السلام عليكم

كيف حالكم شباب
مباركين عليكم الشهر واسأل الله أن يتقبل صيامنا وقيامنا
ياشباب فيه قصيدة عاجبتني تنشال في العروس بس ماني بحافظها ينقال فيها
وامس الضحى شرفت انا في راس الجبيل منيف.

إذا فيه أحد حافظها أو يقدر يجيبها لي يجيبها

الله لا يهينكم

عذار!! تعديلات مع تكملة شيء من القصيدة

وامس الضحى شرفت انا في راس رجمٍ منيف
واخيل ديرة صاحبي لطف الحشا وينها

من بو جعودٍ لانقضها مثل ذيل العسيف
شقرٍ ذوايبها على الامتان وازينها

يابو نهيدٍ جالسٍ بالصدر ماله وصيف
توه صغيرٍ ماتكسر له بزارينها

عليك يالمجمول ياراعي الثمان الصفيف
بيضٍ تلالا من دناهن داعجٍ عينها

عاد اللي حافظ الباقي يشاركني في هالقصيدة إذا ماعليه كلافه

يالله عسى الله يحفظكم إن شاء الله

مع السلامة