قصيدةة ياذيب

الـذيــب والـفــضــيــلــة



قصيدة للشاعر :


" ماجد الزيد الخالدي "

إرق الطويلة وارفع عواك يا ذيـب
خلّ العرب تهتـاج لعـواك ليلـة

مزّع سواد الليل باقسى المخاليـب
يمكن يجيب الصّبح وجـه الفضيلـة

إن عشت تلقاني بعـال المراقيب
وان متّ انا يا ذيب من بتعوي لـه

ما جاوبك بعدي شنيع المضاريـب
اللي علـى يمنـاه اركـى قبيلـه

أتخيّلـه قمـراء ويختالهـا الشِيـ
بوسود الليالي تحـت نابـه قتيلـه

عزيز نفسٍ مـا يـدوّر مكاسيـب
عواه حرّن والغـذاء بقـوّ حيلـه

ولاّ الغنم تعلف بظـلّ المشاعيـب
والذيب بديار الغنـم عزتـي لـه

دارٍ تساوي بين عصْم الشواريـب
وبين الهلايـم ذيـك دار الفشيلـة

ياذيب كم رجْلٍ كسى راسه الشّيب
ما حطّ له مربـع بـراس الطّويلـه

ورجلٍ يشوف سهيل فيه المطاليـب
تلقـى الثّريـا نازلـه فـي شليلـه

يشوم عن قاع الرّخـوم الجلابيـب
ما شالوا الي كتوف قلبـه تشيلـه

لا عرّفوا حقّـن ولا عيّبـوا عيـب
والطّيب صاير عند احدهم وسيلـة

وحنّا جِبلْنا طيب والتربيـة طيـب
وفرعون ما حشّم هل الطيب نيلـه

طاغوت عصره بالغباء والأكاذيـب
ورّد مصر للنّـار مـن قـوّ ميلـه

ولا أنت ما يدخل على قلبك الرّيب
و خيرات مصر بعين يوشـع قليلـة

ما شفت من يقنب معك بالمكاتيب ؟
يـا قـوّة الله لا عـوى بالجزيلـة

همّه يسوق الناس يم عالـم الغيـب
والخلق تروى من العدل سلسبيلـه

صحيح شاف الجور وقد ذاق تعذيب
بس الصّبـر زاده وجـدّه دليلـه

يشهق على شمّ الشّواهق بترتيـب
وفيه الجلد سبعـة خيـولٍ أصيلـة

وحده ولا رفقـة عقـولٍ مجاريـب
خالـي ولا زحمـة نفـوسٍ ذليلـة

موته ولا سطوة يديـن الأرانيـب
سمّه يسوس الـرّوس روسٍ عميلـه

راسه مع الجوزاء ورجله على النّيب
وعزّة كوى كبود الدلابـح بجيلـه

يا ذيب هذا الوقت وقت الألاعيب
مكر الحصاني سيطـر بكـل حيلـه

تنزل على اللّحية وتنـزل أشانيـب
متقصّفاتٍ خـوف مـوس الهبيلـه

الوقت هذا لا يـودي ولا يجيـب
منّه علـى كبـود الذيابـه مليلـه

الحق غـادي والمبـادي مناكيـب
وموت الفتى فدوة لعيـن الجليلـة

ويا ذيب انا بوصيك لا تذبح الذيب
لو مات منّك ويـن تلقـى بديلـه

هذا القصيد الزين والجزل

تسلم يمناك على الطرح أسد الفضول

يعطيك العافيه على روعه الانتقاء