طرشتي صارة مع الحضر صادوفي_ قلعونـي وانتحـوا عنـك ياهلالـه

بسم الله الرحمن الرحيم

السلام عليكم ورحمة الله وبركاته

هذي القصه حصلت يوم الرزق مقلول بنجد فكان اكثر الرجال يطرشون
لسوريا والعراق والاردن يطلبون العيشه

من ضمن هاللي راحوا عادي بن رمال واخوه رخي "وللمعلوميه عادي من الرمال من شمر"

الوكاد ان عادي واخوه رخي راحوا يم فلسطين .. اليا مار عادي عاشقٍ وحده اسمه هلاله ساكنتن بجبه قريه من قرايا حايل .. وكل ماهذا تطري عليه ويقصد به

الوكاد يوم جاء اكاليوم يامار يتمشى هو واخوه رخي وهو يشوف اكالرجل مربط ويضربونه العسكر قال منهو هذا قالوا هذا فلسطيني ويضربونه اليهود
يامار عادي رجالٍ به حميا وهو ينغث ولابيده شي

قال والله مالي مقعاد بفلسطين وهو ينوي المشوه لحايل يامار معة ناقة وحواره وهو يعمل الناقه يبيه تمشي من المغثه وهو يقوم الحوار يلوج بوجه الناقه وهي تعجز تمشي

من زود المغثه وهو يقوم عادي ويذبح الحوار وهو يعطيه اكالعرب قال كولوه
وهو يمشي الناقه يوم جاء وقت الغداء ويتغدون هو ورخي وهو يلتفت يامار القاع ثرى وهو يراعي للناقه يامار الناقه تبكي وتحن على حواره

وهو تعوكس معه الامور وهو يقصد قصيدته المشهورة



[poem font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
ياوجودي وجد من سيـق مكتوفـي = سايقينـه دولـة الـروم غربـالـه

او وجود اللي على الهجن مشنوفـي = ساق رجلـه مـن عطيـب توتالـه

مع مناكيف عقب سـرد وحفوفـي = وايسوا من بـارد المـي وظلالـه
بطلعة الجوزاء على الكبـد ذايوفـي = وافختـوا نقـرن تنصـوه بدلالـه

يارخي مـن دونهـم راه والجوفـي = والحمـاد وديـرة التنـف وسهالـه
طرشتي صارة مع الحضر صادوفي = قلعونـي وانتحـوا عنـك ياهلالـه
متعب نفسي على غيـر مصروفـي = يـم يافـا والمـداريـج وجبـالـه
يارخي قم وارتحل فـوق منحوفـي = يطـوي الـدو البعيـده بزومـالـه
شل سلامي تر حلايـاه ووصوفـي = نوطـا رويانـة الـعـود قتـالـه

ليت عمي يصخره لـي بمعروفـي = ويصخـره رب المقاديـر بحبالـه

مالقيـت انـا حلايـاه ووصوفـي = ولامشى مثله مـع البيـض حفالـه

مهرة تزهى اللوابيـس وصنوفـي = كاسبـن كـل النواميـس خيـالـه

قطعتيـن بـس متنييـن وردوفـي = مهـرة الحاكـم حلايـاك ياهلالـه

والجدايـل كالقياطيـن مصفـوفـي = مثل شرطان الذهـب عنـد عمالـه

مثل عيـن اللـي ياطالعـة شوفـي = جافلـة وبـروق الاروام تبـرالـه

ذاكر له مع هوى الشرق عاطوفـي = مرتعـه بـارض بيـاح ومقيالـه

عينهـا جمـة غديـر بقفقـوفـي = في محاجر فيضـة عقـب ماسالـه

وعسى عشب الحيا يمهـا الطوفـي = بخـب جبـه والمرابيـب مدهالـه[/poem]


عقب هالقصيده وصل انت ياعادي لجبه يامار هلاله يتيمه وامه تبيه لولد اخته وعادي مايدري

وهي تجي هلاله لعادي قالت ياعادي انا ابوي ميت ولالي والي وابيك اخو لي
ابي اليامني تزوجت غيرك وازعلن ازبن عليك "يامار هلاله ماتدري ان عادي يبيه"

قال عادي ابشري والله مار اسمعي وهو يقول القصيدة السابقهالوكاد وهي تحسف هلاله قالت :عادي ياعادي...

