|
|
 |
 |
|
||||||||||
 |
 |
| مجلس آل غزي ـ العام يشمل منتدى [ الترحيب و الاخبار الاقتصادية و المناقشات العامة و المناسبات العامه والمسابقات الثقافية ] |
 |
|
|
أدوات الموضوع |
|
#1
10-07-2010, 12:28
|
||||||||
|
||||||||
لقافة بعض النااااس
يالتكسي خذني لها يالتكسي .. وبسكتك خلنا نمر .. ناخذ عطر رومنسي
 << يطالع يمين وفجاءه يطالع يسار ( سامع باللي يكفش ) يالله اي واحد سهران يروح ينام لا اعلم ابووه  اكذب عليكم .. لا احد يبكي .. هالمره بس مسآمحكم تشوفون الموضوع .. بس ثاني مرة لا تشوفكم عيني توطوطون هنآ نجي للموضوع .. في حياتنا الممله .. نسمع الكثير من الكلمات .. ولكن في بعض الكلمات تمر علينا بشكل شبه يومي .. مثل .. اللزقه ,, الرخمه ,, النشبه ,, الملقوف .. و و و .. لكن نوقف عند اخر كلمه واللي هي الملقوف .. ونشرح لكم هالكلمه اللي ينطوي تحتها بحور من المعاني !! وفي المواضيع الجاية أنشالله راح نتكلم عن الرخمة واللزقة والنشبة نرجع لمحور حديثنا لصادوه قصدي { تعريف الملقوف} اللقاقه لغة : كلمه عادة ما نرددها ونستخدمها من ضمن مصطلحاتنا اليوميه مصطلح اللقافه : هي كلمة نقصد فيها الشخص الذي يتدخل في امور لا تعنيه ويريد معرفة كل شى والمطلوب في اختبار الفقة التعريف لغة .. واذا تبون ملخصات ارموآ الفلوس << وش عنده ناصر الفرآعنه مثال : قالو لآحد الملاقيف نبي نعطيك نصف الكرة الأرضية ؟ رد الملقوف طيب النصف الثاني من له !! درجات اللقافة : يبلغ المرء أعلاها وتسمى هذه الدرجة ( الشفاحة ) ، وتختلف درجة اللقافة بحسب اهتمامك باللي عند الغير ، فمثلاً لو ( شفت ولد جآركم الطفرآن واقف عند البيت وعنده سيارة جديدة )فـ أول شيء راح يدور في بال الملقوف !! من له هالسيآرة ولكن هالاهتمام يخف اذا ما كنت تعرف ساكن البيت وحالته المادية . وترتفع درجة اللقافة في القرى عنها في المدن ، إذا أن نظرية التناسب الطردي تنطبق هنا ، فكلما أوغل الإنسان في الجهل .. .. وصارت هالدمجة ( تخرفش ) ولم تستعمل إطلاقا فيما يفيد ، فهذا مؤشر إيجابي لارتفاع درجة اللقافة . فوائد اللقافة : 1 ـ مصدر معلوماتي ( خطير ) جدا يؤمن لك المعلومة بأيسر السبل ، ومن اللقافة تطورت وسائل نقل المعلومات العلمية ووكالات الأنباء ، وما مراسلو وكالات الأنباء إلا ملاقيف ( لهم رواتب على عملهم ) اذاً ,, اذا جاك سؤال في اختبار الحآسب .. !!<<<< ليه ضللت النص .. كل هذي شفآحه ( من اشد انواع اللقافة خطورة ) بس ما اقول الا الضرب في الميت حرام س " علل // تطورت وسائل نقل المعلومات العلمية في القرى ؟ راح تكتب وبدون لا تاخذ وقت كثير ولا تتعب حالك .. ج / لانهم ملاقيف مثلك نرجع ونكمل فوائد اللقافة 2 ـ تشعر بسعادة غامرة ونشوة فرح كبرى تسيطر على مشاعرك .... اذا حصلت اشياء دقيقة وصغيرة تخص غيرك 3 ـ الشعور بالعظمة والكبرياء وإشباع غرور النفس ، وذلك حينما تعرف بأسرار الناس ، فتشعر بأن كل مالديهم أنت على معرفة به . 