|
|
 |
 |
|
||||||||||
 |
 |
| مجلس وديد بن عروج الفضلي ـ لـ القصائد المسموعه والمرئيه يشمل منتدى [ عذب الكلام و القصص والالغاز و الخواطر والمدونات الخاصه ] |
 |
|
|
أدوات الموضوع |
|
#1
05-10-2007, 09:57
|
||||||||
|
||||||||
|
يومنه بغاني بغيتــــه .. قصه وقصيـده
السلام عليكم ورحمة الله وبركاتة موضي بنت سعد الدهلاوي أو مويضي الدهلاويه من اشهر الشاعرات وابرزهن وهي بنت سعد بن شارخ الدهلاوي امير الرس في الدوله السعوديه الاولي من صغرتها كانت ذكيه ولماحه وشجاعه وحظيت بشهره كبيره سواء عند البدو او الحضر وفي القصيم وماحولها مما جعل الكثير من الشيوخ يرغبون في الزواج منها ومن ضمنهم الشيخ والفارس المشهور جديع بن هذال العنزي . كانت موضي تحب زوجها جدبع حب غير طبيعي ولاتقوى علي فراقه وتشتاق له عند سفره كثير الشوق وهذه بداية القصه . يقال ان في إحدي سفراته قالت قصيده تناقلها الناس تحثه فيها علي العوده للرس لشوقها له ومنها هذه الابيات :
يالله يامـوصـل غـريـب بـــلاده = يامجري سفـن البحـر فـوق الامـواج تريـح قلبـي فـي مضـنـه فــؤاده = ان كـان ماطـاوع بنـــــــا كـل هـراج امـي توصيـنـي تـقـول الـجـلاده = وقلبي الي جـا طـاري البـدو ينفـاج قل لابن وايل كان وده مراده = القيظ زل وباقي الوسم لعــــــاج حطيت لك ريش النعايم وساده = والقلب لك يافارس الخيل مسهـاج ولما اشتهرت القصيده بين الناس أحس جديع بالاحراج وازعجته القصيده لان الناس رددوها على لسان زوجته وكان بدويا متحفضا فلم يطق هذا الأمــر وطلقها قائلاً :
يا راكب حيل ٍ الى لجلجنـــــــي = عوص لهن مع نازح البيد مرمـال الى مشن مديدهن ما يونـــــــــي = لكن حاديهن مع الدو خيـــــــــال مدن من الانجاج حين انهلنـــــــي = والظهر عند صخيف اللون مقيــــال والعصر عند صويحبي بركنــــــي = أبو ثمان كنهن در الاجهـــــــــــال لاجيت موضي يامناي ومظنـــــي = وصل سلامي لبنت ماضين الافعال وقله تراها طالق الحبل منـــــــــي = اللي قصيده يلعبه كل رجــــــــــال ولما وصل لها هذا الأمر أجابته بالأبيات التاليــــــــه :
حي الجواب وحي منهو جوابـــــــــــه = ياشيخ يا مكدي غثيثين الاجنـــــــاب يا شيخ والله ما مشيت بمعابـــــــــــه = ولا خايلت عيني على كل نصــــــــاب وأن كان قولي فيك كلن حكابــــــــه = عرضي نزيه ولا حكى فيه هـــــــزاب ارجيك رجوى البادية للسحابــــــــــــه = وجازيتني في كلمة ٍ مالها أسبــــاب هذا النصيب وما بغى الرب جابــــــــه = وان صك باب العبد عند الولي مية باب لكنـــه احس بندم والتسرع وحاو أن يعيدها الا انها رفضت العوده فقالت:
جديع يومنه بغاني بغيتـــــــــــــه = ما طمحوني عنه كثر العشاشيــق واليوم يومنه رماني رميتـــــــــــه = رمية وضحي رموه التفافيـــــــــق جديع أنا حرمت مسكان بيتــــــه = الا مغيب الشمس يرجع لتشريــــق ولا أن صوت الحي يوحيه ميتــــــه = أو ينبلع سم الحيايا على الريـــــق عسى يجيني شيخ ٍ يسمع بصيتــه = سنافي يعطي من طوال السماحيق ولما مات جديع في أحد الغزوات ( كير ) قالت فيه قصيده تلوم فيها أصدقائه وتعاتبهم على عدم انقاذهم له ، و هذا نصهــا :
ياكير لامرت عليـك المخاييـل = في قاعتك ياكير حـل الذباحـي هليه ياوضحا دمـوع هماليـل = علي عشيرك يوم ضلع البطاحي لومي علي اللي يلبسون السراويل = ماعفتوا لرقابــــهن يـوم طاحـي خلوه بوجيه العصـاة المغاليـل = وراجوا عليه مغلبـــين الرماحـي اخذ حلاوتها جديع بن هـذال = وخلا الغثا لرباعته واستراحـي وتقدم لها رجال كثير من عقب هذال وتزوجت من مجلاد الفوزان من الدهامشه ، وكان لها موقف كبير في تشجيع اهل الرس علي مقاومه جيش ابراهيم ولد محمد علي باشا اللذي جاء لاسقاط الدوله السعوديه الاولي . هذا الجيش الذي حاصر الرس مدينتها الرس فكانت تقول الشعر لتثير حماسهم في الدفاع عن ديرتهم والاعتماد علي الله ، فقالت :
هيه ياراكب حمره ظهيره = تزعج الكور نابيه السنامـي سر وتلفي هل العوجا مسيره = ديره الشيخ بلغهـا سلامـي ياهل الحزم يانعم الذخيـره = ان لفاكم من الباشا كلامـي انخوا الله ولاتنخون غيـره = واعرفوا مامن الميته سلامي في يديكم فرنجـي ذخيـره = قذفه مثل سيقـان النعامـي وكانت تحب الرس كثير ورفضت الذهاب للشمال
مع زوجها مجلاد الا ان توفيت فيها 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