وقبل لاتكمل كلامه قال عادي روحي واعتبريني زي اخوك والله انك مثل ظهر امي وهو يتوفى الله يرحمه ولاتزوجها 0

مسكين اثر هلاله ماتدري عنه

عادي ياعادي

مشكور سلامه اقول ليه تحذف موضوعي خخ زعلت ترى < طقي راسك بجدار

السنافيّه

مسكين اثر هلاله ماتدري عنه

عادي ياعادي

مشكور سلامه اقول ليه تحذف موضوعي خخ زعلت ترى < طقي راسك بجدار

اي ماتدري عنه لأنه مو جرئ ويصارحها

ولا شكراً على واجب انا ماحذفته بس اغلقته لأنك مادفعتي عربون صح ولا ؟

يسلم راسك طرحي موضوع من جديد بس ابيه يكون موضوع جدي اوكي

وشكراً لكــ على المرور لاهنتي

دمتي بود

بس اغلقته لأنك مادفعتي عربون صح ولا ؟

هذا عمر وشيهانه كل يوم ينزلون الغاز مااشوفهم دفعوا فلوس خخ

خلاص بكتب لك شيك بعشره ريال ههههه

خلاص ماابي انزل شي انا وين والالغاز وين

الله يعطيك العافية سلامه

تعجبني القصص اللي من هالنوع

تسلم على القصة والقصيدة

يا مار العافيه ياسلامه علي السلافه والقصيده ولغه الكتابه ولوكاد انك زين وتجيب الزين والوكاد ان شمر ربع ابوسند هم اهل الحميا يابعد قلبي اكا اليوم تحزمت به وصل وزاد انته ياسنايدي سلوم وش قولتك

الله يعطيك العافيه أخوي السلمي على هالسولافه والقصيده الرائعه

ماشاء الله عليك دائما" تأتي بالمميز

تحياتي

السنافيّه

هذا عمر وشيهانه كل يوم ينزلون الغاز مااشوفهم دفعوا فلوس خخ

خلاص بكتب لك شيك بعشره ريال ههههه

خلاص ماابي انزل شي انا وين والالغاز وين

هذولي عملاء ذهبيين بس انت عميله في آي بي هههههههه

وشكراً إلكـ على الطله.

علوش الفضلي

الله يعطيك العافية سلامه

تعجبني القصص اللي من هالنوع

تسلم على القصة والقصيدة

الله يعافيك ويبقيك لعين ترجيك ولهلك يخليك يارب

وسلمت من الشر ياذوق .. ولك كل الود

على المرور

إبن لام الدويسي

يا مار العافيه ياسلامه علي السلافه والقصيده ولغه الكتابه ولوكاد انك زين وتجيب الزين والوكاد ان شمر ربع ابوسند هم اهل الحميا يابعد قلبي اكا اليوم تحزمت به وصل وزاد انته ياسنايدي سلوم وش قولتك

ارحبو ابو صالح منور في متصفحي اما انا قولي والنعم بشمر والنعم في الطنايا والسناعيس اهل العز والمعزه وابو سند ماعليه قصور ولك الشكر لك استاذي على المرور وطيب التواصل شرفت وانورت وآنست دمت بحفظ الله

عمر المسعر

الله يعطيك العافيه أخوي السلمي على هالسولافه والقصيده الرائعه

ماشاء الله عليك دائما" تأتي بالمميز

تحياتي

الله يعافيك ويبقيك لعين ترجيك ولهلك يخليك يارب

والاروع هو تواجدك الطيب بطيب اخلاقك وتسلم على الطله الحلوه ياحلو

دمت بود

الله يرحمه
مشكله الحب من طرف واحد
اسلوب جميل في سرد القصه واللهجه
كأني اسمعها من الشاعر والراوي فواز الغسلان
يعطيك العافيه سلووووم
وتسلم يدينك
تحياتي لك

,,’,,

حاتميه

الله يرحمه
مشكله الحب من طرف واحد
اسلوب جميل في سرد القصه واللهجه
كأني اسمعها من الشاعر والراوي فواز الغسلان
يعطيك العافيه سلووووم
وتسلم يدينك
تحياتي لك

,,’,,

الله يعافيك ويبقيك لعين ترجيك ولهلك يخليك يارب

ربي يسلمك ويسلم غاليك ومغليك والاجمل تواجدك في متصفحي استاذتي الكريمه

اوه بعد تعرفين الراوي " فواز الغسلان " مشاء الله عليك اي نعم

هذه القصة على لسان فواز الغسلان لكــ واحد باونتي وكت كات

تشكراتي إلك على المرور

بارك الله فيك أخى سلامة
جميل جدا ما كتبت
يا ترى الترجمة هتنزل أمتى
ياجماعة أنا من مصر نزلوا المواضيع بس الترجمة معاها ههههههه
شكرا أخى سلامة وجزاك الله كل الخير

خالد العطار

بارك الله فيك أخى سلامة
جميل جدا ما كتبت
يا ترى الترجمة هتنزل أمتى
ياجماعة أنا من مصر نزلوا المواضيع بس الترجمة معاها ههههههه
شكرا أخى سلامة وجزاك الله كل الخير

ههههههههه ادري انك مافهمت بس انا ابقول لك اختصار للقصه الرجال ده كان يحب بنت بس البنت دي ان خطبت لحد تاني يعني الرجال الاولاني اللي كان يحبها مراح يتزوجهاش لأنها اخطبت لرجال قبله وقال قصيدته دي وشكراً ليك على المرور