ترى المحبة ما بها منقود

هذي قصيده للعم الشاعر شاعر الزلفي وعلم شعر المحاوره

( أحمد الناصر)


البارحه يوم العباد رقود
النوم مايطري على بالي

مجروح روح وخاطري ملهود
ياناس خلوني على فالي

تبكي عيوني والدموع شهود
أي والله أبكي صاحب غالي

يازين مالك بالعذاب فود
أرفق بحالي يا بعد حالي

ودي بوصلك يا نعيم العود
ودي ولكن ما تهيا لي

اللي ذبحني بالعيون السود
من قبل اعرفة خاطري سالي

ترى المحبة ما بها منقود
والله فلا اسمع هرج عذالي

ياعود ريحان عليه ورود
ومنين ما هب الهوى مال

هبي بريحه ياهبوب النود
يطفي بعض همي وغربالي

الحب يذبح والشقا محدود
ماهى سواليف على الخالى

يا منوتي يا غاية المقصود
زولك يورى لى ويبرا لي


وسلاامتكم

صح لسان الشاعر أحمد الناصر

وتسلم يمناك على النقل عمر

ارحبو ابو عبدالله مرحبا بك وبالعم احمد الناصر الشايع .ترى المحبه مابها منقود هه عمر لاتوهق وش يفكك من شيبان حرمه والزلفي

اقتباس:
المشاركة الأصلية كتبت بواسطة ايمان الجراي

صح لسان الشاعر أحمد الناصر

وتسلم يمناك على النقل عمر

صح بدنك يا أموونه

والله يسلمك يا أمووونه

أسعدني تواجدك

تحياتي

اقتباس:
المشاركة الأصلية كتبت بواسطة إبن لام الدويسي
ارحبو ابو عبدالله مرحبا بك وبالعم احمد الناصر الشايع .ترى المحبه مابها منقود هه عمر لاتوهق وش يفكك من شيبان حرمه والزلفي


مرحبا عمووو

هههههههههههههههه

ما علي من شيبان حرمه ولا الزلفي المحبه مابها منقود

قبلنا تغنا الشعراء بالمحبوبه ما جبنا شئ جديد

أرحب أبو صالح أخبار عسل الجنوب / وشهد الغرب هههههه