لــــو يـــعـــشـــق الــجـــمـــعـــه

السلام عليكم ورحمة الله وبركاتة

قصيده بعنوان

( لو يعشق الجمعه )

[poem font="Traditional Arabic,6,crimson,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
لو يعشق الجمعه مسا الأثنين=مايلحقه حتى بثمان رجول
ياصاحبي والقرب طعمه زين=لاشك طعم البعد صعب يزول
ماقول وينك بس أنا اللي وين=ضيعت عمري في رجا المجهول
علمي بنفسي من متى للحين=وأنا آتطامر لك من ألمح زول
وشلون أبخفي والعذاب يبين=والرمش بدموع الشقا مبلول
مسكين يامسكين يا مسكين=من مثلي بغل الهوى مغلول
عرق بجوفي عله السكين=ينبض لك بقول وبليا قول
ياعين وش باقي بعد تبكين=ماللمصايب في سهرك حلول
من وين يلقاها الشقي من وين=من فجعته والا من المرسول
والله لولي بالحشا قلبين=ياقلطتك ماردّها المقفول
وإن صار سعر الوصل نار البين=وشلون أكاسر والثمن مقبول
ليت لسواد العين بس يدين=تحضنك فيها لأستدار الحول
صدق الخلايق كلها من طين=إلا انت خلقك بس من معمول
ولك وجنة بين العنب والتين=مفتول ورك ولك خصر مجدول
والشفه اللي مزلفه من لين=جمر تعكسه صفتين اللول
والصدر قبضة ولد خمس سنين=في حدبته راس أصبع معسول
والشعر موج يقبل التخمين=لا سود ليل ولا شقار خيول
والعمر ما عدّا حجا العشرين=من حولها يركض بدون حجول
والبدر صوره له بلا تلوين=والشمس صوره له وهو مشغول
كن الضحى وجهه ورى طرقين=والخشم سيف باتر ومصقول
يرضا وأشوف الغيم له ثديين=يتغر بها الطوقي فقع وسيول
سوالفه تظهر خفا تشرين=وإن التفت يبرى وجع أيلول
كن الغلا في ذمتي له دين=وكنه من عيوب البشر منخول
ياقف شعر وبخطوته تلحين=والفن وصف لعوده المنتول
وإن صافحك تنبت يدك يسمين=وإن كلمك تسكت كذا مذهول
بأمر الله أهدابه ترد العين=وبأمر الله أنفاسه دوى المشلول
ومن طرف عينه مأنذكر ناجين=تحتار مات لحاله ومقتول
يانفس وش باقي بعد تخفين=الصبر مطوي والوله مفلول
تكفين ياحال الشقا تكفين=حني خفوق العاشق المسلول
ولو مأدري إنك بالبلا تدرين=هانت ولا عشت العمر معزول
يالله ألا والحين إيه ألحين=ياجيته وإلا تمام القول
وحذراك يالجمعه من الأثنين=وش لك بمن تحفا وراه رجول [/poem]

لشاعر / عبدالمحسن بن سعيد

تكفين ياحـال الشقـا تكفيـن
حني خفوق العاشـق المسلـول
ولو مأدري إنك بالبلا تدريـن
هانت ولا عشت العمر معـزول
يالله ألا والحيـن إيـه ألحـيـن
ياجيتـه وإلا تمـام الـقـول




صح لسانك ولسان شاعرها ويعطيك العافيه اخوي يشرفني اكون اول من رد على هالقصيده .

وعليكم السلام ورحمة الله وبركاته

المبدع بكل حالاته

والمتألق دائماً

عمر المسعر

صح لسانك وعتلا شانك

اهنيك على هذا الجمال يا مبدع

كن كما أنت يا صديقي .. فأنت في منتهى الجمال ..!!

الكاتب عمر ال مسعر وش اقول . كل العبارات الزينه سبقني عليها مهندسه واخصائي خلك كما كنت دايم رائع وحنا مستعدين نعطيك التحيه

المشاركة الأصلية كتبت بواسطة مهندسه

تكفين ياحـال الشقـا تكفيـن
حني خفوق العاشـق المسلـول
ولو مأدري إنك بالبلا تدريـن
هانت ولا عشت العمر معـزول
يالله ألا والحيـن إيـه ألحـيـن
ياجيتـه وإلا تمـام الـقـول




صح لسانك ولسان شاعرها ويعطيك العافيه اخوي يشرفني اكون اول من رد على هالقصيده .

إختي مهندسه يسعدني مرورك العطر

شكرا" لكي

المشاركة الأصلية كتبت بواسطة أخصائي مختبر

وعليكم السلام ورحمة الله وبركاته

المبدع بكل حالاته

والمتألق دائماً

عمر المسعر

صح لسانك وعتلا شانك

اهنيك على هذا الجمال يا مبدع

كن كما أنت يا صديقي .. فأنت في منتهى الجمال ..!!

أشكرك اخي حمد القويماني على هذا الإطراء

شكرأ" لمرورك المميز

المشاركة الأصلية كتبت بواسطة إبن لام الدويسي

الكاتب عمر ال مسعر وش اقول . كل العبارات الزينه سبقني عليها مهندسه واخصائي خلك كما كنت دايم رائع وحنا مستعدين نعطيك التحيه

هلا بعمي ابو صالح

الله يسلمك من كل شر

شكرا" لتواجدك في متصفحي

تسلم يمينك اخوي عمر

وصح لسان الشاعر عبدالمحسن بن سعيد

الأخ حفيد

شكرا" لتواجدك

الله يعطيك العافية على هالإختيار عمر

صح السانك والسان شاعرها

صح السانك والسان شاعرها
والله يعطيك العافيه

اختي ايمان

أخي سر القوافي

شكرا" لتواجدكم

صح لسانكـ ..
واعتلا شانكـ ..
وسلمت يمناكـ ..

مبــدع كعــادتكـ اخوي عمر ..

وافر احترامي ..

صح لسانك وسلمت يمناك

دمت بصحه وعافيه

اختيار موفق يا عمر

وصح لسانك ولسان شاعرها

و من القلب اشكرك

ودمت بود واحترام