|
مجلس وديد بن عروج الفضلي ـ لـ القصائد المسموعه والمرئيه يشمل منتدى [ عذب الكلام و القصص والالغاز و الخواطر والمدونات الخاصه ] |
|
أدوات الموضوع |
#1
|
|||||||
|
|||||||
(** هيبةٍ لكبار لام **)
أحبتي .. بعد السلام ,,, وبعد فائق الإحترام ..
أقدم لكم هذه المتواضعه التي أهديتها إلى شيخ قبيلة بني لام الشيخ الدكتور / ( عمر ابن حمدان ابن عروج البخيت ) في أول إجتماعٍ لقبيلة لام بعد مدّه طويله وكان ذلك في منزل ,, عبدالعزيز السند وبحضور الكثير من أبناء هذه القبيله العزيزه . ..............................................
حسب عرفي للقصايد أو على نهج العقيده = لازم نسلّم لذلك ودّي أهديكم سلامي ..............................................يا جماعه قبل نبدى ندخل بجو القصيده = ودّي إن الكل يقبل بالبدايه إحترامي وأبتدي في ذكر شيخٍ كل شيماته فريده = فيه من طيبة خوالي أو مثل فزعة عمامي في عمر حمدان نلقا ظلم بعيون المكيده = ثابتٍ بالموقف اللّي فيه معنى الوصف دامي أشهد إنّه بالشدايد جزل وآرائه سديده = طيب فعل وفعل طيب وسامي الأفعال سامي يحتميبه عرق جدّه ساعة الوقفه الشديده = أصله وفصله أصيل ويروي اللّي صاح ضامي ولد حمدان البخيت ونعم بالنفس الزهيده = وافي لضيفه ويزهم بالهنا ياعين نامي وارثٍ طيب المعاني من بديده لي بديده = من علي البخيت طبعه نحت منحوته رخامي جوه ألف ومية فارس شمري , قصه أكيده = وسدْ جوع الجيش كلّه والوفا غاية مرامي ولد ابو طربوش كفو مودّع البيك السريده = ساردٍ عمره لعينا بنت تشكي من حرامي راعي الشلفا محمّد صيت مثله وش يبيده = نور إبن عرّوج كافي لو طغى الوقت بظلامي مو غريبه هالفعايل , أو ترى ماهي جديده = نسل لزّام وكلامي حق في ضمن إلتزامي من وفاهم علم (سعفه) ما شكت وقع الحديده = إعتنو فيها لك الله مثل صدقي في دوامي بنت بكره للزّام ,, وتنحسب حسبة عميده = هرج واقع مو خيال وفيه تصنيعٍ درامي والدليل السيف باقي والهدف ماهو جريده = الهدف طيب المبادئ والوفا حسب إفتهامي سيف لزّام يتوّرث .. ووالله إن الهرج سيده = علم حق ولا هقيته حلم ناتج عن منامي هاك يا سامع قصيدي قدمك أبوابٍ عديده = إفتح اللّي تشتهيه ودوّر السر بغرامي في شموخ الشيخ هذا وش تبي حتى تصيده = ما تصيد إلا الكرامه وأنت تبحث عن هيامي يا بني لام الوكاد وجملة الفعل الوكيده = إنه بطيب الفعايل مالكٍ كل إهتمامي والكلام اللّي نقوله لازم إنا ما نعيده = فيه يمنى مثل يمنى باللقا لإنسان رامي جمعة الليله فريده أو بأقول أفضل مفيده = هيبةٍ لكبار لام وحشمةٍ من شخص لامي السند عبدالعزيز وعز يالنظره البعيده = هرج حق وحق للّي ماشي بوقته نظامي وحي الإبراهيم حرٍ صاحب النفس العنيده = وأذكر المزروع ضيف وموقفٍ بالوقت حامي والفضول أصحاب مجد وطيب صفحاته مجيده = ولا يهاب النقص منهو مالكٍ مجدٍ عصامي والمغيره والعجاجي والسند بنك برصيده = من معاني الطيب فيهم شي كافي لإنسجامي وأذكر الكثران وأذكر للوفا تحرير قيده = في رجالٍ يعلم الله ذكرهم فخر لمقامي وإعذرونا من القصور ومن طلب عذرٍ نزيده = ما ذكرت الكل لأني ما أعرف بعض الأسامي المهم إن النشاما قوم والمبدأ عقيده = وواثق الخطوه ملك والشهم بالصف الأمامي وجيّتي جيّة وليده وماشي بجنبه وليده = عند أبو حمدان أوقف وأنتصب وأكرب حزامي وأتفنن بالقصايد من نشيده لي نشيده = وأضبط حروف القوافي وأحسب حساب لكلامي وودّي أذكر بالصداقه حر , ما يسلم طريده = ولد قيران عنزيٍّ ذكره أشبه في وسامي ودّي أذكر عامر اللّي يا عسى أيامه مديده = سلّم عهود الصداقه يمْ عمر وقت إستلامي يا عمر حنّا لعينك خصم من مثلك نبيده = ما تساوت في يديني خنصري ويّا ابهامي وبعد إذنك ودّي أقصر هرجتي وأنهي القصيده = إبتدينا بالسلام وبالختام إقبل سلامي أخوكم / نواف هلال العنزي . |
12-09-2004, 07:43 | #2 |
الإدارة
|
وعليكم السلام ورحمة الله وبركاته
اخوي \ نواف هلال العنزي صح السانك والله على القصيده الرائعه والجميله بجمال روحك وسلمت يمناك يالغالي ونحن سعيدين بوجود شاعر كبير مثلك بالمنتدى والف شكر لك على الاهداء الذي اعتبره اهداء الى جميع ابناء بني لام ارق تحيه |
|
12-09-2004, 02:27 | #3 |
الإدارة
|
وعليكم السلام ورحمة الله وبركاته
اخوي \ نواف هلال العنزي صح السانك والله على القصيده الرائعه والجميله بجمال روحك وسلمت يمناك يالغالي ياهلا فيك في منتدى قبيلة الفضول ولك جزيل الشكر على كل ماتقدمة تحياتي لك : اخوك راعي العليا الفضيلي |
|
14-09-2004, 08:17 | #5 |
ضيف
|
ابن غزي
أخي / ابن غزي ....
