أيامنا والليالي كم نعاتبها .. .. شبنا وشابت وعفنا بعض الأحوالي

بسم الله الرحمن الرحيم

السلام عليكم ورحمة الله وبركاته

.. هذه القصيدة لشاعر المعروف .. بديوي الوقداني .. وهذه المره بالحن عراقي الرائع ..

[poem font="Simplified Arabic,7,black,bold,italic" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
أيامنا والليالي كم نعاتبها = شبنا وشابت وعفنا بعض الأحوالي
تاعد مواعيد والجاهل مكذبها = واللي عرف حدها من همها سالي
إن أقبلت يوم ما تصفى مشاربها = تقفي وتقبل وما دامت على حالي
في كل يوم تورينا عجايبها = واليوم الأول تراه احسن من التالي
أيام في غلبها وايام نغلبها = وايام فيها سوا والدهر ميالي
جربت الأيام مثلي من يجربها = تجريب عاقل وذاق المر والحالي
نضحك مع الناس والدنيا نلاعبها = نمشي مع الفي طوع حيث ما مالي
كم من علومٍ وكم آداب نكسبها = والشعر مازون مثقالٍ بمثقالي
اعرف حروف الهجاء بالرمز واكتبها = عاقل ومجنون حاوى كل الأشكالي
لكن حظي ردي والروح متعبها = ما فادني حسن تاديبي مع أمثالي
إن جيت ابي حاجةٍ عزت مطالبها = العفو ما واحدٍ في الناس يا والي
قومٍ الى جيتهم رفت شواربها = بالضحك واقلوبها فيها الردا كالي
وقومٍ الى جيتها صكت حواجبها = وابد ت لي البغض في مقفاي واقبالي
ما كني إلا حال مغضبها = والكل في عشرته ماكر ودجالي
يا حيف تخفي أموراً كنت حاسبها = واللي على بالهم كله على بالي
الجار جافي وكم قومٍ محاربها = والأهل وأصحابنا والدون والعالي
والروح ويش عذرها في ترك واجبها = راح الحسب والنسب في جمع الأموالي
نفسي تبى العز والحاجات تغصبها = ترمي بها بين أجاويد وانذالي
المال يحي رجالاً لا حياة ابها = كالسيل يحي الهشيم الدمدم البالي
عفت المنازل وروحي يوم اجنبها = منها غنيمه وعنها البعد أولا لي
لا خير في ديرةٍ يشقى العزيز ابها = يمشي مع الناس في همٍ وإذلالي
دارٍ بها الخوف دومٍ ما يغايبها = والجوع فيها ومعها بعض الاحوالي
جوعى سراحينها شبعى ثعالبها = الكلب والهر يقدم كل ريبالي
عز الفتى راس ماله من مكاسبها = يا مرتضي الهون لا عزٍّ ولا مالي
دللت بالروح لين ارخصت جانبها = وانا عتيبي عريب الجد والخالي
قومٍ تدوس الافاعي مع عقاربها = ولها عزايم تهد الشامخ العالي
خل المنازل وقل للبين يندبها = يبكي عليها بدمع العين هطالي
لا تعمر الدار والقالات تخربها = بيع الردي بالخساره واشتر الغالي
ما ضاقت الأرض وانسدت مذاهبها = فيها السعه والمراجل والتفتالِ
دارٍ بدار وجيرانٍ نقاربها = وارضٍ بأرض وأطلالٍ بأطلالي
والناس اجانيب لين إنك تصاحبها = تكون منهم كما قالوا بالأمثالي
الارض لله نمشي في مناكبها = والله قدر لنا أرزاق وآجالي
حث المطايا وشرِّقها وغرِّبها = واقطع بها كل فجٍّ دارسٍ خالي
واطعن انحور الفيافي في ترايبها = وابعد عن الهم تمسي خالي البالي
من كل عمليةٍ تقطع براكبها = فدافد البيد درهامٍ وزرفالي
تبعدك عن دار قومٍ ودار تقربها = واختر لنفسك للمنزال منزالي
لو متّ في ديرةٍ قفراً جوانبها = فيها لوطى السباع الغبس مدهالي
اخير من ديرةٍ يجفاك صاحبها = كم ذا الجفا والتجافي والتعلالي
دوس المخاطر ولا تخشى عواقبها = الموت واحد وبعد العز يجلالي
ان المنايا إذا مدت مخالبها = تدركك لو كنت في جو السما العالي
ما قرت الاسد في عالي مراقبها = تسعى على الرزق ما حنت للاشبالي
والشمس في برجها والغيم يحجبها = تقفي وتقبل لها في العرش مجدالِ
رب السماوات يا محصي كواكبها = يا مجري السفن في لجات الأهوالي
ضاقت بنا الأرض واشتبت شبايبها = والغيث محبوس يا معبود يا والي
يا الله من مزنةٍ هبت هبايبها = رعادها بات له في البحر زلزالي
ريح العوالي من المنشا تجاذبها = جذب الدلى من جباء مطوية الجالي
ديمومةٍ سبلت وأرخت ذوايبها = وانهل منها غزير الوبل همالي
تسقي دياراً شديد الوقت حاربها = ما عاد فيها لبعض الناس منزالي
يا جاهل اسمع تماثيلاً مرتبها = فيها معاني جميع القيل والقالي
مثل المحابيب زادت في قوالبها = في صرفها زايده عن قرش واريالي
يا ربي توبه وروحي لا تعذبها = يوم القيامه إذا ما ضاقت اعمالي
وازكى صلاةٍ على المختار نوهبها = شفيعنا يوم حشرٍ فيه الأهوالي[/poem]

