حماية الفغم لجاره ووفاء الدويش لهم .

بسم الله الرحمن الرحيم ..
السلام عليكم ورحمة الله وبركاته..


كان ابن مانع الخشاب من قبيلة الرشايدة جارا للشيخ/ ضيدان بن زيد بن فواز بن جفران الفغم ,, وعندما نزح عنه اخذه بن شقير الدويش , ولكن الفغم ارسل قصيدة للدويش يخبرة فيها ان المذكور في حمايته ,, وعند ذالك اعاد الدويش ماأخذه من الخشاب ,, وهذه قصيدة الشيخ/ ضيدان الفغم ..


ياراكب حر رعى بالمخاضير=متيه يرعى بعشب المطاوي
ياركبه مني لياجيت لشقير=سلم على الصعصيع فرخ النداوي
أباعر الخشاب برص المواخير=شرب أسود الماء عقب ماهو غناوي
والسابق اللي عندكم بالدواوير=ماكنه الا وصف ذيب قراوي
هذي قصيرة عودنا شايب الخير=وحنا بأثرها لو غدينا عراوي
قصيرتك ما خذت فيها معاذير=حيثك على ماتطلب النفس قاوي
هوماتنا تاصل ثميدا وابا القير=ولايبعد الهومات غير النداوي
اما نهود عن جميع المشاوير=ولا نثور ويعتدل كل غاوي
وليا ركبنا فوق مثل المعاشير=نقعد حجاج اللي على الدرب ثاوي .

مع تحيات أخوكم الشعطاني الظفيري.

الشعطاني

سلمت يمنآآك ولاهنت

بصراحه كنت سامعه هالابيات

بس اجهل وش قصتها
والحين عرفتها‏<‏‏<‏

يعطيك الف الف عآآآفيه،،،،

ممتااااااااااااااااااااااااااااااااااااااز

يعطيكم العافية وما قصرتوا على المرور الكريم .