هـامة عــاشت تـحت ظــل المهونـه ****** جعلها للسيـف ابـو حـد مـحنـا
من رضي بالذل "لا نامت عيونه" ****** يرقب حتوفـه هلـع منـا ومـنـا
ومن أمـن لعداه خطــرٍ ينكـبونـه ****** والله اعلم بالصدور ومـا حونـا
مـن تســـاهـل للعـدى مايمهلونـه ****** العـدو لو شاف غـرة مـا تــونـا
ما نوى بالخيرلو تضحك سنونـه ****** ولو يشوفك في نعيـم مـا تهنـا
العدو هـذي تواصيفـه ولونـه ****** وان تحلوا يوم في الآخـر تشنّـا
ولو تقرب صك باب القرب دونه ****** الجمال الجـرب لا تقـرب ظعنـا
جاوبوا يا أهل الحضاره والمرونه ****** تـشـرب القفـوات والا يــدفـقـنـا؟
ما استوى قدر الطهاره والعفونه ****** وان تساوى منّكم ماهـوب منـا
تمدحون الوقـت والا تشتكونـه ****** الردى في الروس ماهو في زمنا
وما يعيب الفقـر يالـي تلعنونـه ****** لو رفيق الفقــر فـي وقتـه تـعنـا
و ما ينول المجد من طبعه ليونـه ****** والاماني غربلـت منهـو تـــمنـى
قالها الي صاغ من هجسه لحونه ****** بادي راس الطويلـه يـوم غــنـا
نام يا راسي وخصمك في غبونه ****** الحسود الـي عــيـونـه تسهرنـا
وان نوى يخلف على الدنيا ظنونه ****** والله انه لو تقصّـى مـا شــحنـا
والخيـال الـي تعدتنـا مزونـه ****** مــا نخيله عقـب ماعقّـب وطـنـا
ولا رضينا منزلٍ فيـه المهونـه ****** وإن رضــينا جعلنـا حـد المحنـا
20-10-2006, 03:30
السيف المحنا
