رواية عشق

علي بن طراد






تهاوت كل قصة عشق وتبقى قصتي معها
علم للعشق بالحاضر وماهو آتي ومجهول
رواية صدفة احلا حب بين اثنين واسمعها
روايه جاوزت حد الخيال وكل لا معقول
ضميت وراحة ايديها سقتني من منابعها
جريد من المون في قفرة ارضً زارها هملول
تسيّر عالفكر واظلوعي اطناب لمراتعها
ويجرح نورها ظلمه بقلبً ماهو ب ماهول
فديت عيونها اليا سلهمت من خلف برقعها
عجزت آعبر بكلمه واضيع مابغيت اقول
دلعها فطرةً فيها من الله جل مبدعها
بدون أي اصطناع الول فيها مايجارا بلول
بوقت اللين تسعدني بجمله دوم مطلعها
ياعمري جعلني فدوه معاك لحد يوم الهول
ولا من الزمن عاند معي ياويش يمنعها
مره لكن قوية باس وفزعتها معاي افعول
انا مجنونها العاقل مدامي صرت مطمعها
وهي مجنونتي لاني عشقت الروح قبل الزول
لها في جوف مغليها مكانً بس ياسعها
لها كل المشاعر جند وسربً عزز الاسطول
بقلبي اساله عده سؤالاً بس يجمعها
احبك..ليه؟؟ثم قالت جوابك مطلب المسؤل
حلفت انه عقب حبي عروق القلب اشمعها
رواية عشق ما منها بكل الارض عرض وطول
يجوز ان القصايد تنتهي ويحين مصرعها
ولكن حبنا خالد وفا للآتي المجهول

اختيار رائع من أخ أكثر روعة في اختياره

ناصر السيف




اختيار جميل




تسلم ياالغالي

السارية




تسلمي ياالغلا




كلك ذوق



ولاتحرمينا من مرورك العطر