أحَاولْ أبْتِسِمْ وأنْسَى ولكنْ وشْ ينسيني..؟!

تصدق وإلا ما تِصَدِّق .. أنا عَاجِزْ عَنْ التفكير
/تعَالْ وشُوفْ في عينِيً غِيابكْ وشْ عَمَلْ فيني/






حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني




أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني




على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني





مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني





وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني





مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!


أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني





تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني





أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني



تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني




يا أغلى مِنْ رَحَل عنِّي يا كِلْ الحُبْ والتقدير
تعَاااااالْ إنْ كان لِي عِندِكْ مَعَزَّه وكان تغليني





تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني





إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني



أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد (ينهيييني


مما راق لى

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني





أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني



تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني


يالله ابيات قمه في الروووعه

صح لسان شاعرها

وسلمت اناملك ناقلتها

تحياتي

قصيدة جميلة ومؤثرة

صح لسانك الهادية ولسان شاعرها

الله يعطيك العافية على النقل

ابيات حلوة وجميلة

شكرا بنتي الهادية

على نقل هذا القصيدة

وصح لسان من قالها.

دمتي بود.

ياعيني على الكلمات الرقيقه
مشكور ه يالهاديه
عشره على عشره

مــروووركم آسع ــدني وآآنآآر صفح ــتي
والله لا يحرمني هذا الحضور الراااائع

إنتَ وينــــــك,إنتَ وينــــــك,إنتَ وينـــــك..كان هذا الفرق ما بيني وبينك..جيتني تشكي الزمن وجيتك أريد أدفى إلگيت في گلبي وطن ولگيتك بك منفى.

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

صح السان شاعرها وتسلم يمناك أختي الهادية

يا الهاديه الي راق لكي راق لنا

لكي تحياتي واحترامي

صباحك ومساك رائع كـ أبياتك هذه

صح لسانك أختي ... الهاديه

دائماً تقتطفين مختاراتك من على قمة الشعر

كل الشكر لكِ على هذا العطاء

دُمتِ الأفضل بجداره