عشره على تسعين

قاعدة عشرة على تسعين

10%
/
90%

السلام عليكم ورحمة الله وبركاته

اكتشف قاعدة عشرة على تسعين وبعون الله بتضبط حياتك , واللي ما يطبقها بعتقادي الشخصي انه (دردعه) ويحق علينا ان نطلق عليه مصطلح ( درج )

طبعاً اغلبكم ما يدري وشي قاعدة عشرة على تسعين ولا وش تعني

انا اقولكم

عشرة

تعني الحياة اللي تدور حولنا سواء كانت مفرحه او محزنه

على

حرف جر

تسعين

تعني الحياة اللي يتم تحديدها من خلال ردود افعالنا

معنى هذا الكلام بأكثر مرونه وسلاسه ( هذا توضيح للقراوى )

العشره معناتها ان نحن ليس لدينا القدرة على السيطره على الاحداث اللي حولنا << ايه هين ان كانهم فاهمين

يعني

انت رايح للدوام وانصلخ عليك كفر السيارة وتأخرة على الدوام , المشكله هذي مالك فيه قدره وهذا شي يعتبر مكتوب عليك والمكتوب على الجبين لازم تشوفه العين يعني انت ما تتحكم في اللي صار , وهذا هو اللي نعنيه بكلمة عشره أي 10% من حياتك

التسعين معناتها نحن لدينا القدرة على التحكم والسيطرة على رداة الفعل اللي تصدر منا << برضو ايه هين ان كانهم فاهمين

يعني

انت قايم الصباح ولابس وكاشخ على سنقة عشره وقعدة تفطر مع اعيالك او اخوانك الصغار ومدلك واحد منهم كوب الشاهي يوم جيت بتاخذة طاح من يد ولدك او اخوك على ثوبك وراحت الكشخه هبائن منثورا << في الحاله هذي وش راح يكون ردة فعلك

1- اذا هاوشت ولدك على ذا الصباح الباكر وشبيت على امه ان ولدها من بوهته دلخ وما يفهم , ثم طلعت تغير ملابسك , ثم نزلت ولقيت ولدك متحطم ويصيح وقعدة تهاوشه عشانه يصيح ثم قعدة تهاوش امه زياده عشانها تدافع عن ولدها وتقولك اسكت وباص المدرسه حفر الدركسون من كثر ما يضرب بوري لولدك يبيه يطلع عشان يوديه المدرسه ثم مل وراح وانت ما زلت في الموود حق الهواش واخيراً يوم فرغت شحناتك اكتشفت ان باص المدرسه راح وترك ولدك يعني اللي بيوصله للمدرسه انت , وطبعاً انت اذا وصلته للمدرسه راح تتأخر على الدوام وبذا الحاله مالك الا انك تلقط ولدك وانسب الحلول انك تسرع بسيارة عشان تختصر الوقت وانت مسرع وعمليات ( تخييط ) بين السيارات وعلى قولة المصاريه ( غرز ) لقطك مشبب بن غرمالله وهو جالس في الدوريه طبعاً ما يحتاج مشبب ولقى عليك شي انس انه يفكك المخالفه المروريه فيك فيك , وعطاك مخالفه وبكذا سرعتك صارة زي وجهك الا تأخرة ازياده يوم وقفك مشبب وصفقك بمخالفه , وطبعاً ولدك يناشق من الصياح ويمش خشمه بكمومه ( بحكم ان الابو ريفي ) , ثم وصلت لمدرسته ونزل وهو يمسح ادموعه عشان اخوياه ما يشفونه وهو يصيح ويرفس لك باب السيارة با اقوى ما عطاه الله وانت بوسط السيارة تزاعق عليه بس اهو مطنشك لانك يا دلخ مقزز قزاز السيارة وشلون بيسمعك , ثم توجهت للعمل ووصلت متأخر وياعيني على استقبال المدير لك , وانتهى الداوام ورجعت البيت و زوجتك كارهتك وولدك يقول لامه دوريلي ابو غيره يعني كارهينك , طبعاً كل ذا المشاكل اللي صارة سببها ( كوب الشاهي يوم انكب عليك ) .

