][ في ذمة عيوني ][

السلام عليكم ورحمة الله وبركاته



في ذمة عيوني...تعبت وسريتك
وخليت ليل الأنتظار .. يتحراك



جيتك ولا أدري كيف...ومنين جيتك
وصلت لهنيا...وأنا قاصد هناك



من كبر شوقي انتهيت...وبديتك
مديت خطواتي...وخفت أتعداك



وقفت...أبستوعب طريقي...ومشيتك
سبقت نفسي...لجل قبلي أبلقاك



يعني نحرت الوقع...وانتشيتك
واكبر خطا...صدقت حتى خطاياك



يلعن أبو أسلاف همي...سهيتك
وشلون من فرقاك..رايح لفرقاك؟؟



شفتك...وابتذكرك لكن لقيتك
داخل عيوني...قلت..أغمض وأنساك


وأنساك...
وأتذكر بأني... نسيتك..!!
فتحت عيني..لجل أشوفك وأقراك



تبي الصراحه...ارتبكت وبكيتك
مابيك تغرق في عيوني...وأعماك



ياقبلة الترحيب..والبيت بيتك
النون ديوانك..والأشواق مركاك



تعال وسط الشوف..واجلس فديتك
مامن غريب بديرة العين وياك



اما على كيفك تجي..ولا خذيتك
غصب على مصافح وصالك..ويمناك



ماتذكر اني يوم جيت...وعطيتك..!!
ومن قبل تطلبني..أنا قلتلك..هاك



هذا وانا بدنياي ضايع لقيتك
وشلون لو حاسب حسابي...أبلقاك؟؟


دمتم بحفظه

ياسلام ياسلام ياســلام عليك مادريت انك تحب وقلبك خضر

صح السانك

بس في ذمتي ياخوي حمد اني افتقدك في المنتدي

والمثل يقول ماينفقد الا غالي تكفااااااااااااااااا

لاتنقطع عنا

آبيات رآآآآآئعة

حمد إختيار جميل وذوق راقي

تسلم يمناك على النقل وفعلاً فاقدينك إن شاء الله المانع خير

اشكركم على المرور

إن شاء الله ماتفقدون غالي

اشوية ظروف صحيه

احترامي

سلمت اناملك على هذا القصيده الاكثر من رائعه

لا عدمنا طلتك الراقيه

تقبل مروري المتواضع

الله روعه

صح لسانك

يازين رجعتك أخوي حمد

ويازين اللي تجيبه

قصيدة رائعة

صح لسانك ولسان شاعرها

تسلم على النقل

أشكركم على المرور

الله لايحرمني حضوركم الطيب

أحترامي لكم جميعاً