المرجله ماهيب خيل معسوفه _ المرجله تبغي رجال تعسفها

بسم الله الرحمن الرحيم

السلام عليكم ورحمة الله وبركاته


كلمات الشاعر .. عبدالله محمد العودة .. قال في الحكمة




[poem font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
المرجله ماهيب خيل معسوفه = المرجله تبغي رجال تعسفها

ماهيب للي ناعمات(ن) كفوفه = وماهي تسمى بالذي ماعرفها

مايطولها شخص(ن) تهمه ألوفه = ماهيب تسعف واحد(ن) ماسعفها

البعض يحسبها بخزنه ارفوفه = نفسه تعد المرجله في ترفها

ومع ذا بخيل وطبع نفسه شحوفه = الاموال لو هي من حرام(ن) لهفها

والمرجله ماهيب ضحك وطروفه = ولا استكانه شاي بيده طرفها

يابعدها على بنيات شوفه = ماهي توالف واحد(ن) ماولفها

ماهي تهيا لكل شخص وشفوفه = وماهيب سهله من بغاها لقفها

مابها محنيه ولابها مروفه = اللي يبيها ماشكى من صلفها

خيالها دايم بهم وكلوفه = من عنها لازم يوجه كلفها

خيالها بانت مزايا وصوفه = طيب الفعايل معتلي في شرفها

ماتمنعه عن طيب فعله ظروفه = نفسه على فعل المراجل عسفها

اللي تبهلل يوم جاته ضيوفه = من همته حدب الشوارب عكفها

يسبق على ضيفه عظيم محلوفه = وغترته فوق الراس عصب طرفها

بشراه لامن صار عنده مضوفه = ماخالج النفس الكريمه اسفها

مزبن(ن) من زاد همه وخوفه = عمته لأجل اللي عنا له حذفها

في حومة الاجواد بان معروفه = نعمين من بنك المراجل صرفه

جمايله حمل(ن) عطاها كتوفه = وكتف هوى نفسه ونعم(ن) كتفها

نعم الرجل نفسه عليها لهوفه = نفسه الى العليا تزايد لهفها

حث السعي فيها وارهق خفوفه = لين المراجل نالها واحترفها

والا الردي تلحقه نفسه حسوفه = لاصار لحظة بالمراجل وقفها

الحر حر(ن) يتعبه شف جوفه = والا الغراب بارضه جيفها

والذيب نفسه للطمانه عيوفه = والشاة ترعى من مواطي علفها

والليث يطرد جزل صيده يحوفه = ولا الثعل صيده بقايا صوفها

وكل(ن) على فعله وتدبير شوفه = وكل نفس(ن) ساعيه في هدفها

والمرجله والله ماهي مخلوفه = للي نشاء باول شبابه نسفها

تكبر مع اللي هي تربت بجوفه = سلوم المراجل في شبابه كشفها

صان المراجل حبها كثر شوفه = وادمن عليها مثل كيف(ن) رشفها

ابشرط فيها طاعة الله وخوفه = هي ساسها وباقي المعاني سقفها[/poem]

المرجله ماهيب خيـل معسوفـه
المرجله تبغـي رجـال تعسفهـا

صدق الشيخ عبد الله بن محمد بن عودة

الله يعطيه العافية.

وشكرا اخي العزيز سلامة على هذا النقل.

سلمت يداك يا بو عبد الله.

تقف كل الحروف الابجديه عاجزه عن وصف هذا الشاعر

انه ابداع في الوصف والحكمه وللرجال ذو عقل وفطنه

والاحلى والاجمل منها من نقلها الينا لنطرب بها ونتغنى
انه سلامه العايد
الذي لا ياتي منه الا خيرا ومحبه وحكم وامثال

دمت وسلمت يداك على هذا النقل الاكثر من روعه

ابو وجدان

المرجله ماهيب خيـل معسوفـه
المرجله تبغـي رجـال تعسفهـا

صدق الشيخ عبد الله بن محمد بن عودة

الله يعطيه العافية.

وشكرا اخي العزيز سلامة على هذا النقل.

سلمت يداك يا بو عبد الله.

