وقوفك عند راس البير مايسقيك لـو فنجـال

كل بيت حكمه

معوّض خير ياحيٍ تهقوى في الزمـان ومـال
سنينك لو رقيـت بعدلهـا يطرحـك مايلهـا

تعلّم وإعرف إن الدرب قدامك سهـل وجبـال
جبـال تطولهـا وجبـال بعيونـك تخايلـهـا

ومعوّض خير ياحيٍ وردت الماء بدون حبـال
يطول بك الوقوف وشربة المـاء ماتحصّلهـا

وقوفك عند راس البير مايسقيك لـو فنجـال
ولاينفعك شوف الجمـه اللـي منـت طايلهـا

ومعوّض خير ياحيٍ خدعك من الرجال أشكـال
تشوف أشكالها وتحطها أرفـع مـن منازلهـا

تعلّم من زمانك لاتصير مـن أجهـل الجهـال
ترى في كل يـوم تجيـك عبـره لاتجاهلهـا

إذا ربي وهب لك عقل تلقى في الرجال رجـال
تعرف اللـي يطلّـع قيمتـك واللـي ينزلهـا

ترى من بعض مايندي الجبين ويحرج الرجال
لياسـاق الميانـه فـي نفـوسٍ ماتقبّلـهـا

ومهما شفت في صاحبك من نخوه وطيبة فال
ترى بعض السجايـا كثـرة الإلحـاح يقتلهـا

معاريف الرجال ديون وديون الرجـال ثقـال
لياصرت متعافي ليش تغـرق فـي جمايلهـا

رصيدك في حياتك سمعتك مع طيبيـن الفـال
رجال الطيب والمعروف بالمعـروف عاملهـا

ولاتبدي بجاهـك فـي مقـامٍ مايسـر الحـال
ولاتشفـع لنـاسٍ ماتنومـسـك بفعايلـهـا

لياجاتك تعذّرهـا مـدام العـذر لـه مدخـال
ووقت الجد قول لهـا الصحيـح ولاتجاملهـا

وخذ منـي نصيحـه لاتصـدق كـل ماينقـال
يجـرك للنميمـه ليـن يطرحـك بحبايلـهـا

يجيلك ناقـل النمّـات بهـروجٍ تغـث البـال
سوالف في قفاك وحظك أطيب يـوم تجهلهـا

يبـرر بالحميـه والصداقـه شينـة الأفعـال
يجمّـل صورتـه بعلومـه اللـي ماتجمّلـهـا

ولو كانت حميه فيك رد المخطيه فـي الحـال
ولاكان إستمعها فـي قفـاك وجـاك شايلهـا

ترى من جاب لك ودّى وهذي عـادة النقـال
يحاول يقتنص من فمك كلمـه لأجـل ينقلهـا

ومثل ماقال عندك راح عنك وعند غيرك قـال
وزوّد عشر فوق الكلمه اللـي كنـت قايلهـا

تجنّب مجلسه لاتجلس إلا مع كريـم خصـال
تحمّـل ميلتـه وإن ملـت ميلتـك يتحمّلهـا

ولاتصبر على الجار الردي لوهي ثلاث ليـال
تضـرك جيرتـه لوكـان بيبانـك تقفلـهـا

وبيع الدار بأول سومةٍ تعرض علـى الـدلال
ورزقـك عنـد ربٍ كاتـب اللقمـه وكافلهـا

وبنتك لاتزوجها الردي لوهـو كثيـر المـال
تربيهـا علـى الطـالات وتشـوّه سلايلهـا

وكم من لاش يرمي خيبة إبنه فوق راس الخال
لوإن الخال من روس الرجال ومـن دلايلهـا

ليامنك عرفـت تميّـز الطيّـب مـن البطـال
وفادتك التجارب في الحيـاة وفـي مسايلهـا

وكشفت الفرق مابين الصحيح وحيلة المحتـال
وتعلمت الفراسه في الوجيـه اللـي تقابلهـا

بعد هذي ترى مالك غنى عن صحبة العقّـال
يدلونـك بـرايٍ ينقـض الدعـوه ويفتلهـا

يقولون الرجال اللي سوالفهـم حِكـم وأمثـال
ليامن ضاعت الحيلـه يـدل القـوم عاقلهـا

نصيحة واحدٍ جرّب وشاف من الزمان اهـوال
يقدّم لـك خلاصـة هجـرةٍ جـرّب هوايلهـا

منقول للاسف ما عرفت من الشاعر لكن اعجبتني وقلت لازم اجيبها
لكم تستاهلون

فعلا حكم .. صح لسان الشاعر وصح لسانك اخوي

ودمت مبدع ومتألق وصاحب نقل مميز


لك كل المودة والاحترام

يازين ذا القصيدة

صح لسانك بو سيف ولسان شاعرها

الله يعطيك العافية

أرحبو لابتي .ابوسيف شكرا علي حلو المثايل وزين المعاني الو كاد انها ابيات رايعه سلمت ذائقتك وصح لسان الشاعر .

وقوفك عند راس البير مايسقيك لـو فنجـال
ولاينفعك شوف الجمـه اللـي منـت طايلهـا

صح السان نآقلها وقآيلهاا

وتقبل مروري المتواضع

اقتباس:
المشاركة الأصلية كتبت بواسطة ♥ ĐĻǯ
فعلا حكم .. صح لسان الشاعر وصح لسانك اخوي
صح بدنك
ودمت مبدع ومتألق وصاحب نقل مميز
اشكرك


لك كل المودة والاحترامولك ذلك ايضا شاكر لك ردك

اقتباس:
المشاركة الأصلية كتبت بواسطة علوش الفضلي

يازين ذا القصيدة

ويا زين وجودك معنا

صح لسانك بو سيف ولسان شاعرها

صح بدنك يالغالي

الله يعطيك العافية

الله يعافيك

اقتباس:
المشاركة الأصلية كتبت بواسطة إبن لام الدويسي
أرحبو لابتي .ابوسيف شكرا علي حلو المثايل وزين المعاني الو كاد انها ابيات رايعه سلمت ذائقتك وصح لسان الشاعر .


الله يسلمك وصح بدنك ... والمهم انها اطربتك

اقتباس:
المشاركة الأصلية كتبت بواسطة فريدة الطبع
وقوفك عند راس البير مايسقيك لـو فنجـال
ولاينفعك شوف الجمـه اللـي منـت طايلهـا

صح السان نآقلها وقآيلهاا


وتقبل مروري المتواضع
هلا ومرحبا ... صح بدنك ... وشاكر لك مشاركتك