أنا أكثر من جرحته بالغياب وقال لك : عادي

طريق وزحمة وجيه وملامح ترفض التبديل

..............| وملعب ذكريات وبيت بابه / ريحة أجدادي



وانا ماكنت فيني كنت فحدود الغياب آسيل

..............| قبل لاجف ، ماتت سُنبله وإستآحش الوادي



بسيط البس من أفوآه المآذن خشيه وترتيل

..............| معي منذ الطفولة دعوة أمي وأكثر عنادي



تنامى داخلي عشق الروابي والشجر والخيل

..............| وهبات النسيم اللي تغازل ريحة / الكادي !!



تمنيت المسا يفرش ظلامه وأرتقي لسهيل ،

..............| واسولف للقمر .. عن حلم تاه فغيبة رقادي



كثر ماخاوت إعيون السهارى نجمتين وليل

..............| شعلّت الهم ونامت في جفوني طفلة سهادي



من اول ماتبعت آثار جدبي لإرتشاف النيل !

..............| لقيت أكثر من أكثر شي فيني صوبك ينآدي



تسابق لك حنيني معْ حنيني وانهدم بي حيل

..............| وهاجر عن سما عشقي حمام وجف ميرادي



زمان اليا تثاوب من مسافة لهفتي / قنديل ،

..............| تطيب الدندنه ل إذن السما مع ليلي الهادي



أجيك مرتب ضلوع الحنايا لك / خذ الإكليل !

..............| واعود وكل مافيني تبعثر ..... قبل ميعادي



تذكّر صُبحنا : حب الغدير لطيحة النرجيل !

..............| حوارينا القديمه / مدرستنا / طيرنا الشادي



تذكّر قمّحنا : لامن سمع صوت النجر والهيل

..............| تمايل مبتسم وأغرى هديل طيوره : زنادي



جفل بك هالزمن وشيوخ صدري ملها التهليل

..............| وجيت آدورك كلي " بَلا " ياآخر " بلا دي "



انا اول من كبر في عين قلبك وإبتدا بالميل

..............| وانا اكبر من طعنته بالغياب وقال لك عادي



تعال وشوفني شارع بدونك ممتلي بالويل !

..............| رصيفي مظلم وشمعة وصالك عافت أعيادي



تضيق بجسمي كتوف اللقا وأستنزف التفصيل

..............| وآشيب وتصبح جروح الليالي حسبة اولادي



انا جيتك ودمعي حيرتي وسنيني المنديل !

..............|بعد ماضعت فيني بسألك : ياكيف إيجادي ؟


منقوول

دايم على البال


صح السان الشاعر

وعلا شانك


تسلم على الطرح الجميل

ودي واحترامي

صـح لسانك اخوي ولا هنت قصيده رائعه .

تسلم اخوي ناصر ويعطيك العافيه على ردك الجميل

شكرا لك

صح لسانك وعتلا شانك

من أروع ماقرءت ... جداً جميل

ماشاء الله كل يوم تتحفنا بالجديد الراقي

لكَ من التحيه

أغلاها

دُمتَ بأفضل حال

تسلم اخوي حمد وردك أجمل وأروع


وشكرا لك

تسلمين اختي مهندسة على ردك الاروع


وشكرا لك

تسلم يمينك اخوي

وصح لسان الشاعر

قصيدة رائعة دايم على البال

صح لسانك ولسان من قالها

تسلم يمناك على النقل

تسلمون اخواني ويعطيكم العافيه على الردود الجميله ولاهنتوا


شكرا لكم