بس تخيل معي ردة فعل ثانيه

يوم انكب عليك الشاهي طبعاً واكيد انك بتقول ( ااااااااااح ) والله يعينك اذا كانت بمنطقه حساسه

2- راح تقوم على طول من على الطاوله وتقول لولدك ما فيني شي وانتبه ثانيه مره وانا ابوك وتبتسمله ثم تلتفت على امه وتبتسملها << يعني يقالك حضاري , ثم تطلع تغير ملابسك وتنزل وتبوس جبهت ولدك قبل ما يركب مع الباص وامه توادعها << عاد وشلون مشفره الطريقه ومقص الرقابه شغال , ثم تركب سيارك وتروح للدوام وتاصل قبل وقت الدوام بخمس دقايق , وينتهي الدوام وترجع للبيت تلقى ولدك وامه يحترونك وتتغدون وتنكتون على بعض , طبعاً ما حصلك مشاكل مع ان السبب واحد وهو ( كوب الشاهي يوم انكب عليك )


يعني يا جماعه التسعين هذي

نقدر نتحكم برداة فعلنا بأنا نختار يا ردة فعل واحد او ردة فعل اثنين

وشفنا وش صار مع واحد وشفنا وش صار مع اثنين , وانتم عندكم الاختيار وبيدكم القرار

وسلامتكم يا سادة ويا سعاده

طبعاً الكلام هذا كله مو من عندي ولا انه من مطحنة ابوي هذا كلام دكتور اسمه ( ستيفن كوفي )

وطبعاً اهو يقول ( الملايين من الناس تعاني من إرهاق وإجهاد لا مبرر له ومحاكم ومشاكل في القلب .. إذن علينا جميعاً أن نفهم ونطبق هذه القاعدة .. حياتك عندها ستتغير )

ومن الامثله اللي طرحها ستيفن كوفي ( إذا قال أحد الأشخاص : بعض الأشياء السيئة عنك , فلا تكن مثل الأسفنج.. بل دع الهجوم يسيل عليك مثل الماء على الزجاج .. ولا تسمح للتعليقات السلبيه أن تؤثر عليك , فردة الفعل الأيجابية لن تفسد يومك , بينما ردة ا لفعل السلبية قد تؤدي إلى فقدانك للأصدقاء أو فصلك من العمل وتكون في حالة من العصبية والإرهاق )

النهاية

لكم خالص تحياتي وتقديري

اللي بيرد بشكراً او يعطيك العافيه لا يرد ( موضوع للكبار ويمنع اصطحاب الاطفال )

اخوكم / بن غزي 2005

والله كنت بكتب رد مطوّل بس عناد عليك يا بن غزي راح أقول مشكور بس خخخخخخخخخخخخخخخخخخخخ

يا ابن الحلال في ناس ما تعرف تكتب يالله تهجي الاحرف وانت تبي ردود خل الناس بحالها الله يرحم والديك هههههههههههههه

أدري غثيتك بس وناسه .. .. .. أمون عليك يا بن غزي


قال يبي ردود قال .. خخخخخخخخخخخخخخخ

تمون يا بعدهم

واللي يالله يتهجى وما يعرف يقرى ولا يميز الافكار هذا خله في لعبة عد إلى عشره

اما ما فوق ذالك فما اعتقد بيرد بشكراً او يعطيك العافيه لانه بيدلي بدلوه ويقسم ويطرح في الموضوع

هذا اذا كان موضوعي مناسب معه


وساف الله يستر لا تكون من اللي ردادة فعلهم رقم واحد

سرني مرورك المغوار يا مغوار

خالص تحياتي

اخوك / بن غزي2005

حبيبي والله يا بن غزي ومشكور واااااااااااااااااااااااااااااااجد يالغالي ودام احرجتني بكرمك راح أقولك إني من الرقم واحد بردة فعلي وهذا الشي أدري إنه عيب فيني ومو قادر أتخلص منه مع العلم إني طيب وحبوب ( مداح نفسه يبيله .... ) بس المشكلة لما اتنرفز واعتقد كثير من الناس طبيعتهم هي كطبيعتي وقلة الذين يستطيعون التحكم بالأمور بهدوء ورويّة .. والأمثلة التي قدمتها جميلة ورائعة وتسهل عملية الفهم لمن هم في لعبة العد إلى عشرة خخخخخخخخخخخخخخخخخخخ

ألف شكر وتسلم يمينك على هالموضوع الجدي والرائع وننتظر مرور الأخوة الاعضاء ومشاركتهم به للاستفادة .

أخوك / الوساف المسرور بمعرفتك يا صنديد .

انت نقشت ابداع وحقائق وطرزت الروائع بكل حرف في مضون الكلام
والله هذي الحقيقه مو لانك طلبت موضوعك جدا رائع
يعتبر رساله قويه ورهيبه ومفيده
اشكرك جزيل الشكر على ما قدمته

وساف

مره اخرى اشكرك على المرور الجريئ والحماسي

واتمنى انك تحاول تطبق نظريه وسع صدرك وطولة البال لانها هي ردة الفعل الايجابيه واللي تقيك بأذن الله من امراض تسببها لك الردود السلبيه

مرسي يا اكسلنس


اميرة نجد

يعطيك العافيه على المجاملات الحلوه والكلمات الجميلة

لكم خالص تحياتي وشكري وتقديري

اخوكم / بن غزي2005

المشاركة الأصلية كتبت بواسطة بن غزي 2005

العشره معناتها ان نحن ليس

فسرها لي وشلون تجي ((ان نحن ليس))؟؟!!!!!!!!!!!!!!!!!!

