×ويــ‘ـل قـ‘ـلبـ‘ـي×

يا ويل قلبي كل ما اشتقت لقيآآهـ

وشلون ما تشتاق عيني لعينه

أنا أدري إني حيل أحبه وأهواه

وأنا أدري إن القلب صار بيدينه

أموت أنا به في غيابه وأحياه

وشلون أجل لو صافحتني يمينه

حاولت أنا اكتم عبرتي يوم فرقاه

وألملم جروح الزمان الطعينه

وعطيه من قلب المعنّى معاناه

وآخذ من جروحه ولو هي دفينه

وأضيع به في زحمة الناس وأنساه

وأنسى معه ذكرى السنين وحنينه

لقيت نفسي كل ما حل طرياه

عروق قلبي كلها تقول وينه

يأمر على قلبي ولا شك ينهاه

كلي أنا تحت الإشارة رهينة

ما كل من يضحك سعيد بدنياه

وما كل من يبكي دموعه حزينه

أحدن بكى .. والكل يدري عن بكاه

وحدـآآمع ألضحكه تحس بونينه

ياشين فرقى الحب وياشين بلواهـ

والمشكلة دنيا بلا حب .. شينه

والزين ما يكمل ولو كان ما حلاه

إلا حبـــيبي ما تــغيّر بزيــنه
ما جيت أسولف عن حلاه ومزاياهـ

يكفي أحاسيسي وقلبي عارفينه

كن الفضاء في غيبته ضاق مسعاه

وكني غريقٍ ينتظر له سفينه

شف دنيتي ياصاحبي عقب فرقاهـ

مثل الظلام اللي حصل بالمدينه

باكتبه أنا في صفحة الشعر وأقراهـ

وباذبحه بزود الغلاء دون سكينه

وبا رسمَه في لوحة الشعر وأنعاهـ

وبا دفـنَه بين الضلوع الحنينه

بوسط الحشا في داخل الصدر مثواهـ

إما يسار القلــب وإلا يــمينه

منقـوولـ..

شكرا اختي الهاديه على هذا النقل

الجميل ,

شعر رائع الله يعطيك العافية.

ملا حظة على كلمة : وأنا أدري إن القلب صار بيدينه

ان القلب بين اصبعين من اصابع الرحمن

يقلبه كيف يشاء. وليس بيدين البشر

دمتي بخير.

مشكورة الهاديه على الابيات الاكثر من رائعه

وانتقائك لها هوالأجمل والاروع من هذا كله

وتسلم يمناك على النقل

دمتي بصحه وعافيه

شكرا يا اختي الهاديه على ما نقلتي

من روائع قصائد الشوق والحنين

اخترتي واحسنتي الاختيار

اما ملاحظة اخينا ابو وجدان

ليس في محلها والسبب هو

ان قول الشعراء فيما يقولون هو تعبير مجازي

وليس تعبير حقيقي هل يعقل ان يخرج القلب ويكون بين الايدي

شكرا لحسن الاستماع

صــح لسانج خيتو ..

صح بوحك

الأخت الهاديه

قلم مبهر ... مذهل

الله درك على جمال بوحك

احساس التحفت به هذه الكلمات

أنا دوماً بأنتظار الهاديه

والهاديه دائماً تروي ضماي الشعري

أبدعتِ هُنا

أدام الله علينا جمال حرفك

اسعنى تشريفكم العطر

يعطيك العافيه خيتوووو الهاديه

طرح ومجهود رائع

^_^

شاكره مرورك العطر