كلك يمين حفظ بأسم

موال رائع

أداء مميز وصوت ملئ بالحزن

تسلم على اختيارك الراقي أخوي سلامه

الله يعطيك العافية

اختيار رائع

يسلمووووو

علوش الفضلي

موال رائع

أداء مميز وصوت ملئ بالحزن

تسلم على اختيارك الراقي أخوي سلامه

الله يعطيك العافية

الله يعافيك ويبقيك لعين ترجيك ولهلك يخليك يارب .. وسلمت من الشر يابعدي والاروع طلتك لاهنت.

فيصل

اختيار رائع

يسلمووووو

ياهلا بأخوي فيصل يالله حيه شرفتنا بهذي الطله ربي يسلمك يابعدي تحياتي لك.

وعليكم السلام

أشكرك على هذه القصيده الرائعه ... وأيضاً مقطع الصوت رهيب

أحترامي وتقديري لكَ ياعزيزي

دُمتَ بأحسن حال

وعليكم السلام

جميل ما نقلت يا اخي سلامه

اخترت فاحسنت الاختيار

لك حبي وامتناني

أخصائي مختبر

وعليكم السلام

أشكرك على هذه القصيده الرائعه ... وأيضاً مقطع الصوت رهيب

أحترامي وتقديري لكَ ياعزيزي

دُمتَ بأحسن حال

لا شكراً على واجب والاروع تواجدك ودخولك في متصفحي شكراً لك ياحلو.

خالد دريع

وعليكم السلام

جميل ما نقلت يا اخي سلامه

اخترت فاحسنت الاختيار

لك حبي وامتناني

الاجمل تواجدك ودخولك في متصفحي فقد شرفتنا بهذه الطله الرائعه تحياتي لك.

الله يعطيك العافية سلامه

ايمان الجراي

الله يعطيك العافية سلامه

الله يعافيك ويبقيك لعين ترجيك ولهلك يخليك يارب واشكرك على طيب التواجد لاهنتي.

وعليكم السلام ورحمة الله وبركاته

شكرا اخي سلامة على نقل هذه القصيدة

الرائعة . الله يعطيك العافية




يا ربـي توبـه وروحـي لا تعذبهـا
يوم القيامه إذا مـا ضاقـت اعمالـي
وازكى صلاةٍ على المختـار نوهبهـا
شفيعنا يـوم حشـرٍ فيـه الأهوالـي

ابو وجدان

وعليكم السلام ورحمة الله وبركاته

شكرا اخي سلامة على نقل هذه القصيدة

الرائعة . الله يعطيك العافية




يا ربـي توبـه وروحـي لا تعذبهـا
يوم القيامه إذا مـا ضاقـت اعمالـي
وازكى صلاةٍ على المختـار نوهبهـا
شفيعنا يـوم حشـرٍ فيـه الأهوالـي

الله يعافيك ويبقيك لعين ترجيك ولهلك يخليك يارب , ولا شكراً على واجب والاروع تواجدك لاهنت لك اطيب الود.

وعليكم السلام ورحمة الله وبركاته

رائعه جداً لا يمل سماعها

شكراً لك سلوووم

دمت بهذا الرقي

حاتميه

وعليكم السلام ورحمة الله وبركاته

رائعه جداً لا يمل سماعها

شكراً لك سلوووم

دمت بهذا الرقي

الاروع تواجدك وطلتك الجميلة ولك كل الشكر لاعدمتك دمتي بود.