عشقت القمر حيث القمر ينبعث به نـور _ واخص الليالي البيض تزهـاه ويزهنـه

بسم الله الرحمن الرحيم

السلام عليكم ورحمة الله وبركاته

هذه القصيده للشاعر .. سليمان الهويدي ( الله يرحمه )

عشقت القمر حيث القمر ينبعث به نـور
واخص الليالي البيض تزهـاه ويزهنـه

واحب الهوى لاهب من خايـع ممطـور
وريح النفل حيث النفـل طيـب الخنـه

واحب الجماله والجماله عمـل مبـروك
واحب الغناه وعز نفسـي عـن المنـه

واحب الصراحه والصراحه بها مسـرور
لا حيث الصراحه تقطع الشـك والظنـه

واحب الكريم اللي يفّرج عن المعسـور
اليا من عطى حتى هله مـا دروا عنـه

احب الرجال العارفه واكـره المغـرور
من اغّتر في بعـض المظاهـر يغرّنـه

سقا الله ليال ماضيه قبل هـدم السـور
نحفر العدود ونشرب الماء من الشنـه

نشوف البنات اليا اوردن كنهن الحـور
مهـارٍ مشاويلـن بالاعيـاد معتـنـه

على الماء تشوف بيوتهم كنهن القـور
كثيـر القبايـل تقطّـن العـد بالكـنـه

على البال ذكراها ياليت الليالـي تـدور
ياليـت الليالـي ماخـذنـه يجيبـنـه

تذكرت شيبان لنـا يـوم حنـا بـزور
يحثوننـا بالطيـب والفـرض والسنـه

لوعاشوا حياة قاسيه في بحـر وبـرور
عسى الله يعوضهـم بمافـات بالجنـه

لو دورن مضى من بينهم وين ذاك الدور
زمـان مضـى لـه ذكريـاتٍ يحلنـه

يومنْ الذهب مايلبسونه بدون خصـور
جمال النسا ماهو من السـوق يشرنـه

فقدنا حياة البدو مع شوفـة المظهـور
ولا عاد به بدو ولا الطـرش لـه حنـه

قصيده رائعه
صح لسانك ولسان الشاعر رحمه الله
وتسلم يمينك لا عدمنا طرحك الرائع
تحياتي

النشميه

قصيده رائعه
صح لسانك ولسان الشاعر رحمه الله
وتسلم يمينك لا عدمنا طرحك الرائع
تحياتي

صح بدنك والاروع تواجدك ومداخلتك وسلمك الله من كل شر.. شاكر ومقدر حضورك وفقك الله.

سلامه العايد


تسلم ع القصيده الرائعه


وصح السان شاعرها


تقبل مروري

تسلم سلامه قصيده رائعه والذوق هو اختيارك المميز
وصح السان شاعرها