جاتني رسالة

جاتني رسالة من صدى خافق الروح

و قريتها بإحساس قلبي و روحي



قريتها و انهدت قصور و صروح

و أنا من أول عاليات(ج) صروحي



تشكي تقول القلب يا ناصرمجروح

ما تدري أني غايارات جروحي



تهل دمع و ترفع الصوت بالنوح

و اللي فقد غاليه لازم ينوحي



ما كلمتني يمكن الصوت مبحوح

من النوح و إلا ما استطاعت تبوحي



جاتني رسالتها بها دموع و جروح

و انهد بأسباب الرسالة طموحي



تقول يا ناصر الزمن صار مفضوح

و الشيب فيني لو تشوفه يلوحي



يا بو سالم مالي بالأغراب مصلوح

مادام قلب اللي نحبه شحوحي



ودي بشوفك دام الأعمار بالسوح

قبل الرحم يا خوي منا يروحي



زل الزمان اللي به أفراح و مزوح

أنخاك تكفى لا تظنه مزوحي



و بعد الرسالة صار بالقلب ذابوح

طار المنام و صار فكري يشوحي



أختي رسالتها لها القلب مفتوح

كلي لها و القلب ينصت و يوحي



أقولها و دموع عيني لها بوح

وسط المحاجر دمع عيني يفوحي



جاوب الورقى على عالي الدوح

و أنوح من فرقى الرفيق السموحي



و الله لو أني وسط الأطباق مذبوح

لأظهر كما خطو الحصان الجموحي



و أقول يا عين المها ما بها شروح

لو تطلبين الروح تفداتس روحي

ناااصر السيف



أبدعت في نقل القصيده



بارك الله فيك



وبيض الله وجهك



صح لساان شاعرهاااا



وتسلم يمنااك



دمت بود ..

قصيده رائعه وناقل اروع

تسلم ايديك ناصر .. بانتظار جديدك

سلامه العايد









منور ياالغالي









ومشكور على المرور الكريم

حاتميه









منوره ياالغاليه









ومشكوره على المرور الكريم

ابداع ابداع ابداع

صالح الدعفس






ياهلابك ياالغالي






ومشكور على المرور الكريم