مانيب مربوش

نون رهشني موحشن مرهشن جش=هتاش عتاش ولو رشاش طشاش

ناشا من المنشى يشادي اليا ارهش=يجوش هبشيا على الشرق نطاش

يرهش ويربش يوم قش الشجر قش=قلب الشجاع الي تنغمش تنغماش

نون بشوشن يوم جرش وبرش= يشفي بشوفه بوش بدوانا عطاش

ابو خدودا مرهشاتن هملش = لاشال برقعهن تقل شعة فلاش

ياما عليهنه شجاعا تطربش=اصفى من الياقوت وابيض من الشاش

صدرا من الشيراز كاسيه رشرش=ونورا من البلور كاسيه رشراش

ابو ثمانن كنه الطش والرش = هشا هشاهيشا تبهش تبهاش

كن ريقهن در البكار الحبشبش=والا حليبا ناشعن فيه خشخاش



مزيزن من شر العيون يتخشش=على مشفشف شفته جاني خراش

خشفا عفيف الشان حرك وتبلش=عوده الياهب الشمال ارعش رعاش

عليه لاجا من يمين اتدروش=وعليه لاجا من شمال ارهش رهاش

مانيب مربوش ولانيب هشهش=ولاشاربن غرشه ولانيب حشاش

يالايمي في حبه اش اش ثم اش=لابو هشاش المرجله لابو قطاش

منقول ما ادري منهي له

يعطيك العافيه يا ابوسيف وصح السانك ولا عدمنا تواجدك الغالي

صح بدنك وشاكر لك مرورك
وين القصيد اللي عن الام

يعطيك العافيه يا ابوسيف

وصح السانك

ولا عدمنا تواجدك الغالي


وكلك ذوق