ياحب ٍ إجتاح الضلوع وفج قلبي وقسمه ** نصفين..وأزريت اجمع النصفين وغيابك سبب!

[poem font="Simplified Arabic,6,indigo,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]

هذا ثمر قلبي تدلى قبل .. يأتي موسمه=مدي يدينك واجمعي فرقاك من عذق العتب

أنا ثملت من الفراق اللي خذا وجهي سمه=شوفي ملامح غيبتك تقرا قبل لاتنكتب

في وجهي الشاحب وفي آهات صدري ونسمه=.في ناضر عيون ٍ هميل الوجد منها ينسكب

يا نور لحظات ٍ غدت من دون وجهك معتمه=وينك؟ بدا هذا الحنين بجوف صدري يحتطب

ياحب ٍ إجتاح الضلوع وفج قلبي وقسمه:=نصفين..وأزريت اجمع النصفين وغيابك سبب!

حب ٍ بقى لو واقعه مره بحاليه.. صدمه=عشق ٍ حيا رغم العطش في روض روحي معتشب

ليت الغلا ذنب ٍ تجناه الخفوق ويندمه=وليت الصبر جرم ٍ اليا طاولت همي يرتكب!

إلى متى وأنا اهين الوقت وأرجع واحشمه=وأنا على رجم الوصال اشرف.. وأنادي.. وأرتقب

ياأم العيون الفاترات الناجلات المغرمه=يا من رموش عيونها تشكي سبب عكش الهدب

يامبسم ٍ له ضحكة ٍ تنطق بشي ٍ تبهمه=يانبرة ٍ لامن حكت كل المعاني تنقلب

ياللي خذيتي خافقي قبل اعرفك واقدمة=ياللي غيابك لحن ٍ تغنيبه أعواد القصب

عودي على قلب ٍ طواه الهم والشوق هزمه=قلب ٍ معك غنايمه ضاعت ولاادري وش كسب؟

أنا انتهيت وشوقي بصدري بدت له همهمه=جمر انتظاري سَمدت ناره وانا صرت الحطب

حتى ثمر قلبي تدلى قبل ياتي موسمه=هز ي طرف جذعه تساقط لك من عذوقه عتب![/poem]

	ابدعت في ما قلت يا ابا عبد الله وصح لسانك وحياك ربي على ما اسمعتنا من ابيات شعريه رائعه وجميله بجمال وروعة كاتبها وناقلها الينا عمر المسعر وتقبل تحياتي وسلامي

صح لسانك اخوي عمر

عساك عالقوه

أبدعت عمر في الإختيار

تسلم يمينك على النقل

قصيدة رائعة وكلماتها ذات شاعرية راقية

صح لسانك أخوي عمر ولسان شاعرها

تسلم على الاختيار الراقي

العم خالد دريع

أسعدني مرورك واشكرك على هذا الإطراء

شكرا" لك

الأخ حفيد

شكرا" لتواجدك هنا

تحياتي

الإخت إيمان

اسعدني مرورك العطر

تحياتي

الأخ علوووش

الله يسلمك يالغالي

أسعدني مرورك متصفحي

تحياتي