لا وتبي ردود (كبار) بعد؟!!

ههه ههه ههه ههه ههه
لاتزعل!

انا حلفت اني ما اجامل
هذي الحقيقه الموضوع جدا رائع
الله يصلحكم تراني اكره المجامله انا انسانه سيده ما احب الف ودور عندي شي بقوله وصدقني هذا الكلام طلع من روئعة ما قريته
لا عاد احد يقولي تجاملين ههههههههههههههههههه

لا يا بن غزي أميرة نجد ما تجامل ليش تضايقها !!!!!!!!!! قالت ما تجامل قالت خخخخخخخخخخخخ

اشكرك ابن غزي على هالموضوع

الحللووو


بس انا معارض كلام الأخ هههه (( الدكتور ... ستيفن كوفي ))




العشره

تعني الحياة اللي يتم تحديدها من خلال ردود افعالنا


__________________________________________________ _________


التسعين

تعني الحياة اللي تدور حولنا سواء كانت مفرحه او محزنه

الشامخ

يا حبنيلك


أن نحن ليس

زي ما تقول

هل كيف

يا حبيبي

نحن ضمير متكلم

ليس اداة نفي

بعدين يا خلف جداني لو سردة الموضوع لك على النحووي توقعاتي ان مخك راح يدخن وما راح توصل المعلومه << لا تزعل


اميرة نجد

مصدقينك بليا حلفان وانتي من بنات نجد العذيه على العين والراس

وساف

يا حبك لترزز

يعطيكم العافيه

اخوكم / بن غزي2005

اميرة نجد

مصدقينك بليا حلفان وانتي من بنات نجد العذيه على العين والراس

يا جعلك تسلم ان شاءالله بس لا تلومني جعل ولديك في الجنه الكلام يطلع من قلبي لاني اقراء بحساس
وصعبه علي الو احد اسخف بمشاعري او كذبها لا تلومني جعلك في اجنه والديك



وساف

يا حبك لترزز
هههههههههههههههههههههههههههههههههههههههههههههههههه ههههههههههههه

أنا يا حبي للترزز !!!!! [09]أوريكم[/09] بن غزي صرت ضدي وياها ؟؟؟؟؟ وين سنافيه تفزع لي خخخخخخخخخخخ

مشكوريييييييييييييييييين خخخخخخخخخخخخخخخ

بس خلونا بالموضوع أقول أحسن ترى نسيتوا الموضوع وبدينا نتكلم بكلام خارج إطاره .. ههههههههههههه

أحرجتكم صح .... ونااااااااااااسه

بس انا معارض كلام الأخ هههه (( الدكتور ... ستيفن كوفي ))




العشره

تعني الحياة اللي يتم تحديدها من خلال ردود افعالنا


__________________________________________________ _________


التسعين

تعني الحياة اللي تدور حولنا سواء كانت مفرحه او محزنه

تنفس الصعداء

صراحه توني احس اني كتبت موضوع

علي بن حبيب

يعطيك العافيه

شوف حبيب قلبي

ستيفن كوفي هذا انا اقول عنه انه شخص غير عادي وصراحه اهو معجبني من خلال كتابه العادات السبع

يعني الانسان هذا يعطي احلول تفيد أي شخص سواء في حياته الشخصية او العمليه

ومن قو ما هو ذكي حت شعره يعني غدة جبهته وعلباه واحد وهذا من كثر ما يفكر قزاه الله خير

عموماً انت اعكسة المسأله

وهذا خطاء

لو رجعت للامثله اللي طرحته انا تلقى الجواب الشافي والكافي

تلقى السبب اللي لا انا ولا انت ولا اي شخص يتحكم فيه لانه شي من عند الله ولا نعرف في علم الغيب وهذا ماخذ من حياتنا 10%

واما باقي الحياة فهي ردود افعالنا من مسببات الحياة وهي ماخذه 90%

وارجو اني وصلت المعلومه لك

واسعدني كثيراً تواجدك في صفحتي

خالص تحياتي وشكري وتقديري

اخوك / بن غزي2005

يا عزيزي


المعلومه واصل لي

بس 10%

اهيه ردود الافعال

_______________________

90%

اهيه اللي كاتب الله لك

اوكيه بخصوص كوب الشاي طاح الكوب على ملابسي وبعدنى شراح يصير يا ازعل او اطوف

وردت فعلى راح تكون اهيه 10%

والروحه للمدرسه مالها اي ردت فعل للكوب وتبوس جبهت ولدك قبل ما يركب مع الباص وامه توادعها هم بعد مالها اي دخل بردود الفعل

لان الموضوع انتهاء وانت دخل مواضيع ثانيه


مع احترامي لوجهت نظرك