][ صاحبت غيره ][

السلام عليكم ورحمة الله وبركاته



يقول طاوعني ولا تجيب سيره .. أبنصحك يا عل في الأمر خيره

طّوف علشان أتتعدل أمورك .. وجامل خصوصًا فالأمور الكبيره

سولف مع هذا وهذا وهذا .. حتى اللي ما يفهم بشيء أستشيره

رفّع لخلق الله وضبط معاهم .. الدنيا حرب أختار دورك وصيره

أما تكون سلاح والناس هذي .. ذخيرتك والا تكون الذخيره

ونافق أشفيها يعني لما تنافق؟ .. لا بأول ذنوبك ولاهي الأخيره

وأكذب يا عمي اصلاً الكذب متعه .. يكفيك من شره ويعطيك خيره

وإذا بلاك الله بقول الصراحه .. قول الصراحة في الأمور الصغيره

أزعجتنا بالصح والحق والصدق .. الصدق ما ودى هل الصدق ديره

خلص كلامه صاحبي وأنا ساكت .. ومن عقب ذاك اليوم .. صاحبت غيره


لكم ودي

خلص كلامه صاحبي وأنا ساكت ومن عقب ذاك اليوم / صاحبت غيره

خاتمه جميله جداً عكست مجرى الأبيات

كفو والله

صح لسانك أخوي أخصائي مختبر وصح لسان بن علوش

خالص تقديري

سلمت الآيادي اخوي حمد
على هذه الآبيات التي تحاكي من الواقع

بالفعل صار هذا الوقت كل شي بالعكس الصح خطا والخطا صح

الله يكفينا الشر من بلاوي الزمان ويحفظنا من كل شر

صح لسان شاعرها
وصح إحساسك العذب
يعطيك العافيه ياولد العم

كلمات رائعة تسلم الايادى