وش نفعنا فعل ابوك وفعل جدي

قصيده عجبتني ونقلتها لكم لا اعرف من قائلها :-


[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وش نفعنا فعل أبوك وفعل جدي

[poem=font="Simplified Arabic,4,#000000,normal,normal" bkcolor="" bkImage="backgrounds/2.gif" sdImage="" border="none,5,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
وش عطانا كل تاريخ القبيله

السوالف ماتجيب ولا تودي

والزمن أصبح نهاره مثل ليله

ناظر الدنيا وتفهم ويش قصدي

وين جدك وين هذاك لدليله

ماتذوق العز والحال متردي

لو تشوف الخير ماتقدر تجيله

علمونا نارد الموت نعدي

مادروا وش صار بياع البليله

علمونا ننزل وبكره نشدي

والديار اليوم بصكوك الفضيله

علمونا نكرم الضيف المعدي

لاجل يذكرنا ويمدحنا قبيله

أكرمه لو كان يصلخ كل جلدي

ما اتعذر لو ما باليد حيله

كرهونا بالتجاره والمكدي

لو شريت وبعت ضيعت الجميله

والصناعه ماتخص عيال نجدي

لو تجي صناع ياكبر الفشيله

والمراجل تنوخذ صبح وهجدي

مادروا وش صار بياع البليله

والدراسه ماوراها خير يبدي

من درس ضيع حلاله عزتي له

ضيعونا والزمن كله تحدي

كيف ناكل عيش بعلوم جزيله

كيف يارث جنب بيت الله هندي

يوم ورثك نخلتين بالمسيله

شيخنا يبلش على تعيين جندي

ينطل بوجهه ملف جا يشيله

والموظف هيثم بن عماد سندي

يطرد الشايب ويلعن سلسفيله

وان درى انه كان فارس مايصدي

شبت النيران بقلوبٍ غليله

والسبايب ذبح خاله نقشبندي

ينتقم من فعل ربعك في وهيله

حنشلٍ من جوعهم محدٍ يعدي

خال هيثم حج وجدك محتسيله

من يروح للحجاز يقول بعدي

العيال وداعة المولى دخيله

يفخرون بكسب حجاج وعبندي

وكسبنا منهم ذنوب وحنظليله

عاد تدري ليه أنا بيحت سدي؟؟؟

لا وظيفه لا فلوس ولا حليله
[/poem[/poem]]

الفضلي1970 تسلم على القصيده
ايضا اعجبتني القصيده
صح السانك والسان من قالها
قلبي

قلبي


شكرا لمرورك العطر


حياك الله

الفضــــــــــــــــــــــــــــــــــــــــــــــ ــــلي 1970 صح الله السانك والسان من قالها
كرهونـا بالتجـاره والمـكـدي لو شريت وبعت ضيعت الجميلـه الله الله

راعي العليا

اشكرك طال عمرك على المرور



لاهنت

مساء الخير

والله يا الفضلي انت شكلك راح تسبب لي ضغط وسكر والسبب قصايدك اللي قاعد تنقلها لنا :) :)

بس ادفع سنتين من عمري واعرف انت من وين قاعد تجيب هالقصايد الروعه

والله روعه بدون اي مجامله لك


الله يعطيك العافيه والى الامام ان شاء الله





اخو خوشه / القويماني ...

اخو حوشه


الروعه هي مرورك هنا طال عمرك وبدون مجامله انت ملح المنتدى وتشكر لردودك على ما ننقل ونكتب وما تقصر يالغالي .

والله صح الله اللسانك يالفضلي تسلم على القصيد الحلوه هذاي ومعك حق في قلته وعلى ماسمع ليس الفتى من قال هذا ابي ولكن الفتىمن قال هذا انا ياليت اقرا لك قصايد با القوه هذاي

عزيزي / الفضلي 1970

مشكور على هالأبيات الجميلة.

الحقيقة مره لكن وش نسوي هذه الدنيــــــــــــــــــا

تسلـــــــــــــــم

السيل


شكرا لمرورك وبالنسبه لي انا صراحه متذوق شعر ولكن للاسف لست بشاعر


تحياتي لك

زورو

اشكر لك مرورك


تحياتي لك

a

مشكور يالفضلي على هالقصيده اللي فعلا لها اثر ومعنى

زمن اليوم زمن اقشر كل واحد يتفاخر بغيره

ولكن تاريخ اجدودنا وفعايلهم منقوشه بقلوبنا

ولا يقدرهالكلام الا راعي المواجيب ومتربي على التواضع

ولكن ود يي ارد على اول بيت من القصيده

فعل ابوي وجدي به نغتدي به****وتاريخهم بقلوبنا نشيله

واكثر الناس الله يهديهم خذوها مفخره ونسو انهم يغتدون بفعالهم

ولكم جزيل الشكر

ابو مطلق


لاهنت طال عمرك واشكرك على المرور