قصة الفية : محمد بن عمار الملقب ( ابوخيشه )

السلام عليكم ورحمة الله وبركاته


هذي قصة محمد بن عمار المعروف بحايل باسم (ابوخيشه) وهو من اهل (ثادق) تولع بحب فتاة فقرر اهل البنت قتله لذلك امر الامير في ذلك الوقت ان يتم ابعاده عن البلده حفاظا على حياته فأجبره اهله بالرحيل الى (حايل)

وفي حايل شاف بنت ماتتغطى بعد عمرها 13 سنه والعجيب انها كانت صوره طبق الاصل من محبوبته اللي في ثادق فهاج غرامه مرة اخرى واصبح يتابعها ولكي لاينتقده احد لبس خيشه على كتوفه كأنه مجنون ولم يلبث ان مات وقبل وفاته قال (الالفيه) المشهوره والتي منها :

الف اولف من جوابٍِ نظيفي
ودموع عيني فوق خدي ذريفي

..

من لام في حب الحبيب وليفي
دقاق رمش العين سيد الخوندات

..

خوندات للي ما بعد عاشرنه
قله تراهن بالهوى يذبحنه

..

قلبي وقلبك من عروقه خذنه
عزي لمن مثلي تعرض للافات

..

البا بليت بحب خلي على ماش
ولاحصل لي منه ما يبرد الجاش

..

غديت انا واياه طاسه ومنقاش
بالوصف كنه يالمعزي سلامات

..

سلامات اللي كلهم يذكرونه
يبي المعزة بس ذاق المهونه

..

يقول طيب مير غارت عيونه
سبب ولدكم واحد صابه ومات

..

التاء تبعت الزين والزين مقفي
امشي وحتفي شايله فوق كتفي

..

لاشفت مجدول وكتف وردفي
ماقوى التفت لو طوحولي بالاصوات

..

اصوات قالوا ياهبيل وسايح
طرد المقفي يالشقاوي فضايح

..

قلت ماريد اشواركم والنصايح
مثل المطر فوق الطياس المكفات

..

الثاء ثمانه حب رمان طايف
او قحويان ٍ في رياض ٍ عطايف

..

متنقلٍ بالزين سيد العفايف
عمهوجة ٍ فيها من الحور شارات

..

شارات فيها من ظبي الحمادي
هي لذة الدنيا وغاية مرادي

..

وان كان راح صويحبي من بلادي
عليه جاوبت الحمامة بالاصوات

وعدنا لقصص العشق

الله يعين المحبين

مشكور على القصة والقصيدة أخوي سلامه

علوش الفضلي

وعدنا لقصص العشق

الله يعين المحبين

مشكور على القصة والقصيدة أخوي سلامه

لا شكراً على واجب اشكرك على المرور والقصة انا نقلتها من الراوي الغسلان

وقد قالوا احفاد ابن عمار ان هذي القصه غير صحيحه ابداً

والله اعلم على العموم شكراً لك.

يسلمووو سلامه العايد

أشكرك على القصه والقصيده الرائع تسلم ايديك

الله يعطيك العافيه

...

..

.

{فارس الظلام}

فارس الظلام

يسلمووو سلامه العايد

أشكرك على القصه والقصيده الرائع تسلم ايديك

الله يعطيك العافيه

...

..

.

{فارس الظلام}

الله يسلمك ويخليك يارب .. اشكرك على المرور في متصفحي لك كل الود.