|
مجلس وديد بن عروج الفضلي ـ لـ القصائد المسموعه والمرئيه يشمل منتدى [ عذب الكلام و القصص والالغاز و الخواطر والمدونات الخاصه ] |
|
أدوات الموضوع |
#1
|
|||||||
|
|||||||
يـــاوجــودي كــل مـاهــب نـسـناس الـشـمـال
ياوجودي كل ماهب نسناس الشمال وجد من حده زمانه على اللي ما يبيه وياوجودي كل ماغفيت ثم مال الظلال لاغفت عيني ولاذقت شي مشتهيه وجد من قفى وهو في رجا كلمة تعال والتفت من عقب ماقفى ولحدن لد فيه وياعذابي لادنا الليل من روس الجبال وانتهى يوم من العمر ماعاد ارتجيه وانتي ابعد من سما الحلم وصالك محال يابعد من هل دمعي ضحى الفرقا عليه ياغناتي لاتحسبين دمعي يوم سال ضعف والا خوف والا كذا والا كذيه والله اني من رجال الـي يضدون الرجال لكن الحظ الردي ساق دمعي كل بيه والله اني كل مادار حواليك الجدال قمت كن الموت يشر على قبري بـيـديــه والله ان قد لي وانا اصد لاجالك مجال صدت اللي لاتضايق تذكر قبر اخيه ومن سألني قلت مدري واذا عاد السؤال قلتله تكفى سؤالك ترى ماهو وجيه وش تبيني اقول عما ترى ذبحي حلال والخطا منها علي صرت احبه واهويه عذرها لو ماتعذر مثل واضرب مثال واحدن مايعرف الحر الأشقر يشتويه وان رجعنا للتواصيف لله الكمال لا انتهى ليل المزايين جاتك تبتديه كنها غفل مع البدو طاويها الحيال ما يميز وصفها الا نبيه من نبيه واهني اللي وصلها وذاق امن الزلال رشفة مع غفلة الناس من فيها لفيه واعزتي للي سواتي عشق ما لا يطال ويوم طاله ضيع الحلم بين أمه و ابيه ياول احلام الطفوله على حد الخيال الرجا بـلــي حمى البيت من حملة بريه حال دونك سيف عنتر وتاسع حول حال بــثــر حول حال دونك وانا ادعي هيه هيه هيه يللي غرك الحسن واطغاك الجمال والله ان اموت ماشفت لوصافك شبيه لو يسام الحسن والتيه بجنيه وريال مابقى في سوق غيرك لا ريال ولاجنيه كيف اهدك للمقابيل وانتي راس مال راس مال ومال والمال مايعطى السفيه حافظك حفظي لعيني ورمشي لك جلال وانتي تشحين بالما وانا شفي مويه شايفن ظلمك وساكت وطال الليل طال لاتركتي طعن قلبي وانا ماقلت ليه ؟ لو بقا للهيل صبرن على فوح الدلال مابقى للقلب صبرن على شي يجيه كنت احسب ان الغلا زال واثره لايزال في الحشا ماكنه الا دخيل في وجيه ساقني حبك على الموت وسنيني هزال والظروف اقسى من الظلم للعرض النزيه وانتي تسوقين عقلي على حد الهبال تحسبين ان من بغى شي يقدر يشتريه والا انا ياوجد حالي وجودن مايقال وجد من ضحى بغاليه لرضا والديه وياوجودي ياول العمر قبل ألبس عقال وجد من باع اخر العمر في رغبة ذويه وياوجودي كل ماهب صوتش من شمال وجد من حده زمانه على اللي مايبيه الـــشـــاعــــر / ضـــيـــدان بــن قــضــعـــان الــعــجــمــي |
20-12-2009, 11:18 | #2 |
ضيف
|
رد : يـــاوجــودي كــل مـاهــب نـسـناس الـشـمـال
وانتي ابعد من سما الحلم وصالك محال
يابعد من هل دمعي ضحى الفرقا عليه صح لسانك وسلمت يمناك على هذا الطرح الطيب وصح لسان الشاعر اشكرك على الاختيار دمت بود. |
|
20-12-2009, 11:45 | #3 |
ضيف
|
رد : يـــاوجــودي كــل مـاهــب نـسـناس الـشـمـال
أبــنـــاخـــي ســـلامــــة حــيــــاك الله وشـــكـــراً لــمــرورك وتــشـــريفـــك الـــعــطر دائــما لك بـصــمــه في كــل الــمــواضيــع النيره ,,, وتقبل تحياتي ودمـــــت بخير |
|
21-12-2009, 12:21 | #4 |
ضيف
|
رد : يـــاوجــودي كــل مـاهــب نـسـناس الـشـمـال
وجد من قفى وهو في رجا كلمة تعااال والتفت من عقب ماقفى ولحدن لد فيه يعطيك العافيه سيف قصيده لا تضاهى في الجمال صح لسان الشاعر المبدع وتسلم ذائقتك الفريده بحثت عنها اذا لها شيله اللي حاب يسمعها 7 |
|
21-12-2009, 01:10 | #5 |
VIP
|
رد : يـــاوجــودي كــل مـاهــب نـسـناس الـشـمـال
ارحبو سيف ارحبو عبد العزيز الحصان مرحبا من جاب عذب القصيد . ماودكم نسمعها علي مجمار حاضره أوآليد تورد العلوم وتصدرها
|
|
21-12-2009, 10:50 | #6 |
ضيف
|
رد : يـــاوجــودي كــل مـاهــب نـسـناس الـشـمـال
قصيدة رائعة
صح لسانك سيف ولسان الشاعر الكبير تسلم على الاختيار الراقي ======================= حـــاتـــمـــيـــه مشكوره على طرح الشيلة أداء رائع |
|
21-12-2009, 12:30 | #7 |
ضيف
|
رد : يـــاوجــودي كــل مـاهــب نـسـناس الـشـمـال
حـــاتــمــيـــه حــيــاك الله وأشــكــرك على أضــافــة الشــيــلة الــرائــعـــة وأسعدنــي مرورك وحظورك العطر,,,,, وتقبلي تحياتي ودمتي بخير |
|
21-12-2009, 12:39 | #13 |
ضيف
|
رد : يـــاوجــودي كــل مـاهــب نـسـناس الـشـمـال
هـــلابــك أديــب وشــرفـنـــي مرورك العــطر والرائع يبوحــاتـــم وشـــكــراً على حـــــظــورك وتقبل تحياتي ودمـــت بخير |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|