مدري علام العين

حيا الله عيال عمي هذي القصيدة تعبر عن نفسها واعذروني على القصور فيها ...............

البارحة دمعي تحدر من العين = سهرت طوال الليل من دون نيّه
مدري علام العين بالمرقد الزين = عافت رقود الليل والله غبيه
سألتها ياعين وشبك تهلين = قالت بلاي من الهموم الخفيّه
جاوبتها ياعين ترى الصبر زين = ولابد عقب الصبر من مقدريّه
ياعين هذا حال من جرب البين = نار الوله تسعر بروحن شقيّه
وانا على ما صار صابر من سنين = وادعي ولي العرش يفتح عليّه
والموت واللي زود الهم همين = غدر الخوي اليا انتخى له خويّه
وانا بقلبي ساكن الجرح عشرين = عام ن ولا ابي تفرح الناس بيّه
اضحك واخفي ثايرات البراكين = داخل فواد ن مارضى بالشكيّه
والله ياسلطان لولا العذولين = ولولا بعد نفسي عزيزة عليّه
لاأزعج بصوتي يابعد كل غالين = وياعيشتي سلطان هم وأسيّه
مليت انا سلطان من قول بعدين = صبرت انا مليت ما شفت شَـيّه
واضيقتي واحسرتي والعذابين = يالابتي عزون وين الحميّه
يالعن (..................)رديّين = يوم الغريب اضحى شفوقن عليّه

وسلامتكم
الشاعر : معااااند ااالوقت

معاند الوقت

صح السانك قصيدة تعبر ما بنفسك

دمت بود

راعي العليا
صح بدنك ودام عزك
دمت بود