يوم طحت وشفت جفني اطلق الدمعه وخان .. صحت تكفى ..صاح قلي كيف اخبي هالبحر

صباح الشعـر يا نبـض الحنيـن الممـلي بـ إحساس
صباح الصـدق بـ عيـون القوافـي لا نوت رسمـك



مساء النـاي وأنغـام البكـا واليـم
مساء الـشاي يجـي احمـر بلون الـدم

..



..



..

رعشة الساعة زلازل تصرخ بوجه المكان
الوعد مر وتعدى والخبر مامن خبر


بعد ما ودعت جمري طرت لعيون الجنان
وطحت قبل التقيها في وعيد(ن)يستعر


كنت احلم باللقا .. كنت ادري ان العمر فان
وقلت انا ان مدت لي كف(ن)بارتمي به واحتضر


حتى ظلي انتظرني قبل لا يحين الأوان
راح يركض والتفت ثم قال ازريت انتظر


وسالفة شوقي رواية ما يتمتمها لسان
فالصدر صفحاتها مكتوبة بحبر الجمر


كنت أوصي خافقي لاتدخل بشرح وبيان
ضمها لامن لفتني والرواية تختصر


وساعتي نبضاتها خوف(ن)خنق روح الامان
لين عقربها تلعثم ياوعد دوك الصبر


بعدها خر بسجود(ن)تحت اقدام الزمان
يرتجي لحظه ولو هي آخر أنفاس العمر


مالقى به أي رحمه وادرك ان الموت حان
وطاف ما بين الثواني ايتخير له قبر


وين انا..وين المدينه بعد ما عدت ثمان
اشهقت هالريح من ثم انفجر دمع الحجر


ماتت الدنيا بعيني بس ما ماتت روان
طفلة تتمرجح بقلبي ويقطفها الزهر


الحنايا ارضها تعبث وتنحتها عشان
تغرس الذكرى وتورق فيني جروح(ن)خضر


اقلب الآيه واكابر رغم طغيان الهوان
والعب بعز انكسار الحيل دور المنتصر


ماكشف وجه الخضوع وما كسر ذاك الكيان
غير شوفة ظلي اللي من حنينه انكسر


يوم طحت وشفت جفني اطلق الدمعه وخان
صحت تكفى ..صاح قلي كيف اخبي هالبحر


ما وعيت الا بصوت(ن)هيه هيه الصبح بان
يالله صح النوم.. قمت وشابت عيوني د"عر


والتفت لوسادتي واقرا عباره للزمان
احلم بكيفك ولكن حسك تصدق خبر



..


..


مشعـان الرخيمـي

ألف مليون حمد لله على السلامة
لعل الأختبارات مرت بخير أختى مهندسة
وجدت أسمك قلت أكون أول المهنيين بسلامة الوصول

لا الحمدلله ماده طلعت منها بتوب قريد و الثانيه b- والثالثه قبل جم ساعه راده البيت من الامتحان بس ماسويت زين فيها بس الحمدلله على كل حال شكرا على سؤالك واهتمامك اخوي .

شكرا مره ثانيه اخوي خالد والله يسلمك .

سلم يمينك وسلم نقلك
ربي يعطيك العافيه
تحياتي

الله يعطيك العافية مهندسة

	سلمتي يا مهندسه والحمد لله على كل حال واتمنى لكي الموفقيه والسداد ودمتي بالف الف ود وخير