة إللي هام في حب مخلوق ......

فرقاه موت وجيته مستحيله ......

سرى بي هاجس الذكرى .. على متن الخيال .. وهام
يــرد الـذهـن لأيــام تعدتـنـي لياليـهـا

أضم الطيف بعيوني .. وأعانـق سـاري الانسـام
واردد نغمـة الماضـي علـى قلبـي .. وأغنيهـا

ألا يا ليل ..يا ليل الغريب اللـي سهـر مـا نـام
تذكـر لـه عـل بعـد المسافـة عيـن يغليهـا

أمانه يا قمر .. يـا سـاري بالليـل خـذ سـلام
وصبـه شـوق فـي عيـن الـذي عينـي معنيهـا

حنين الولف .. ياهل الولف .. يجلب للقلوب هيـام
ومن يجـرح قلـوب الولـف .. لابـده يداويهـا

اغني للقلـوب .. اللـي عزاهـا بالحيـاة أحـلام
وارد الشان .. لاهل الشـان .. بأولهـا وتاليهـا..!

ارحبو لآبتي . والله أني احب الجمعه واحب طاريها وليش ماحبها عيد المسلمين ولقيت عمر وسط بساتين الشعر مسفهل فيها .

ارحبو لابتي .صباح الخير .د .سعاد تكفين قولي لعمر ارفق علي قلوب العذارى لا يسريها ترانا يا الشياب لنا نصيب فيها هه الشياب مجموعه اللي مبطي عنه ابوسند

في دنيتـك " غصبٍ " عن الكـل ببقى !i
" الموت " أهوَن من حياتي { بدونك
خايف عليّ من " قسوة " الوقت أشقى ؟!
مافيه أقسى من } مفارق " عيونك "

اقتباس:
المشاركة الأصلية كتبت بواسطة إبن لام الدويسي
ارحبو لابتي .صباح الخير .د .سعاد تكفين قولي لعمر ارفق علي قلوب العذارى لا يسريها ترانا يا الشياب لنا نصيب فيها هه الشياب مجموعه اللي مبطي عنه ابوسند

صباح الخيرات يا الطيب
إنت لك النصيب الأكبر
في قلوب الجميع مو بس العذارى
ومو محتاج توصاية
سوي استفتاء أنا متأكدة من النتيجة
جرب مو خسران شي

اقتباس:
المشاركة الأصلية كتبت بواسطة إبن لام الدويسي
ارحبو لآبتي . والله أني احب الجمعه واحب طاريها وليش ماحبها عيد المسلمين ولقيت عمر وسط بساتين الشعر مسفهل فيها .

حياك بو عبدالله وينك؟؟؟ تحب الجمعة!!!!
بعدين مسفهل على وزن مفعًل يعني الها وزن باللغة العربية
بس ابي تشرح معناها لو سمحت !!!

مساكم الله بالخير
يا جعلكم دوووم سالمين ومسفهلين ..


//



سمعت بصدري صوت شيٍ تكسر
بالليله اللي ليلهآ صـآر ليليـن

هو قلبي اللي بالمحآنـي تفطـر
أو دمعة من كبرهآ مآلقت عين

ياليتني طيرٍ بلا خيط وسبوق
لامن نوى له ديرةٍ جا هواهـا

واطير بالجنحان واضفها فوق
وابعد عن هموم الحياة وغثاها

كل ماقلت راحت عبرتي عاودتني

وانزفن المحاجر لي دموعٍ جداد

عدّيت في راس الطويلـة وغنّيـت
أفرض رضا روحي على من كلفها

أغضبتها في موقف الطيب وأرضيت
فكرٍ على درب المعاسـر عسفهـا

ياقوّ طاقتهـا بمـا شـال وأخفيـت
شيئٍ عليـه الـروح مـاالله كلفهـا

حاولت أغيّر في مجاريه وأزريـت
ماينخصم وجـه الحقيقـه عرفهـا

مع الظّـروف بمقنعاتـه تقصّيـت
كم حلت به حيلة تصيـب ونسفهـا

حتّى عليه من الغضب منه ردّيـت
ردّة منزّحت السّرب عـن عطفهـا

لا شكّ ماصارت علـى ماتورّيـت
عند الغضب تخطي المصيبه هدفهـا

جيته ليا جيـت مطـوّع لعفريتـي
خلي الجسد لاجى والى أقفى خطفها

اقتباس:
المشاركة الأصلية كتبت بواسطة د.سعاد الفضلي
اقتباس:
المشاركة الأصلية كتبت بواسطة إبن لام الدويسي
ارحبو لآبتي . والله أني احب الجمعه واحب طاريها وليش ماحبها عيد المسلمين ولقيت عمر وسط بساتين الشعر مسفهل فيها .

حياك بو عبدالله وينك؟؟؟ تحب الجمعة!!!!
بعدين مسفهل على وزن مفعًل يعني الها وزن باللغة العربية
بس ابي تشرح معناها لو سمحت !!!

هههههههههه

مشكلة عمو أبو صالح يجيب لهجة أهل نجد ( من النخاع ) هههه

معنى كلمة مسفهل / أي ( رايق أو مروق إلى أبعد درجه في بستان الشعر )

أتمنى إتضح لكي المعنى دكتورتنا

هههه استاذ بارع في الشرح

طيب عمر لغز ع السريع


ياويش عذراء لالفتك اسفهليت .. مر على غفله ومر تحرا
يفرح بها راعى المواجيب والصيت .. ويفرح بها اللى عادته ماتطرا

اقتباس:
المشاركة الأصلية كتبت بواسطة حاتميه
هههه استاذ بارع في الشرح

طيب عمر لغز ع السريع


ياويش عذراء لالفتك اسفهليت .. مر على غفله ومر تحرا
يفرح بها راعى المواجيب والصيت .. ويفرح بها اللى عادته ماتطرا





الحل يا لشيخه /


هذي الفرصه لاحضرت ماتوانيت
و كل لغز يفره الإعصار فرا

هذا الإعصار من هيبته له صيت
دايم بفعله خرازة القوم برا

هههههههههههه

ههههههههه كفو والله

صح لسانك يالشيخ مليووون ولا يكفوووون