4 ـ اذا عرفت اسم الشخص صاحب اليوزر معك في المنتدى ، تصبح تتلاعب بمشاعره ( وتذب عليه ... ) أضرار اللقافة : 1ـ قال صلى الله عليه وسلم من حسن إسلام المرء تركه مالا يعنيه .. 2 ـ تنحرق أعصاب الملقوف وخاصة المشافيح اذا ما حصلوآ على المعلومة باسهل الطرق 3 ـ اللقافة أعضم من الحبوب والمخدرات !! ( علل ) لان الملقوف اذا قآل اللي لقطه راح يزيد عليه من الكلام وتنفتح عنده الشهية وبالاخير يسبب له عدوان مع عيال الجيران 4 ـ اللقافة النسائية من أشد أنواع ( اللقافة فتكاً ) .. ولنا في قصة الشريب بزة خير مثال 5 ـ قد تنهي اللقافة حياة صاحبها ... فمثلا لو شاف الإنسان حادث في الطريق الثاني من الدائري ... ( ودق فرامل ) ونزل من سيارته بيتفرج ..والا يطآلع طريقه .. يمكن يصدم .... وكثير ما حصل ... 6 ـ اللقافة قد تتسبب في خسائر مادية ... اذا شريت أي جهاز ولا تعرف تستخدمه .. وقمت تعبث فيه .... وخرب فهذي من ثمار اللقافة . نماذج من اللقافة : في بداية التسعينات وبعد انقطاع ( سيارات الفورد ) حلت عوضا عنها سيارات ( جي أم سي ) الونيتات أقصد وصارت تشيل الخضار من المزارع وتوصلها للرياض . وخاصة الجح ... وكان فيه ناس يشيلون ( جح ) من مزارع كثيرة كثر حبات رز ابو كاس ( قمت احب الرز بعد زيادة الـ5% ) وكان واحد من غير أهل الديرة معه (جمس 72 ) أبيض . << ليش انت ملقوف كذا ؟ ويعرفونه بعض الزلايب اللي يشيلون جح .. المهم فيه ناس فاضين مالهم شغل إلا ( الحش ) في خلق الله ، مر من عندهم الجمس .. ( وقزوه ) مضبوط ... وعرفوا موديله ، ورقم لوحته، ونوع الكفرات ، ولون المرتبة ووووووو ... واختلفوا : عند نقطة ذات أهمية كبرى عند خبراء السواليف .. واللي هي .. سيآرته موظبة وإلا لا ( ؟ ) وتراهنوا من على ذبيحة ( ) .. ويوم جاء بكرآ قعدوا يحترون الرجال عند محطة البنزين ... ووقفوه .. وسألوه بكل ( سعة وجه ) موترك موظب وإلا لا ... = = = يا ترى وش الفآئدة من هالقصة ؟ وليه الناس فضت عقولها علشان تعرف امور ماهي لهم ولا هم حاجة فيهآ !! ووش رآح يقول رآعي السيآرة عنهم ؟ أليست لقافة ( xxxxxl ) لقافة على خفيف : 1 ـ الواحد اذا جلس في سيارتة عند باب قصر أفراح يحتري زوجته وإلا أمه ، وطلعت حرمه .. ما تلاحظ أنه بيقزها ويتابعها إلين تركب في السيارة ....... لية ..( ؟ ).. لقافه 2 ـ اذا طلعت عند بابكم وجارك فاتح الشنطة وينزل منها مقاضي تلقاك لاشعوريا ... تمد رقبك وتصر عيونك .. ودك تعرف وش في هالأكياس ...... برضو لقافه ... 3 ـ دق الجوال على خويك وكلم وبدا يضحك ... وانتهت المكالمة وأنت ماعرفت ( اللي يكلم ) تنحرق ودك تعرفه ليه ...... لقااااافة اشهر ملقوف اعتبر نفسك منهم وسجل اسمك بالرد على موضوعي 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