الله يعافيك ويبقيك لعين ترجيك ولهلك يخليك يارب

وسلمت من الشر يالغالي .. ولا شكراً على واجب يبعدي

وتسلم على هذي الطله الجميلة لاهنت

دمت بحفظ الله

خالد دريع

تقف كل الحروف الابجديه عاجزه عن وصف هذا الشاعر

انه ابداع في الوصف والحكمه وللرجال ذو عقل وفطنه

والاحلى والاجمل منها من نقلها الينا لنطرب بها ونتغنى
انه سلامه العايد
الذي لا ياتي منه الا خيرا ومحبه وحكم وامثال

دمت وسلمت يداك على هذا النقل الاكثر من روعه

سلمت من الشر بإذن الله يابعدي .. والاروع هو تواجدك وحضورك

الذي لا يسعني سوا شكرك في عذب كلامك وعذب حروفك وجميل دخولك

وردك في مواضيعي فكل الشكر لك .. ووفقك الله دايم الدوم

دمت بحفظ الله

صح لسان الشاعر/عبد الله بن محمد العودة

قصيده لم أقراء من قبل مثل جزالتها وحكمتها

ولو بقتبس أفضل الأبيات لإقتبستها كــــــــــــامـــــــــــلــــــــــه

سلمت يمناك ياسلامه على نقل القصيده الجزله ياجزل

دمت بود

الأجمل سلامه كلما اضاء موضوع لك قلنا هذا الأحسن ويأتي مابعده اروع ما اروع مانقلت من شعر وحكمت اهلنا زراعوها لتبقي لنا ولي غيرنا دليلا لكل خير

المرجله ماهيب خيل معسوفه _ المرجله تبغي رجال تعسفها
أنا أشهد والله ياسلامه
وصح لسان الشاعر محمد العوده
وتسلم والله يمينك يالغالي

ابشرط فيها طاعـة الله وخوفـه
هي ساسها وباقي المعاني سقفها

صح اللسانه قصيده ابياتها جزله معانيها كبيره .. لكن هذا البيت افضلهااا ..وختامها المسك ..

شكرا لك اخي سلامه على القصيده ..

مشكـــــور خيو ع الطرح الرائع..
صح لسان قايلها ..
وسلمت يمنى ناقلهــا..

اخوي الفاضل سلامة العايد سلمت يمينك على النقل الحلو لهذه الدره الثمينه
للشاعر عبد الله محمد العوده شعره جزل ويستحق الاشاده به ويعتبرفعلا شاعر
حكمة صح لسانه وسلمت يمينك يا الذيب وتقبل تحياتي وشكرا

عمر المسعر

صح لسان الشاعر/عبد الله بن محمد العودة

قصيده لم أقراء من قبل مثل جزالتها وحكمتها

ولو بقتبس أفضل الأبيات لإقتبستها كــــــــــــامـــــــــــلــــــــــه

سلمت يمناك ياسلامه على نقل القصيده الجزله ياجزل

دمت بود

صح بدنك يالعزوهـ .. وسلمت من الشر بإذن الله يابعدي

يكفي مرورك وحضورك محملة بحب وجزالة ولا ويش قولك

تسلملي على المرور والطله

دمت بود

إبن لام الدويسي

الأجمل سلامه كلما اضاء موضوع لك قلنا هذا الأحسن ويأتي مابعده اروع ما اروع مانقلت من شعر وحكمت اهلنا زراعوها لتبقي لنا ولي غيرنا دليلا لكل خير

تلاقي خير يابوصالح بإذن الله

لا الصراحه الاجمل هو دخولك ومشاركتك في متصفحي

الذي كل مايضيق خلقي واراك في موضوع ترد عليه انسى كل شي

وافرح بدخولك وإن شاء الله دوم الفرح مو يوم

وتسلم على المرور يالحلو

دمت بود

أديب الدعفس

المرجله ماهيب خيل معسوفه _ المرجله تبغي رجال تعسفها
أنا أشهد والله ياسلامه
وصح لسان الشاعر محمد العوده
وتسلم والله يمينك يالغالي

صح بدنك .... وسلمت من الشر يابعد حيي وميتي انت

وتسلم على المرور الجميل ياجميل

دمت بحفظ الله

شيهانةالفضول

صح اللسانه قصيده ابياتها جزله معانيها كبيره .. لكن هذا البيت افضلهااا ..وختامها المسك ..

شكرا لك اخي سلامه على القصيده ..

صح بدنك يالعزوهـ .. ولا شكراً على واجب اختي الكريمه

نعم هي افضلها وختامها ولا شي يعدي طاعة الرحمن فهي

كلمة حق .. والحق ينقال .. وتشكرين على المرور

دمتي بود