هداج تيماء

مساكم الله بالخير ، هذي القصيده كاتبه بجدي الله ينطيه طولة العمر وغاليكم واعذروني على القصور فيها ......

سميت باسم الذي عرشه تعلاه = سبحانه المعبود خلاّق الاكوان
يبه حماك اللي حما البيت بحماه = أبوي ابن دخيل الطريري سليمان
راعي هلا باللي لفا له وحيّاه = بفنجال شقراء ولأزرق العود دخان
هداج تيماء مثل الحياء يمناه = عوق الخصيم معرب الجد ويلان
ريف الضعيف ابو اليتامى حلاياه = ماللزبون لغيركم ماش مزبان
سفر الحجاج الله من النار ياقاه = تعجز وصوفه خط كفّي والأذهان
يم الردى ما ساق رجله بممشاه = واليا نطق يازن كلامه بميزان
على الشرف ممشاه والطيب مبداه = الله يجيره من صواديف الأزمان
يالله ياللي كل حيّ ن ترجاه = تسمّح دروبه وتصلح له الشان
ماهو يبه حقك خطي ومعناه = وحتى بعد بالروح ما أرجّح الميزان
من العدم أخير قاف ٍ بدعناه = وإلا انت رمز ٍ للكرامه وعنوان
وصلاة ربي عد حرف كتبناه = على النبي وإعداد برق ً وهتّان

وسلامتكم
الشاعر : محمد الدعفس الفضلي
معاند الوقت

صح الله السانك على القصيد

والله يطول بعمر شيبانك ويحفظهم من كل شر ويعطيهم الصحه والعافيه

ونعم والله مليــــــــون في الدعفس الكرام

اخوي محمد يعطيك الف عافيه

محمد الدعفس

والنعم فيك وفي أهلك



الله يطول في عمر جدك



ويعطيه الصحه والسلامه


صح لسااانك وتسلم يمنااك



ولا تبخل بجديدك ...

صح الله بدنك على الرد

والله يطول بعمر شيبانك ويحفظهم من كل شر ويعطيهم الصحه والعافيه

والله يجزاك الف خير على الدعوة الطيبة وهذا من طيبك اخوي عبدالله لاهنت

ما عليكم زود اخوي عبدالله الله يعزك كلنا واحد عيال عم واخوان ، دمت بود يالغالي

سلامه العايد

ما عليك زود يالغالي

والله يخلي لك غالي ويجزاك خير

صح بدنك ولاهنت على الرد

تقبل قائق احترامي وتقديري

اخوك : محمد الدعفس الفضلي

معاند الوقت

يستاهل الطيب القصيده الرائعه .. الله يرضى عليه ويطول عمره

صح لسانك وبيض الله وجهك اخوي معاند الوقت

بانتظار جديدك وابداعك

صح الله السانك يابن العم ..

بارك الله فيك .,,

والله يحفظك انت وجدك وعموم المسلمين ,,

بارك الله فيك اخوي محمد


والله يخلينا لبعض ولا يفرقنا ......



هذا العشم بعيال العم الله الله عليكم ...


والله يجمعكم علي طاعتة ولايفرقنا ...

أأأأأأأأأأأأأأأأأأأأأأأمين ...