مجرد مرورك بمتصفحي كافي لأن يسعدني فما بالك وأنت تعطره بهذه الكلمات العذبه التي تدل على طيب قلبك أيها العذب . كم سررت لوجود تعليقك هنا . لك الحب والتقدير . |
|
14-09-2004, 08:20 | #6 |
ضيف
|
الحـــــر
الأخ الكريم / الحــــر
ربما ما يزيد هذه المتواضعه جمالاً مرورك بها أيها الراقي . أخي ,, لا أملك إلا أن أقول دمت ودام هذا التواجد الكريم . تقبل كل تقديري . |
|
14-09-2004, 08:24 | #8 |
ضيف
|
أبو مطلق
الأخ / أبو مطلق
ربما يحرجني جداً كرم أخلاقك يا عزيزي ولكني لا أستغربه نهائياً فأنت من قومٍ ليس بغريبٍ كرم الأخلاق عليهم ,,, لله در تواضعك أيها الشامخ ,,, لك كل الحب والموده والتقدير من قلب أخوك .... نواف هلال . |
|
14-09-2004, 10:17 | #9 |
|
في شموخ الشيخ هذا وش تبي حتى تصيده
ما تصيد إلا الكرامه وأنت تبحث عن هيامي يا بني لام الوكاد وجملة الفعل الوكيده إنه بطيب الفعايل مالكٍ كل إهتمامي والكلام اللّي نقوله لازم إنا ما نعيده فيه يمنى مثل يمنى باللقا لإنسان رامي جمعة الليله فريده أو بأقول أفضل مفيده هيبةٍ لكبار لام وحشمةٍ من شخص لامي السند عبدالعزيز وعز يالنظره البعيده هرج حق وحق للّي ماشي بوقته نظامي وحي الإبراهيم حرٍ صاحب النفس العنيده وأذكر المزروع ضيف وموقفٍ بالوقت حامي والفضول أصحاب مجد وطيب صفحاته مجيده ولا يهاب النقص منهو مالكٍ مجدٍ عصامي نواف هلال صح لسانك عز الله انك كفيت ووفيت يامية مليون مرحبا بك يابن وايل وهذي والله الساعه المباركه وجودك بمنتدانا ولك من كل فضلي تحيه يانسل الاجواد. تحياتي لك اخوك الفضلي1970 |
|
14-09-2004, 11:21 | #10 |
|
وخروووووو عني وين نواف هلال وينه ....اموووووووووووووووواه .. على خشمك ....ياخي بعض البشر غصب عليك تحطه فوق راسك .. وانا بكل امانه وبكل فخر اقول يانواف مهب مقامك روسنا ياطويل العمر .... والله ثم والله ياخي نتشرف بك وتشرفنا قصيدتك مليون مرة ..... وثاني مرة اقول اموووووووووووواه على خشمك ... والله يرحم شيبانك .. ويحرم عن وجيههم النار..... يامروض ابيات القصيده ..والله يعطيك دوم الصحه والعافيه .....
|
|
16-09-2004, 05:24 | #11 |
مشرف القسم العام
|
السلام عليكم
الاخ الشاعر / نواف هلال العنزي صح لسانك وسلمت يمينك على هالابيات ماعليك زود يا طويل العمر ، وهذا من طيب اصلك وشي مو جديد عليك ، معروفين عيال وايل ، فعايلكم كلها طيب بطيب وانا متأكد ان هالابيات الجميله اهي اردى ماعندك ننتظر منك المزيد ، واحنا طمعانيين بمشاركاتك أخو حوشه / القويماني ... |
|
18-09-2004, 04:27 | #14 |
ضيف
|
أحمد حوشه
الأخ الأستاذ / أحمد حوشه
ربما لم أكتب الجديد لضيق الوقت ولكن أعدك بكل ما هو جديد بإذن الله ,,, سواءً من قصائد أو من مناسبات أو غيرها من قصص وغيره ولكني أطلب من الله ثم منكم أن تعذروني لمجرد ضيق الوقت ,,, كما أعدكم بأن أحاول أن أجعل المنتدى معي في جميع الأوقات . وذلك سيكون قريباً جداً إن شاء الله ,,, ولكم ودّي وإحترامي يا أهل الكرم والأخلاق . أخوكم / نواف هلال . |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|