اخذت من روحي لروحي نصايح

السلام عليكم

هذه القصيدة إحدى قصائد الشاعر خلف بن هذال

اتمنى أت تحوز على إعجابكم

اخذت من روحي لروحي نصايح
ثلاث يرضن النفوس الضياقـي

جمع الحطب ومعلقـات الذبايـح
وحذف النشامى للغتر والطواقي

بقفر خلا عشبه بالازهار فايـح
وغصن الخزامى له بالاخر مراقي

تلقى ام سالم به تجر النوايـح
ويطيب مع طير الربيع التلاقـي

بين اربعة جدران ماني بطايـح
قطع الخرايم جبرت عظم ساقـي

في نون عيني بارق الوسم لايح
كن السحاب تسل فيه السناقـي

ان عودوا غب المطـر للفلايـح
مانـي بفـلاح يعـدل سواقـي

عودت للـي يكسبـن المدايـح
فيهن طرب قلبي ولـذة مذاقـي

سود البكار المكرمـات المنايـح
هذي ضوت خلفه والاخرى ملاقي

ملحا تفاهق بالصميلي وتمايـح
وتركي على كبد الحسود العَراقي

خلوني اقضي باقي العمر سايـح
مادام للعمـر المطـرف بواقـي

امشي تحت غر المزون الروايح
هذا هواي ورغبتـي واشتياقـي

يرتاح بالي يـوم اوده واصايـح
وابسط فراشي في مبارك نياقـي

انحاش عن ناس تسوي الفضايح
عاشت بسوء اخلاق كذب ونفاقي

ناس تسـرد للمشاكـل شرايـح
تثير من بين الاخوان الشقاقـي

كل الحياة احلام والعمـر رايـح
طرقي بهالدنيا وغيري طراقـي


..

اخوكم ابو محمد

وعليكم السلام

صح لسان الشاعر وتسلم يمينك على النقل

الله يعطيك العافيه

شموخ

الله يعافيك وشكرا على مرورك

تحياتي

يستهويني كثير قصيد خلف بن هذال

يازين ماخترت أخوي يو محمد

صح لسانك ولسان الشاعر

صح بدنك ياعلوش الفضلي

اسعدني تواجدك الكريم

ابو محمد دوماً تنتقي الأجمل

جزيل الشكر

حاتميه

اشكرك على المرور الكريم

تحياتي

ابو محمد


صح السانك ولسان الشاعر خلف بن هذال


سلمت يمناك


ولاتحرمنا من جديدك

ــ

جعلـت للتميـز عنوآن لك هنآ
ووضعتـــ لك بصمـه ربمآ تخلد وتذكر بصمـه أبدآعـك
دمت متألقـــــــ
تحيآتي لك


..