اصبر واثابر واساوم وافرق السوم**وامدها من كفوفي حاتميّه

قصيده أكثر من رائعه

[poem font="Simplified Arabic,6,red,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
ياطير حزنك غير الامس واليوم=وانا امس قبل الصبح ذاك وقفيّه
ياطير والله غير ما اطيح واقوم=قومة خويٍ(ن) سد غيبت خويّه
اجاهد النفس العزيزه عن الوم= قوي وعزومي بربي قويه
وادرى على خاطرٍ غالي ومحشوم=من شرهته لايسندها عليّه
والا ورا هالضلوع علوم وعلوم=لاحد مالانهايه سرمديّه
ياطير ياللي صفقت الريش للحوم=وانا برجلي طويت الجرهديّه
انا من الظلم ميّت وانت مظلوم=ارفع جناحك وانا برفع ايديّه
لله منادي بوجهه كل مظيوم=اللي يدير البسيطه والبريّه
يزيد ما اعطى ويكفل رزق محروم=والاّ تجي بالتساوي ذي وذيّه
حظوظ تلبس بشوت وتنقل ختوم=وحظوظ ماتسرح الاّ في الرعيه
وين انت ياللي قدر فرقاك محتوم=ماشح بك غير الاوفاق الرديّه
ياقسمتي والحياه حظوظ وقسوم=ياقمّة الموهبه والشاعريّه
كنّي خوي السهر ومحارب النوم=من يوم ماصرت عنّي وانت ليّه
بيني وبينك روابط حب وسلوم=شبت وشابت و وافتها المنيّه
اخاف اجيها وانا مانيب معزوم=واجلس بليا فراش ومقدريّه
اصبر واثابر واساوم وافرق السوم=وامدها من كفوفي حاتميّه
والصبر محمود كن الصبر مذموم=لافقت من بعض الافكار الغبيّه
ذكرت ياماااال فرقا العين .. ياقوم=اوّل هديّة غلا واخر هديّه
النظره اللي سهمها بأربع سهوم=ركبتها في ظلوع لولبيّه
ليلة سرابك شبح وجنوطه كروم=لاهو بميه ولا هو ست ميه
غسلت وجهك من الشرهات واللوم=واقفيت حتى مارديت التحيّه [/poem]

مما راق لي

صح لسان قائلها

والشكر الجزيل لناقلها

قصيده اروع من الجمال

اخترت واحسنت الاختيار

العم خالد دريع

شكرا" لك

صح السانك اخوي الغالي عمر

قصيدة اكثر من راائعة

دمت بود

رائعه جدااا ومؤثره ..


اجاهد النفس العزيزه عـن الـوم
..........................قـوي وعزومـي بربـي قويـه

عجبني هالبيت ..

تسلم عمر المسعر ..

صح بدنك عمي محمد الذرفي

شكرا" لك على هذا التواجد

الرائع تواجد إختي شيهانه

الله يسلم

شكرا" لكي

صح لسانك ولسان شاعرها
وسلمت يمناك على النقل الرائع

والصبر محمود كن الصبر مذموم
لافقت من بعض الافكـار الغبيّـه
ذكرت ياماااال فرقا العين .. ياقوم
اوّل هديّـة غـلا واخـر هديّـه



صــح لسانك ولاهنت ماشاء الله عليك ذائقه رائعه ..

صح السان من قالها وصح بدن من نقلها لنا اخوى عمر المسعر

تسلم يمينك اخوي عمر

وصح لسان شاعرها

أخي سر القوافي

شكرا" لك والله يسلمك

اختي مهندسه

شكرا" لك

بنت ارجال

شكرا" لكي

حفيدوووووه

شكرا" لك