الولد اخطبولي موظفه والبنت ابي بيت لحالي !!!!!

السلام عليكم ورحمة الله وبركاته
ظهرت في الآونه الاخيره ان بعض الشباب لايريد الزواج الا بموظفه فلماذا ؟
هل السبب في ذلك لتقوم بأعبأءها وتتحمل هي متطلباتها ؟
ام بسبب ظروف المعيشه الصعبه؟
ام بسبب عدم الشعور بالمسؤليه واللامبالاة؟
اما البنت إذا خطبها شخص فالطلب الوحيد ابغى بيت لحالي حتى وان كان الشاب وحيدا لاهله فلماذا واين الاهل فالبنت لاتسأل عن الدين والخلق !!!!! وكأنها تعيش في هذه الدنيا مخلده فهذا الابن يريد ان يعطف ويعطي اهله ولو جزء بسيط من فضل الوالدين فنحن نعلم ان لايكاد يخلو اي منزل من وجود الشغاله فقط الاب والم يريدون من يراعهم في هذا السن !!!!!!!!!!!
فأنا ادعو الشباب والبنات تحاشي هذه الاسباب
قال تعالى (وبالوالدين احسانا)

ارجو التفاعل مع الموضوع للنقاش ؟

وعليكم السلام ورحمة الله وبركاته

صالح الدعفس

شوف عندنا بالعكس أغلب الشباب ما يفضلوا الموظفه وحتى لو تقدم لخطبتها
وهي تشتغل يشرط عليها تبطل هذه وجهة نظر أغلب الشباب عندنا .
أما بالنسبه لشرط البنت والله مثلكم تجدها ما تشرط شئ إلا البيت لحالها تعرف ليش
لأن في وقتنا هذا كثرت المشاكل وما أحد متحمل أحد الكل يبغى راحته والراحة تكمن
في الإستقرار ومن وجهة نظري أهم شئ البيت مو معنى كذا ينسى والديه بالعكس أحياناً
تجد لو البنت مرتاحه في استقرارها حتعامل أهل الزوج أفضل وممكن تروحلهم وتهتم بيهم
أكثر مما إن كانت تسكن معاهم لأن في أستقلاليتها راحتها وهذا ينعكس على معاملتها ،، هذا مجرد
وجهة نظر وكل واحد ورأيه .

شكرا لك على الطرح القيم ،،، والله يجزاك ويجزي والديك عنا خير الجزاء

دمت بود

شكرا اخي صالح الدعفس على مثل هذا الموضوع الاجتماعي الحيوي
واسأل سؤال لماذا ندعو ونحاول احياناتعميم نشر نظريات ودراسات حديثه في علم النفس وعلم المجتمع ونشجع على اكمال الصحه النفسيه في الفرد بنت اورجل واعتبار ذلك جزء مهم من بلورة الشخصيه الكامله والناجحه بامتلاك القرار ،والتفكير لرسم المستقبل السعيد للشراكه الزوجيه بعيدا عن العثرات والمنغصات الحياتيه المحيطه من اهل الزوج والزوجه بان واحد .. اضافة الى تعميم واقع الحياة العصريه وما يكتنفها من متطلبات ومصاريف كثيره معقده.. بما فيه النت والموبايل وحرية التكلم فيه واختيارمشاهدة المسلسلات التلفزيونيه حسب الهوىوالاذواق ورسم صورة تربية الاطفال وحرية تبادل العلاقات الاجتماعيه ومراسيمها واتكيتاتها مع اهل الزوجه وقريباتها بداخل البيت الكبير كلها مفرزات لمسائل قد نقرها جميعا من حيث المبدأ في البدايه وقد نختلف عليها في النتائج ..
وبحكم تجربتي الطويله اجد بان انجع حل لموضوع بقاء الابناء قريبين من الاهل هو تهيئة الوضع المريح لهم جهد الامكان ومساعدتهم على تكوين مستقبلهم نحو الاستقلال وحتى ولو تطلب الامر في البيت الواحد داخل الاسره الكبيره منح حرية المأكل والمشرب وكل وسائل الراحه ويجب التقيد باحترام هذا القرار منذ اليوم الاول

[/COLOR]

وعليكم السلام ورحمة الله وبركاته

شكرا اخي العزيز صالح الدعفس

على طرح هذا الموضوع الهام.

فعلا نحن في حيرة بين الامهات

فهي كثير ما تفكر في بنتها وتريد لها مسكن

لوحدها. واما لو ان زوجة ابنها طلبت ان تسكن

لوحدها لكان نظرتها غير فتقول ولدي ماعنده

ولدي ما يقدر. هذا هو حال البشر الله يعين.

انا اشوف هذي حياة خاصه وكل شخص حسب قناعته
من حق اي احد ينام ع الجنب اللي يريحه ويبني مسيرته بقناعه تااامه
ويتشرط اللي يبي بدون تأثير ..عشان ما يقول بعدين كله منكم !
اتمنى التوفيق للجميع
شكرا صالح
ربي يعطيك على قد نياتكـ

,,’,,

اشكركم جميعآ علي تواجدكم وعلي تفاعلكم المعتاد ..


والله يصلح لنا الحال والحوال ..


اضافات هادفة باركـــ الله فيكم ..

أغلب الشباب يبون موظفه علشان يرتاح من مصاريفه اللي ماتخلص وطلباته العجيبه والغريبه ..مثل .. السوق مكياج الماركه الفلانيه والفستان الفلاني ..وما إلى ذلك ..

أما طلب المراءه بيت لحالها .. فأنا مع الفكره ..علشان المشاكل اللي ذكروها الاخوان والاخوات من قبل ,,




موضوع يستحق النقاش ..

وعليكم السلام

أخوي صالح

بارك الله فيك على الطرح الجميل



مثل مافي اشخاص يبون موظفات في كثير شرطهم الوحيد انها ماتكون موظفه


وفي بعض البنات اللي يشتغلون بالمستشفيات والله مظلومين والسبب انها تشتغل بقطاع فيه رجال


وماظن بالوقت هذا في بنات يتشرطون

بس بالاول والاخير ((الزواج قسمه ونصيب))


أشكرك

ابو احمد ...


صدقت بما نثرت من اضافات تستحق الوقوف عليها ..

وفيكـــ بارك الله ..

والله لايهينكــ علي التواجد ..

اخصائي مختبر ...


فعلأ بالاخير الزواج قسمة ونصيب والالفة بين الزوجين امر ضروري ...


بارك الله فيكـــ وحضورك شرفني يالغالي ...


تحيتي لك ...