ارسل قصيدة ورديت علية ((تفضلوا))

السلام عليكم ورحمة الله وبركاتة:

واحد من الشباب ارسلي قصيدة ورديت علية اليكم القصيدة....



لا هنت يامرسل من الشعر بيتين×××تشبة لحد الصارمات الرهيفة

اللي يحط السرج فوق البعارين×××مثل اللدي ينظر بعين كفيفة

والحر لامنة كفخ بالجناحين×××ترى السعد والفوز دايم حليفة

في لازمك ياطيب الفال ساعين×××والله يسهلها ولوهي كليفة

ماينطح القرنين جموع المعادين×××بقرون ينطحهم بقرنة وسيفة

تشهد لنا العتبان هم والقحاطين×××وتشهدلنا روس الطوال المنيفة

انا مع الوفين بالطيب وافين×××ونفوسنا عن الدنايا عفيفة

ندمح خطا المخطين مرة وثنتين×××والثالثة نرمية للطير جيفة

عقال لاكن لاغضبا" مجانين×××عدونا نجعل حياتة كيفة

جاك الكلام وللمعاني نياشين×××ياجعل جرحك مايطول نزيفة
>>>>>>>>
(((عاد رديت علية اقول)))
>>>>>>>>
يامرحبا بالي كتبلي من الزين×××بابيات شعرا" كلبوها نظيفة

اهلا" هلابك ياهلابك وسهلين×××يامادح نفسك ولا اوجست خيفة

حنا بنا الامجاد تملى دواوين×××اسأل ابو طالب واسأل حنيفة

تشهدلنا المطران هي والسباعين×××وكلن يبي يمدح على كيف كيفة

حنا براضي نجد نملى الميادين×××حنا الفضول اهل القلوب الشريفة

لامن زعل واحد تقوم الملايين×××ارجع بكل الحق ماقبل نصيفة

بامختصر اسمع كلام السلاطين×××واحذر تخون العهد لنسان شيفة

سبعان مع شمر دواسر قويين×××مطران مع قحطان ربيع وخريفة

لاضاقت الدنياء ضحكنا سعيدين×××ماهمنا حنا الاسود المخيفة
(محمد المسعر)


وســـلامــــتــــكــم

محمد المسعر

كفو والله ..بعدي... ..وصح لسانك والله يحفظك ...

ودمت بخير ,,,

محمد المسعر

صح السانك وتسلم يمينك على هذه الرديه

اجديت يابن عمي

يعطيك العافيه

	محمد المسعر .. صح السانك قوه في الابداع وتميز في سرد الابيات ويعطيك الف عافيه .

كفو والله يا بن مسعر

محمد المسعر

صـــح لســانــك

وتسلــــــــم يمنـــــك

لاتحرمنا من جديدك يالغالي .

حنا براضي نجد نملى الميادين=حنا الفضول اهل القلوب الشريفة
لامن زعل واحد تقوم الملايين=ارجع بكل الحق ماقبل نصيفة

الله الله

صح الله لسانك وسلم بنانك يا ولد عمي

جزلة من راس جزل وشاعر بكل ماتحمل الكلمة

والله انك اعجبتني اكثر مما تتصوروالى الامام

دمت بود

(( محمد المسعر ))

صح لسانك ..

لاعدمنا تواجدك .. !!

صح لسانك يا ابن مسعر.



وسلمت يمينك واشهد انك كفو يا ولد عمي.


الله يعطيك العافية ولا تحرمنا من جديدك.

قصيدة جميلة جدااااااااااااا
والصراحة دام العتبان والقحاطين يشهدون مافي مجال اكبر قبيلتين مايشدون بزور قالوا الحقيقة والشارع الظاهر يحب القبيلتين

يعطـــــــــــــــــــــــــــــــــــــــــــــيك العافية

يعطيك العافيه محمد ع القصيده الجميله

صح لسانك وعلا شانك

محمد المسعر

صح السانك


وتسلم يمينك