قصيده قالها العنجري

بسم الله الرحمن الرحيم
الله يعطيكم العافيه على هل موقع الطيب

هذه قصيده قالها العنجري عندما الفضول غزو مطير والعنجري كان يريد الزواج من مطير
وقال العنجري اذا رديت نصف الحلال اتزوج هيا قالوله ايه وذهب العنجري ورجال مطير وردو نصف الحلال ......................
وقال قصيدته :هيا عطينا الحق هيا عطيناه *
وان ماعطيتناه والله لصيح *صحه ماغداه جنيني يوم الفضول فى حلتي شارعيناه* ودعت انا الخيل صدنا مذابيح*

ليش؟ محد دخل واستفاد من الموضوع

هــذي القصــه ...

بداح العنقري كان أمير ثرمداء وكان له علاقه مع أهل الباديه

ويوم من الأيام جوك الدويش وخيمو قريب من ثرمداء المهم جاء بداح لشيخ الدويش وخطب بنته

وقال الشيخ بشاور البنت و أردلك المهم راح الشيخ لبنته وقالتله البنت (مابقى الا خيال الحضر زين تصفيح يتزوجني)

المهم بداح سمع البنت وهي تقول هذى الكلام ورجع لقصره بثرمداء

وبعد كم يوم جو الفضول وغزو الدويش وجابو فيهم العاطل والفضول راحو بطريقهم لمساكنهم

بداح كان عنده عبد العبد شاف الغزو وراح علم بداح

بداح أخذ خيله وأعطى العبد خيل وقال للعبد أنا بهجم عليهم من امام وانت خلك وراي لا تخلي احد يجيني من خلفي

المهم أنهم أدخلو في معركه و انتهت بأنتصار بداح (البنت كانت ترى بداح وهو يقاتل ولكن لم تكن تعرف أنه بداح العنقري الي رفضته)

وجى العبد رجع الحلال للدويش بأمر بداح (رجع الحلال ورجع بسرعه بدون ما يعرفونه)

المهم البنت قالت لأبوها أنها شافت ألي يقاتل ورجع حلالهم لكن ما تعرفه

جاء الشيخ وعزمرجال القبيله عنده وقال للبنت اذا كان موجود أشريللي عليه

المهم وهم جالسين الرجال جاء الشيخ وفتح عليهم الموضوع وقالهم من الي رجع الحلال

الزبده قام الهياط بينهم كل واحد يقول انا

لكن البنت طلعت وهزت راسها(يعني ماهو بينهم ألي رجع الحلال)

الشيخ شك في بداح العنقري وراح اعزمه وجاء بداح وقال الشيخ لبنته اذا كان هذا هو ألي رجع الحلال اشريلي

المهم جلس بداح وجلس الشيخ وجت البنت وأشرت على بداح (يعني هذى هو ألي رجع الحلال)

وقام الشيخ راح لبنته وقالها هذى بداح العنقري ألي رفضتيه جت البنت قالت لابوها خلاااااااااص انا أبيه لو ايش ما كان

جى الشيخ قال لبداح ترى البنت تبيك

المهم قام بداح وقال (ما لنا باطارد عاده)

الله أحد يـامـا غـزينـا وجينـا = ويامـا ركبنـا حاميـات المشاويـح
ويامـا علـى أكـوارهـم اعتلينــا = ويامـا ركبناهن عصيـرن مراويـح
ويامـا تعـاطـت بالهنـادي يدينـا = ويامـا تقاسمنـا حـلال المصاليـح
وراك تزهـد ياريـش العيـن فينـا = تقـول خيال الحضر زيـن تصفيـح
الطيـب مـا هـو بـس للظاعنينـا = مقسمـن بيـن الوجيـه المفـاليـح
البـدو واللـي بـالقـرى نازلينــا = كلـن عطـاه الله من هبَّـة الريـح
يـوم الفضـول بحلتـك شـارعينـا = والشلف بالدواشن سواة الزنانيح
يوم انجمر رمحي خذيـت السنينـا = وادعيت عنك الخيل صـمّ مدابيـح
هيـا عطينـا الحـق هيـا عطينـا = وإن مـا عطيتينـاه والله لا صيـح
أصيح صيحـة مـن غدالـه جنينـا = وإلا خلوجن ضيعوهـا السراريـح
يا عود ريحانـن بعـرض البطينـا = ومنين ما هب الهوا فاح لـه ريـح
لا خـوخ لا رمـان ولا هو بتينـا = مشمـش البصـرة ولا بالتـفافيـح
وخـدن كما قرطاستـن في يمينـا = وعيـون نجـل للمشقـا ذوابيــح
صخـف بلطـف بـانهـزاع بلينـا = يا غصن موزن هزعه ناسم الريـح

طارق الموينع


حللت أهلا..ونزلت سهلا ...يامرحبا ..

بين أخوانك وأهلك ...

( الموضوع مكرر)

دمت بخير,,,

مشكورين حبايب قلبي

الله يعطيك العافييييييييييييييييييييييييييييييييييييييييييه وانا ماكتبته عدل والموضوع صار موضوعك يابن العم واشكرك على الموضوع والله لايهينك وانا مااادري انه موجود الموضوع

وسع صدر يالغالي ...

اخي العايد لم يكن الدويش ذا صله بهذه القصه ولم يدخل مطير بهذه السالفه والعنقري تميمي وهو حضري وكانت ثرمدا منطقه ايامها بدو اكثريه فيها والدويش لم يكن في اوج شهرته في ذاك الزمن ومن المعروف ان مكان تركز مطير وبالذات علوى اللي منهم الدويش هو الصمان ولعلمك لم يتقابل مطير مع الفضول الا مره وكانت امام البرزان من مطير وكسروهم الفضول وقتلو اميرهم صلف بن حنيان
ومطير قبيلة كبيره جدا ونعم فيها هذا كلام غير منطقي ان يقوم قروي بانقاذ حلال الدويش
دير بالك ياخوي ترا هذا الكلام فيه حق ويمكن التبست عليك الامور لان مطير بكبرها لا تنكر انكسارها قدام الفضول وهذا شي طيب
ويجب عليك انت تعطي كل انسان حقه بصوره منطقيه
والله يديمك لاهلك يا خوي وراجع معلوماتك الترا معظم المشاكل من زلت لسان

ذيب بني فضل


انااا ماجبت القصه من عندي الله لا يهينك


هذي القصه معروفه عند بني تميم أسأل


وهم اللي يعطونك الجواب الشاااافي .....


وعلى فكره تلاقي القصيده محاارف فيهااااا والقصيده


الاصليه فيهااا هذا البيت وهذا دلاله فيهااا الدوشان

[poem font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
يـوم الفضـول بحلتـك شـارعينـا = والشلف بالدواشن سواة الزنانيح[/poem]

سلامة العايد بيض الله وجهك والحاضرين